កូនស្រីសងគុណឪពុក ដែលផឹកស្រាមួយអង្កត់អុស
កំពង់ឆ្នាំង: ក្មេងស្រី
ម្នាក់បានវាយក្បាលឪពុកបង្កើតរបស់ខ្លួននឹងអង្កត់អុស
បណ្តាលអោយបែកហូរឈាមស្រោចពេញខ្លួន ព្រោះតែជម្លោះក្នុងគ្រួសារ
កាលពីម៉ោងជាង៧យប់ ថ្ងៃទី៩ ខែមិថុនា ក្នុងភូមិត្រពាំងពោធិ
ឃុំខុនរ៉ង ស្រុកបរិបូណ៌ ខេត្តកំពង់ឆ្នាំង។
ឪពុកឈ្មោះថោ មូល អាយុ៦២ឆ្នាំ រីឯកូនស្រីវិញឈ្មោះថោ ម៉ាប់ អាយុ២១ឆ្នាំ។ គ្រួសារនេះរស់នៅក្នុងភូមិ ឃុំ កើតហេតុខាងលើ។
សមត្ថកិច្ចមូលដ្ឋានបានអោយដឹងថា នៅមុនពេលកើតហេតុបុរសជាឪពុកត្រឡប់មកពីផឹកស្រាវិញរករឿងឈ្លោះជាមួយ កូនស្រី ហើយកូនស្រីខ្លាចឪពុកវ៉ៃ ពីព្រោះមានផ្ទៃពោះពីរខែផង បានស្ទុះទៅយកអង្កត់អុសមកការពារខ្លួននិងបានវ៉ៃទៅលើឪពុកតែម្តង ។
រហូតមកដល់នឹងព្រឹកថ្ងៃទី១០ មិថុនានេះ ស្ត្រីដៃដល់មិនត្រូវសមត្ថកិច្ចឃាត់ខ្លួនទេទំនងជាចង់សម្រុះសម្រួល គ្នា ដើម្បីបញ្ចប់រឿង ដោយសារតែពួកគេជាឪពុកនិងកូន៕M
