ហុងកុង៖ ថ្វីបើមានប្រវត្តិ ធ្លាប់លែងលះប្រពន្ធ ម្ដងរួចមកហើយក្ដី តារាសម្ដែង លឿន ឡៃ( Leon Lai) ត្រូវបានក្មេងស្រីស្អាតៗ សរសើរមិនដាក់ពីមាត់ ពីរូបរាងស្រស់សង្ហារបស់លោក និងបានចូលរួមគំាទ្រយ៉ាងសន្ធឹកសន្ធាប់ ក្នុងការប្រគំតន្រ្តី កាលពីពេលថ្មីៗនេះ ធ្វើឲ្យលោកមានសេចក្តីរីករាយ ចំពោះការសាទរ ពីសំណាក់អ្នកគាំទ្រស្រីៗទាំងនោះ។
ចាប់តំាំងពីបានលែងលះ ជាមួយប្រពន្ធឈ្មោះ ហ្គៃលី ឡូក (Gaile Lok) កាលពីឆ្នាំ២០១២មក លោក Leon Lai បានទុកពេលវេលា ជាច្រើន សម្រាប់ជីវិតខ្លួនឯង ។ ជាង១ឆ្នាំកន្លះហើយ ដែលលោកបានចំណាយពេល ផ្តោតទៅលើមុខជំនួញកំសាន្ត និងគម្រោងថតខ្សែ ភាពយន្តផ្សេងៗ ក្នុងនោះ លោកមិនដែលធ្វើឲ្យមានពាក្យចចាមអារ៉ាមលេចឮនោះទេ។
គួរបញ្ជាក់ថា តារាចម្រៀង និងជាតារាសម្តែងដ៏ល្បីរូបនេះ កំពុងមានប្រជាប្រិយ ភាពយ៉ាងខ្លាំង សម្រាប់អ្នកគាំទ្រ ដែលភាគច្រើនសុទ្ធតែស្រីៗ ជុំវិញការប្រគំតន្រ្តី ក៏ដូចជាការ ទៅចូលរួមកម្មវិធី ជប់លៀងផ្សេងៗ និងមានការចោមរោមសុំថតរូប ជាច្រើនផងដែរ៕