ឯកអគ្គរាជទូតកម្ពុជា ប្រចាំកូរ៉េខាងត្បូង សរសេរលិខិតបំភ្លឺ ការពារខ្លួន តបនឹងលិខិតរបស់លោក ហោ ណាំហុង
ភ្នំពេញ:
លោក ស៊ុត ឌីណា ឯកអគ្គរាជទូតកម្ពុជា ដែលទើបតែងតាំង
ប្រចាំប្រទេសកូរ៉េខាងត្បូង បានបញ្ចេញប្រតិកម្ម និងបញ្ជាក់ថា
លោកបានសរសេរលិខិតបំភ្លឺ កាលពីថ្ងៃទី២៣មេសា
ដើម្បីតបនឹងលិខិតរបស់លោក ហោ ណាំហុង។ លោក ហោ ណាំហុង
រដ្ឋមន្ត្រីការបរទេស បានសរសេរលិខិតព្រមាន និងណែនាំដល់លោក ស៊ុត ឌីណា
អំពីការគ្រប់គ្រងត្រា របស់ស្ថានទូតកម្ពុជា
និងមិនឲ្យក្រុមគ្រួសាររបស់លោក ស៊ុត ឌីណា
ជ្រៀតជ្រែកការងារទូតនោះទេ។
ក៏ប៉ុន្តែតាមរយៈទំព័រហ្វេ សប៊ុក លោក ស៊ុត ឌីណា ( Dina Suth ) ឯកអគ្គរាជទូតកម្ពុជា ប្រចាំប្រទេសកូរ៉េខាងត្បូង បាន Likes a Link រួមទាំង Shared រាល់អត្ថបទព័ត៌មានតាមអនឡាញ ដោយភ្ជាប់នឹងលិខិតរបស់លោក ហោ ណាំហុង រដ្ឋមន្ត្រីការបរទេស ដែលបានសរសេរទៅកាន់រូបលោក កាលពីថ្ងៃទី២១ ខែមេសា ឆ្នាំ២០១៤។
ជាមួយគ្នានោះ លោក ស៊ុត ឌីណា បានសរសេរក្នុងហ្វេសប៊ុក កាលពីថ្ងៃទី២៣មេសាថា "ខ្មុំកំពុងធ្វើលិខិតបំភ្លឺ"។
បន្ថែមលើពាក្យមួយឃ្លាដ៏ខ្លីនេះ លោក ស៊ុត ឌីណា ក៏បានសរសេរបន្ថែមថា "ដោយយោងលើការអត្ថាធិប្បាយលើលិខិតក្រសួងការបរទេស និងសហប្រតិបត្តិការអន្តរជាតិនេះ ខ្មុំ ស៊ុត ឌីណា ( បញ្ញាវន្ត ) ជាឯកអគ្គរាជទូត តែងតាំងថ្មី និងដែលកំពុងរង់ចាំការជូនសារតាំង លោកជំទាវ ប្រធានាធិបតី នាពេលខាងមុខ មានកិត្តិយស សូមធ្វើការការពារនូវឧត្តមគតិ និងមនសិការស្នេហាយុត្តិធម៌ ស្នេហាជាតិ ស្រឡាញ់សេចក្តីថ្លៃថ្នូរ និងជាពិសេសស្នេហាពលករ និងជនជាតិទូទៅ អោយបានជ្រាបថា៖ ១) មកទល់ថ្ងៃនេះ ខ្មុំបាទ មិនទាន់បានកោះប្រជុំការងារ ផ្ទៃក្នុងទូត និងពិនិត្យនិងប្រមូលត្រា គ្រប់ប្រភេទ មកគ្រប់គ្រងនៅឡើយទេ ( ព្រោះយល់ថា ចាំជូនសារតាំងផ្លូវការសិន )។ ២) ខ្មុំបានចូលបំរើការជាមន្ត្រីក្របខណ្ឌ័ការបរទេស ជាន់ខ្ពស់ តាំងឆ្នាំ២០០០ បន្ទាប់ពីការសិក្សាពីសាលាភូមិន្ទរដ្ឋបាល