អតីតនាយករដ្ឋមន្ត្រីថៃ ថាក់ស៊ីន គ្រោងនឹងបង្កើតរដ្ឋាភិបាលនិរទេស ក្រោយមានរដ្ឋប្រហារថ្ងៃ២២-ឧសភា
អតីតនាយករដ្ឋមន្ត្រីថៃដ៏មាន
ប្រជាប្រិយភាព ថាក់ស៊ីន ស៊ីណាវ៉ាត្រា
ដែលត្រូវបានយោធាថៃធ្វើរដ្ឋប្រហារទម្លាក់ពីតំណែងកាលពីឆ្នាំ
២០០៦នោះ នាពេលនេះបានលាតត្រដាងគម្រោងបង្កើតរដ្ឋាភិបាលនិរទេសមួយ
(ក្រៅប្រទេស)
ដើម្បីជាការប្រជែងទល់មុខនឹងយោធាថៃដែលឡើងកាន់អំណាច
បន្ទាប់ពីធ្វើរដ្ឋប្រហាររដ្ឋាភិបាលលោកស្រី យីងឡាក់
ប្អូនស្រីសំណព្វចិត្តរបស់លោក ថាក់ស៊ីន
កាលពីថ្ងៃព្រហស្បតិ៍កន្លងទៅនេះ។
ការសម្រេចចិត្តនេះត្រូវ បានបង្ហើបដោយទីប្រឹក្សាច្បាប់របស់លោក ថាក់ស៊ីន គឺ Robert Amsterdam និងត្រូវបានសារព័ត៌មាន ABC របស់អូស្ត្រាលីចុះផ្សាយមុនគេ។
ការ
ប្រកាសនេះធ្វើឡើងចំពេលដែលមានសេចក្ដីរាយការណ៍ថា
មេដឹកនាំរដ្ឋប្រហារ លោកឧត្តមសេនីយ៍ Prayuth Chan-ocha
នឹងនៅបន្តកាន់តំណែងជាប្រមុខយោធាទៀត
ដែលខុសពីគម្រោងដែលលោកគ្រោងនឹងចូលនិវត្តន៍នៅខែកញ្ញាខាងមុខ
នេះ។ នេះបើយោងតាមកាសែត Bangkok Post។
ចលនាកម្រើកមិនធ្លាប់មាន របស់លោក ថាក់ស៊ីន ដែលរស់នៅនិរទេសក្រៅប្រទេស ដំបូងគេលើកនេះ ត្រូវក្រុមអ្នកវិភាគគិតថា ថៃអាចនឹងកាន់តែហែកហួរបែកបាក់ផ្ទៃក្នុងកាន់តែខ្លាំង ដោយសារតែវិបត្តិនយោបាយ បើសិនលោក ថាក់ស៊ីន ដ៏មានឥទ្ធិពល ប្រជែងនឹងយោធាពិតមែន។
ទោះបីយ៉ាងណាក៏ដោយ គេមិនទាន់ដឹងថា លោក ថាក់ស៊ីន នឹងកំណត់យកប្រទេសណាធ្វើជាមូលដ្ឋានរដ្ឋាភិបាលនិរទេសរបស់ខ្លួននៅ ឡើយ។
ឧត្តមសេនីយ៍
Prayuth បានឡើងកាន់អំណាចតែងតាំងខ្លួនជានាយករដ្ឋមន្ត្រី
ប៉ុន្តែនៅទទួលស្គាល់ថា ព្រះមហាក្សត្រជាប្រមុខរដ្ឋដដែល។
កាល ពីយប់ថ្ងៃសៅរ៍ម្សិលមិញនេះ យោធាថៃបានរំលាយព្រឹទ្ធសភាចោល និងរាល់ការសម្រេចចិត្តពាក់ព័ន្ធនឹងការតាក់តែងច្បាប់ទាំងអស់ ត្រូវស្ថិតក្នុងកណ្ដាប់ដៃរបស់ឧត្តមសេនីយ៍ Prayuth។ នេះបើយោងតាមការប្រកាសតាមទូរទស្សន៍ជាតិថៃធ្វើឡើងដោយយោធា។
ក្រុម
យោធារដ្ឋប្រហារថៃបានពង្រឹងអំណាចកាន់តែខ្លាំងកាលពីថ្ងៃសុក្រ
ដោយឃាត់ឃាំងឥស្សរជននយោបាយជាង ១៥០ នាក់មិនឲ្យចាកចេញពីប្រទេស
និងគំរាមចាប់ខ្លួនអ្នកនយោបាយណាដែលមិនគោរពបទបញ្ជាខ្លួន។
ក្នុងនោះ អតីតនាយករដ្ឋមន្ត្រីថៃ លោកស្រី យីងឡាក់
ក៏ត្រូវបានយោធាចាប់ខ្លួនដែរ ៕
ប្រែសម្រួល៖ សុផាត
ប្រភព៖ ABC.net.au
ការសម្រេចចិត្តនេះត្រូវ បានបង្ហើបដោយទីប្រឹក្សាច្បាប់របស់លោក ថាក់ស៊ីន គឺ Robert Amsterdam និងត្រូវបានសារព័ត៌មាន ABC របស់អូស្ត្រាលីចុះផ្សាយមុនគេ។
ចលនាកម្រើកមិនធ្លាប់មាន របស់លោក ថាក់ស៊ីន ដែលរស់នៅនិរទេសក្រៅប្រទេស ដំបូងគេលើកនេះ ត្រូវក្រុមអ្នកវិភាគគិតថា ថៃអាចនឹងកាន់តែហែកហួរបែកបាក់ផ្ទៃក្នុងកាន់តែខ្លាំង ដោយសារតែវិបត្តិនយោបាយ បើសិនលោក ថាក់ស៊ីន ដ៏មានឥទ្ធិពល ប្រជែងនឹងយោធាពិតមែន។
ទោះបីយ៉ាងណាក៏ដោយ គេមិនទាន់ដឹងថា លោក ថាក់ស៊ីន នឹងកំណត់យកប្រទេសណាធ្វើជាមូលដ្ឋានរដ្ឋាភិបាលនិរទេសរបស់ខ្លួននៅ ឡើយ។
កាល ពីយប់ថ្ងៃសៅរ៍ម្សិលមិញនេះ យោធាថៃបានរំលាយព្រឹទ្ធសភាចោល និងរាល់ការសម្រេចចិត្តពាក់ព័ន្ធនឹងការតាក់តែងច្បាប់ទាំងអស់ ត្រូវស្ថិតក្នុងកណ្ដាប់ដៃរបស់ឧត្តមសេនីយ៍ Prayuth។ នេះបើយោងតាមការប្រកាសតាមទូរទស្សន៍ជាតិថៃធ្វើឡើងដោយយោធា។
ប្រភព៖ ABC.net.au
