ប្រទះឃើញគ្រោងឆ្អឹងមួយនៅ កំពង់ស្ពឺសង្ស័យថាសពកម្មករបាត់ ខ្លួននៅផ្លូវវ៉េងស្រេង
គ្រោង
ឆ្អឹងមួយត្រូវបានអ្នកស្រុកប្រទះឃើញនៅក្នុងស្រុកសំរោងទង
ខេត្តកំពង់ស្ពឺ កាលពីថ្ងៃទី២៤ ឧសភា
នាំឲ្យមន្ត្រីសិទ្ធិមនុស្សសង្ស័យថា ជាសពកម្មករម្នាក់ឈ្មោះ ឃឹម
សុផាត ដែលរងរបួសធ្ងន់ដោយសារត្រូវគ្រាប់កាំភ្លើងសមត្ថកិច្ច
ពេលធ្វើបាតុកម្ម នៅថ្ងៃទី៣ មករា ឆ្នាំ២០១៤ នៅផ្លូវវ៉េងស្រេង
ជាយរាជធានីភ្នំពេញ ហើយបានបាត់ខ្លួនរហូតមកទល់ថ្ងៃនេះ។
មន្ត្រីស៊ើបអង្កេតសមាគមអាដហុក លោក ចាន់
សុវ៉េត ឲ្យដឹងនៅថ្ងៃទី២៦ ឧសភា ថា បន្ទាប់ពីបានទទួលដំណឹងនោះហើយ
មន្ត្រីសមាគមអាដហុក
បានចុះទៅពិនិត្យនិងអង្កេតដល់កន្លែងកើតហេតុនោះ។
ចំណែកក្រុមគ្រួសារកម្មករដែលបាត់ខ្លួន
ឈ្មោះ ឃឹម សុផាត ក៏បានចុះទៅដល់កន្លែងកើតហេតុនោះដែរ
ហើយបានសន្និដ្ឋានថា គ្រោងឆ្អឹងសាកសពនោះជា ឃឹម សុផាត
ដោយសំអាងលើភស្តុតាង សំលៀកបំពាក់របស់យុវជន ឃឹម សុផាត
ដែលស្លៀកពាក់មុនថ្ងៃបាត់ខ្លួន។
សូមរង់ចាំអានព័ត៌មាននេះពិស្ដារ…
ប្រភពពី វិទ្យុអាស៊ីសេរី