ទាំងមធ្យម និងឧត្តមផ្នែកការទូត។ មកទល់នឹងការទទួលបានការតែងតាំងជាទីប្រឹក្សាផ្ទាល់សម្តេចតេជោ ហ៊ុន សែន ( ឋានះ រដ្ឋលេខាធិការ ) និងជាអនុរដ្ឋលេខាធិការក្រសួងការបរទេស និងសហប្រតិបត្តិការអន្តរជាតិ ពេញមួយអណត្តិទី៤ កុំថាឡើយសាច់ញាតិ បងប្អូន សូម្បីតែប្រពន្ឋ កូន ក៏ខ្មុំមិនដែលយកអោយ ទៅស្គាល់កន្លែង និងការិយាល័យធ្វើការផង។ ( នេះជាចរិក ជាមេដឹកនាំរបស់ខ្មុំពីកំណើត។ល៕)។ ៣) ក្នុងឋានះ ជាឯកអគ្គរាជទូតម្នាក់ ខ្មុំស្នើសុំអ្នកបើកបរឯកជន សន្តិសុខផ្ទាល់ ជំនួយការផ្ទាល់ខ្លួន ដែលធ្លាប់បំរើតាំងពីខ្មុំនៅជាទីប្រឹក្សាផ្ទាល់សម្តេចតេជោ មិនបានផង។ តើខ្មុំមានមនុស្សណា មកប្រព្រឹត្តិរបៀបនេះ? ៤) មកដល់ទឹកដីនៃសាធារណរដ្ឋកូរ៉េភ្លាម គឺដំបូងបំផុតរបស់ខ្មុំនោះ គឺគោរពម្ចាស់ទឹកដី មុនចាប់ផ្តើមការងារជាតិ។ បន្ទាប់ពីនេះភ្លាម គឺការចាប់ផ្តើមចុះទៅជួបពលករ និស្សិត ព្រះសង្ឃ និងនារីខ្មែររៀបការជាមួយជនជាតិកូរ៉េ ដោយពាំនាំនូវបណ្តាំដ៏កាត់ថ្លៃមិនបានរបស់ព្រះមហាក្សត្រ សម្តេចប្រធាន សម្តេចតេជោ ហ៊ុន សែន នាយករដ្ឋមន្ត្រី និងពីឯកឧត្តមឧបនាយករដ្ឋមន្ត្រី ហោ ណាំហុង អោយបំរើពលរដ្ឋ ដោយអំពើល្អ និងដើម្បីស្វែងយល់ពីទុក្ខលំបាក និងការឈឺចាប់នានា ពិសេសបញ្ហាឈឺចាប់ជាមួយមន្ត្រីទូតនានាកន្លងមក"។
លោក ស៊ុត ឌីណា បានបញ្ជាក់បន្តថា "ជាការឆ្លើយតបភ្លាមៗ គឺខ្មុំបានប្រកាសជាសាធារណៈ សុំអោយបញ្ឃប់ការបង់ប្រាក់ ឬផ្តល់កម្រៃ ដល់ការស្នើសុំបញ្ជាក់លើឯកសារ លិខិតផ្សេងៗ និងសុំពន្យារលិខិតឆ្លងដែន។ល។ និង។ល។ ចំណាត់ការនេះ វាអាចធ្វើអោយប៉ះពាល់ដល់មន្ត្រីមួយចំនួន"។
លោក ស៊ុត ឌីណា បានសរសេរបញ្ជាក់ថា "សំណួរ សួរខ្លួនឯងថា តើខ្មុំត្រូវបំរើប្រជជន ឬការពារអំពើមិនល្អរបស់មន្ត្រីទូតម្នាក់ ឬពីរនាក់??? សំណូមពរ សូមអោយថ្នាក់ដឹកនាំ ផ្តល់យុត្តិធម៌ដល់ភាពស្អាតស្អំ និងអត្តចរិកថ្លៃថ្នូររបស់ខ្មុំឡើងវិញ"។
