ភ្នំពេញ : មានជនសង្ស័យ បានចូលធ្វើសកម្មភាពគាស់ផ្ទះ របស់ប្រជាពលរដ្ឋ កាលពីវេលាទៀបភ្លឺ ថ្ងៃទី ២៧ ខែឧសភា ឆ្នាំ២០១៤នេះ យកលុយ និងគ្រឿងអលង្ការអស់មួយចំនួនធំ ប៉ុន្តែមិនដឹង ចំនួនពិត ប្រាកដនៅឡើយទេ ។

សេចក្តីរាយការណ៍ពីកន្លែង កើតហេតុ បានឲ្យដឹងថា នៅវេលាម៉ោង ប្រមាណ៥ទៀបភ្លឺ ថ្ងៃទី២៧ ខែ ឧសភា មានការភ្ញាក់ផ្អើល ក្រោយពីផ្ទះប្រជាពលរដ្ឋ លេខ៣៦៧ ក្រុមទី៧ សង្កាត់ស្វាយប៉ាក ខណ្ឌប្ញស្សី កែវ មានចោរចូលគាស់ផ្ទះយកទ្រព្យសម្បត្តិ បណ្តាលឲ្យអស់លុយ និងគ្រឿងអលង្ការមួយចំនួនធំ ។

ក្រោយកើតហេតុ និងនៅព្រឹកថ្ងៃទី២៧ ខែឧសភា នេះ កម្លាំងនគរបាលព្រហ្មទណ្ឌកម្រិតស្រាល និង កម្លាំនគរបាលបច្ចេកទេស សហការជាកម្លាំងនគរបាលមូលដ្ឋាន បានចុះទៅសួរនាំ និងបើកការស្រាវជ្រាវ ក្រោមបញ្ជាផ្ទាល់ ពីលោកស្នងការ និងស្នងការរង ជួន ណារិន្ទ ដើម្បីតាមចាប់ចោរគាស់ផ្ទះទាំងនេះ ៕

_____________

ផ្តល់សិទ្ទិដោយ៖dap-news.com