កងសន្តិសុខ ឃាត់ប្រជាពលរដ្ឋចូលតវ៉ាខាង មុខក្បួនរថយន្តរបស់នាយករដ្ឋមន្ត្រី
កងសន្តិសុខ
និងកម្លាំងសមត្ថកិច្ចប្រមាណជា១០០នាក់ នៅព្រឹកថ្ងៃចន្ទនេះ
ឃាត់ប្រជាពលរដ្ឋដែលតវ៉ានៅតាមបណ្តោយផ្លូវសហព័ន្ធរុស្ស៊ី
ខណៈក្បួនដង្ហែរថយន្តរបស់លោកនាយករដ្ឋមន្ត្រី ហ៊ុន សែន
ធ្វើដំណើរកាត់តាមផ្លូវ។ ប្រជាពលរដ្ឋ៥៨គ្រួសារដែលមាន
ទីលំនៅតាមបណ្តោយផ្លូវសហព័ន្ធរុស្ស៊ី ក្នុងសង្កាត់ស្រះចក ខណ្ឌដូន ពេញ
នៅព្រឹកថ្ងៃអង្គារនេះ ប្រមូលផ្តុំគ្នានៅខាងមុខផ្ទះ
តវ៉ាទាមទារឲ្យទីស្តីការគណៈរដ្ឋមន្ត្រី
ចេញប្លង់កម្មសិទ្ធិដីធ្លីឲ្យពួកគាត់។
នៅវេលាម៉ោងប្រមាណ១១និង៣០នាទី
ក្បួនរថយន្តរបស់លោកនាយករដ្ឋមន្ត្រីដែលមកពីខេត្តកំពត
បានធ្វើដំណើរតាមផ្លូវសហព័ន្ធរុស្ស៊ី។ប្រជាពលរដ្ឋបន្តលើកបដា
ដោយចង់ឲ្យនាយករដ្ឋមន្ត្រីឃើញពីការតវ៉ានេះ។អ្នកតវ៉ាគ្រាន់តែលើក
បដាពេលក្បួនរថយន្តរបស់នាយករដ្ឋមន្ត្រីឆ្លងកាត់។
ការរារាំងរបស់កងសន្តិសុខ មិនមានអំពើហិង្សាណាមួយកើតឡើងទេ។
អ្នកតវ៉ាបានលើកឡើងថា ពួកគេតវ៉ានៅថ្ងៃនេះ
ដើម្បីសុំជំនួយពីលោកនាយករដ្ឋមន្ត្រី និងភិរយា។
ប្រជាពលរដ្ឋទាំង៥៨គ្រួសារមករស់នៅតំបន់នេះតាំងពីឆ្នាំ១៩៧៩
មកម្ល៉េះ
ហើយក៏ធ្លាប់បានស្នើសុំប្លង់កម្មសិទ្ធដីធ្លីពីសាលារាជធានី
ភ្នំពេញអស់រយៈពេល៣ឆ្នាំហើយ តែសាលារាជធានីថា
ដីដែលពួកគេកំពុងរស់នៅជាដីរបស់រដ្ឋ។ ពលរដ្ឋបានចោទជាសំណួរថា
ប្រសិនបើជាដីរបស់រដ្ឋ ហេតុអ្វីបានជាសាលារាជធានី
ព្រមប្រគល់ប្លង់ដីកម្មសិទ្ធទៅឲ្យគ្រួសារចំនួន១០
ដែលរស់នៅតាមបណ្តោយផ្លូវសហព័ន្ធរុស្ស៊ី ស្ថិតក្នុងភូមិ៣ដូចគ្នា។
លោក ទិត្យ សុធា អ្នកនាំពាក្យអង្គភាពព័ត៌មាន
និងប្រតិកម្មរហ័សរបស់ទីស្តីការគណៈរដ្ឋមន្ត្រី
ប្រាប់VODកាលពីថ្ងៃចន្ទថា លោកមិនបានដឹងពីករណីនេះទេ
ដោយបង្វែរសំណួរទៅសួរសាលារាជធានីភ្នំពេញវិញ។
បើតាមប្រជាពលរដ្ឋ
ពួកគាត់បានតវ៉ារយៈពេល៤ថ្ងៃមកហើយ
ប៉ុន្តែពុំមានអាជ្ញាធរចេញមុខមកដោះស្រាយនោះទេ។ ពួកគាត់ព្រមានថា
នឹងបន្តការតវ៉ាជាថ្មីម្តងទៀតនៅថ្ងៃអង្គារស្អែកនេះ
រហូតដល់មានដំណោះស្រាយ៕
ប្រភពពី vodhotnews.com
