ភ្នំពេញ  ៖ អតីតប្រធាន នាយកដ្ឋាន អធិការ ក្រសួងប្រៃសនីយ និង ទូរគមនាគមន៍ លោកចែម សង្វា ត្រូវបានអង្គភាព ប្រឆាំងអំពើពុករលួយ ចាប់បញ្ជូនទៅកាន់ សាលាដំបូង រាជធានីភ្នំពេញ នាព្រឹកថ្ងៃទី០៣ ខែឧសភា ឆ្នាំ២០១៤ ពីបទពុករលួយ ជុំវិញការកឹបកេងប្រាក់រាប់ ម៉ឺនដុល្លារ នៅពេលដែលលោក កាន់តំណែង នៅក្នុងក្រសួងមួយនេះ អស់រយៈពេលជាច្រើនឆ្នាំមកនោះ ។

លោកចែម សង្វា ត្រូវបានអង្គភាពប្រឆាំងអំពើពុករលួយចាប់ខ្លួន កាលពីថ្ងៃទី០២ ខែឧសភា ឆ្នាំ២០១៤ ជុំវិញសំណុំរឿងពុករលួយ ប៉ុន្ដែអង្គភាពមួយ នេះ មិនទាន់បានបញ្ជាក់លំអិត ពីដំណើររឿង នៃការប្រព្រឹត្ដ អំពើពុករលួយ របស់អតីតមន្ដ្រីជាន់ខ្ពស់ នៃក្រសួងប្រៃសនីយ នេះនៅឡើយទេ។