រថយន្តដឹកថ្នាំពេទ្យ បែកកង់រេចង្កូតបុកបង្កាន់ដៃស្ពាន ធ្លាក់ស្ទឹង បណ្តាលឲ្យឆេះខ្ទេច នៅស្រុកទឹកឈូ
កំពត៖ រថយន្ត
ទ្រុងប្រភេទមួយតោនកន្លះ ដែលផ្ទុកពេញដោយថ្នាំពេទ្យ បានបែកកង់
រេចង្កូតបុកបង្កាន់ដៃស្ពាន ធ្លាក់ចូលក្នុងស្ទឹង
បណ្តាលឲ្យផ្ទុះឆេះខ្ទេចទំាងស្រុងរួមទំាងថ្នំាពេទ្យ និង មនុស្ស
៣នាក់ក្នុងរថយន្តបានរងរបួសស្រាល។
ហេតុការណ៍នេះ បានកើតឡើង
បានកើតឡើងនៅម៉ោង៣និង១៣រសៀលថ្ងៃទី០៣ខែ មិថុនា ឆ្នាំ២០១៤
នៅចំណុចស្ពានព្រែករំដួល ស្ថិតក្នុងភូមិគីឡូម៉ែត្រលេខ ១២ ឃុំកោះតូច
ស្រុកទឹកឈូ ខេត្តកំពត។
តាមសាក្សីម្នាក់បំភ្លឺប្រាប់សមត្ថកិច្ច
ឱ្យដឹងថា មុនពេលគ្រោះថ្នាក់កើតឡើង
មានរថយន្តមួយគ្រឿងជាប្រភេទទ្រុងចំណុះមួយតោនកន្លះ ម៉ាកទីតាន
បានបើកយ៉ាងលឿនមកពីទិសខាងលិច។ លុះមកជិតដល់ស្ពានព្រែករំដួល
ចៃដន្យកង់រថយន្តខាងឆ្វេងបានបែក ហើយទាញចង្កូតទៅបុកបង្កាន់ដៃស្ពាន
រួចក្រឡាប់ ធ្លាក់ចូលក្នុងស្ទឹង និងឆាបឆេះដ៏សន្ធោសន្ធៅតែម្តង។
ភ្លាមៗ ឃើញអ្នកក្នុងរថយន្តចំនួនបីនាក់បានរត់ចេញពីទីដែលមានភ្លើង
និងផ្សែង រួចព្យាយាមពន្លត់
តែមិនអាចទប់ទល់ស្ថានការណ៍បានក៏ទំនាក់ទំនងហៅរថយន្តពន្លត់អគ្គិភ័យ
មកជួយ។ ព្រោះតែសន្ទុះភ្លើងខ្លាំង ហើយ ចម្ងាយផ្លូវឆ្ងាយផង
ពេលរថយន្តមកដល់បានត្រឹមបាញ់ទឹកពន្លត់ផ្សែងដែលនៅហុយ ដែលថយន្ត
និងថ្នាំពេទ្យទាំងប៉ុន្មានឆេះខ្ទេចគ្មានសល់៕
ប្រភពពី Free Press Magazine
