ទៅម៉ាស្សាឃើញនារីម៉ាស្សា ទុកទូរស័ព្ទនិងលុយប្រហែស លួចយកម៉ត់
ភំ្នពេញ ៖ នគរបាលប៉ុស្តិ៍បឹងកេងកងទី១ ឃាត់់ខ្លួនជនសង្ស័យម្នាក់តាមបណ្តឹងនារីម៉ាស្សាម្នាក់ ពីបទលួចទូរស័ព្ទ៣គ្រឿងនិងលុយ១០០ដុល្លារ កាលពីវេលាម៉ោង៩និង២០នាទីព្រឹក ថ្ងៃទី៧ ខែឧសភា ឆ្នាំ២០១៤ នៅចំណុចផ្ទះម៉ាស្សាមួយកន្លែងលេខ៣៣ ផ្លូវលេខ១៩៤ ក្នុងសង្កាត់បឹងកេងកងទី១ ខណ្ឌចំកាមន រាជធានីភ្នំពេញ ។
ជនសង្ស័យដែលត្រូវនគរបាលឃាត់ខ្លួន ឈ្មោះ គង់ វណ្ណា ភេទប្រុស អាយុ២៥ឆ្នាំ ទីលំនៅនិងមុខរបរមិនពិតប្រាកដ ។
ចំណែកនារីរងគ្រោះឈ្មោះ ស្រី ឡាង អាយុ២០ឆ្នាំ ស្នាក់នៅក្នុងហាងម៉ាស្សាលើមុខរបរជានារីម៉ាស្សា ។
ចំណែកនារីរងគ្រោះឈ្មោះ ស្រី ឡាង អាយុ២០ឆ្នាំ ស្នាក់នៅក្នុងហាងម៉ាស្សាលើមុខរបរជានារីម៉ាស្សា ។
បើតាមការឲ្យដឹងពីនារីម៉ាស្សាខាងលើបាននិយាយថា នៅវេលាម៉ោងប្រមាណជាង៩ព្រឹក ថ្ងៃទី៧ ខែឧសភា ឆ្នាំ២០១៤ ជនសង្ស័យបានចូលមកម៉ាស្សាធ្វើសរសៃ ពេលធ្វើសរសៃរួច ជននេះបានចូលទៅលួចយកទូរសព្ទ័នៅក្នុងបន្ទប់ចំនួន៣គ្រឿង និងលុយ១០០ដុល្លារយកទៅ បាត់ ។ ពេលជនសង្ស័យយកទៅនោះ នាង ស្រីឡាង មិនទាន់បានដឹងភ្លាមៗនោះទេ លុះបើកកាម៉េរ៉ាសុវត្ថិភាព ទើបដឹងថា ជនសង្ស័យ គង់ វណ្ណា ជាអ្នកយក ។ ដំបូងឡើយនារីរងគ្រោះមិនមានសង្ឃឹមថា ចាប់ជនសង្ស័យបាននោះទេ តែដោយជនសង្ស័យភ្លេចខ្លួន លុះព្រឹកឡើងថ្ងៃទី៨ ខែឧសភា វេលាម៉ោងប្រមាណ៧ព្រឹកស្រាប់លេចមុខជនសង្ស័យ គង់ វណ្ណា បានមករកម៉ាស្សាម្តងទៀត ភ្លាមៗនោះនារីម៉ាស្សា បានទូរសព្ទ័ហៅសមត្ថកិច្ចនគរបាលប៉ុស្តិ៍បឹងកេងកងទី១ ឲ្យមកឃាត់ខ្លួនជនសង្ស័យដើម្បីយកទៅសាកសួរ ។
បន្ទាប់ពីសាកសួរ ជនសង្ស័យបានសារភាពថា រូបគេបានលួចយកទូរសព្ទ័ចំនួន៣គ្រឿងពិតមែន និងលុយ ចំនួន១០០ដុល្លារ តែលុយរូបគេចាយតែមួយយប់អស់៨០ដុល្លារ នៅសល់ប្រហែល២០ដុល្លារ ណ្ណោះ ។ ចំណែកទូរសព្ទ័មិនទាន់បាត់បង់ទៅណាទេ គឺទូរសព្ទ័ម៉ាកអាយហ្វូន១គ្រឿង និងណូគា ចុចពិល២គ្រឿងសមត្ថកិច្ចបានដកហូតប្រគល់ឲ្យម្ចាស់វិញ ។ ចំណែកជនសង្ស័យ ត្រូវកសាងសំណុំរឿងបញ្ជូនទៅអធិការរដ្ឋាន នគរបាលខណ្ឌចំការមនដើម្បីចាត់ការបន្ត ៕
