សេដ្ឋីវៀតណាម ជាប់គុក៣០ឆ្នាំចំពោះការឆបោក
តុលាការ
វៀតណាមមួយកាលពីថ្ងៃចន្ទ
បានដាក់គុកសេដ្ឋីនិងជាអតីតធនាគារិកម្នាក់សំរាប់រយៈពេល៣០ឆ្នាំ
ចំពោះការពាក់ព័ន្ធក្នុងរឿងអាស្រូវហិរញ្ញវត្ថុជាបន្តបន្ទាប់ដែលមាន
តំលៃ១,១ពាន់លានដុល្លារ។
លោកង្វៀន ឌឹក គៀន( Nguyen Duc Kien
)សេដ្ឋីធនាគារអាយុ៥០ឆ្នាំរូបនេះ
ត្រូវបានរកឃើញទោសកំហុសពីបទបន្លំលុយ គេចពន្ធ
និងការធ្វើពាណិជ្ជកម្មខុសច្បាប់
ដែលបានបណ្តាលឲ្យមានផលវិបាកដ៏ធ្ងន់ធ្ងរ
នេះបើយោងតាមការប្រកាសសាលក្រមនៅតុលាការប្រជាជនក្រុងហាណូយ។
ប្រធានតុលាការ លោក បាននិយាយថា “ ជនជាប់ចោទនេះ
មិនមានភាពស្មោះត្រង់ ដូច្នេះ
ត្រូវទទួលការដាក់ទណ្ឌកម្មជាខ្លាំងទៅតាមទោសឧក្រិដ្ឋរបស់គាត់”។
លោកង្វៀន ឌឹក គៀន ដែលបានបដិសេធការចោទប្រកាន់នេះ
ក្រៅពីត្រូវកាត់ទោសឲ្យជាប់គុកចំនួន៣០ឆ្នាំ
ក៏ត្រូវពិន័យជាប្រាក់ចំនួន៣,៥លានដុល្លា។
សេដ្ឋីធនាគាររូបនេះ
ត្រូវបានកាត់ទោសជាមួយនឹងចុងចោទចំនួន៧នាក់ផ្សេងទៀតដែលជាធនាគារិក
នៅធនាគារពាណិជ្ជកម្មអាស៊ី(ACB)។
លោកង្វៀន ឌឹក គៀន និងជនសមគំនិតរបស់គាត់
ត្រូវបានចោទប្រកាន់ថាបានធ្វើបាត់បង់លុយចំនួន៦៧លានដុល្លាតាមរយៈ
ការដាក់និងដកលុយពីធនាគារផ្សេងនិងការវិនិយោគខុសច្បាប់។
រដ្ឋាភិបាលកុំម្មុយនីស្តវៀតណាម
និយាយថាខ្លួនកំពុងស្ថិតក្នុងដំណាក់កាលរុះរើមួយដើម្បីពង្រឹង
ប្រព័ន្ធធនាគារនិងហិរញ្ញវត្ថុដែលមានបញ្ហារបស់ខ្លួន
ក្រោយជួបរឿងអាស្រូវជាបន្តបន្ទាប់ដែលមិនត្រូវបានចាប់អារម្មណ៍ក្នុង
អំឡុងពេលប្រទេសមានកំណើនសេដ្ឋកិច្ចលឿនពីឆ្នាំ២០០៣ដល់២០០៧។
កង្វះការត្រួតពិនិត្យ និងការអោយប្រាក់ខ្ចីងាយៗ
ភាគច្រើនទៅអោយបណ្តាក្រុមហ៊ុនរដ្ឋ
បាននាំអោយវៀតណាមជួបបំណុលមិនដំណើរការជាច្រើន ។
លោកគៀន
ត្រូវបានគេរកឃើញថាបានជួញដូរមាសនិងភាគហ៊ុនខុសច្បាប់ចំនួន២១,៥
លានលានដុង(១ពាន់លានដុល្លារ)និងបានគេចពន្ធ២៥.០០០លានដុង
តាមរយៈក្រុមហ៊ុនវិនិយោគចំនួន៦របស់លោក។
លោក
ង្វៀន ឌឹក គៀន សេដ្ឋីធនាគារនេះឈរស្តាប់សាលក្រម
នៅតុលាការក្រុងហាណូយកាលពីថ្ងៃ៩មិថុនា។លោក
ត្រូវបានកាត់ទោសឲ្យជាប់គុកចំនួន៣០ឆ្នាំ ពីបទបន្លំលុយ ការគេចពន្ធ
និង ការធ្វើពាណិជ្ជកម្មខុសច្បាប់
ប្រភពពី CEN