ការបញ្ជាក់ការពារ ខ្លួនខាងលើរបស់លោក ស៊ុត ឌីណា ត្រូវបានធ្វើឡើងភ្លាមៗ បន្ទាប់ពីលោក ហោ ណាំហុង រដ្ឋមន្ត្រីការបរទេស បានសរសេរលិខិតមួយច្បាប់ ចុះថ្ងៃទី២១ ខែមេសា ឆ្នាំ២០១៤ ជូនលោក ស៊ុត ឌីណា ឯកអគ្គរាជទូតកម្ពុជា ប្រចាំប្រទេសកូរ៉េខាងត្បូង។
ក្នុងលិខិត ដែលគេផ្សព្វផ្សាយ នៅថ្ងៃទី២៣ ខែមេសា ឆ្នាំ២០១៤ លោក ហោ ណាំហុង បានណែនាំ និងព្រមានលោក ស៊ុត ឌីណា អំពីការគ្រប់គ្រងត្រា របស់ស្ថានទូត និងហាម មិនឲ្យសាច់ញាត្តិ ចូលលុកលាន់ការងាររបស់ស្ថានទូតឡើយ។
ក្នុងលិខិតផ្លូវការនោះ លោកប្រមុខការទូត ហោ ណាំហុង បានបញ្ជាក់ថា "ខ្ញុំសូមណែនាំ ឯកឧត្តម ដូចតទៅ៖ ១-ហាមដាច់ខាត មិនឲ្យបងប្អូន ឬនរណាផ្សេង ដែលមិនមែនជាមន្ត្រីការទូតជ្រៀតជ្រែក ក្នុងការងាររបស់ស្ថានទូតឡើយ។ ២-រាល់អវត្តមានរបស់ឯកឧត្តម ពីស្ថានទូត ចាំបាច់ត្រូវសុំការអនុញ្ញាតពីក្រសួងជាមុនសិន និងត្រូវប្រគល់ត្រាឲ្យទៅភារៈធារីស្តីទីគ្រប់គ្រង។ ៣-ហាមដាច់ខាត មិនឲ្យបងប្អូន ឬនរណាផ្សេង ដែលមិនមែនជាមន្ត្រីការទូត គ្រប់គ្រងត្រារបស់ស្ថានទូតឡើយ"។
លោក ហោ ណាំហុង បានគូសបញ្ជាក់ក្នុងលិខិត នៅចុងបញ្ចប់ថា "សូមឯកឧត្តម អនុវត្តការណែនាំនេះ ឲ្យបានម៉ឺងម៉ាត់បំផុត"។
សូមរម្លឹកថា លោក ស៊ុត ឌីណា ដែលជាអតីតអនុរដ្ឋលេខាធិការ នៃក្រសួងការបរទេស និងសហប្រតិបត្តិការអន្តរជាតិ ត្រូវបានព្រះមហាក្សត្រ ត្រាស់បង្គាប់តែងតាំងជាឯកអគ្គរាជទូតវិសាមញ្ញ និងពេញសមត្ថភាព នៃព្រះរាជាណាចក្រកម្ពុជា ប្រចាំសាធារណរដ្ឋកូរ៉េ កាលពីថ្ងៃទី១១ ខែវិច្ឆិកា ឆ្នាំ២០១៣។
លោក ស៊ុត ឌីណា ហៅ ម៉ៅ មឿងយ៉ាត ជាអតីតប្រធានរណសិរ្សប្រជាធិបតេយ្យនិស្សិតបញ្ញវ័ន្តខ្មែរ ដែលបានធ្លាប់បានរិះគន់ប្រឆាំងនឹងរាជរដ្ឋាភិបាល និងថ្ងៃ៧មករាដ៏ខ្លាំងក្លា។ លោក ធ្លាប់ប្រឡូកនយោបាយ ជាមួយសម្តេចក្រុមព្រះ នរោត្តម រណឫទ្ធិ ក្នុងការបោះឆ្នោតជាតិ ឆ្នាំ២០០៨។
ប៉ុន្តែក្រោយការបោះឆ្នោតឆ្នាំ២០០៨ លោក ស៊ុត ឌីណា បានចូលរួមនយោបាយ ជាមួយគណបក្សប្រជាជនកម្ពុជា ក្នុងអំឡុងខែកក្កដា ឆ្នាំ២០០៩។ ភ្លាមៗនោះ លោក ស៊ុត ឌីណា ត្រូវបានតែងតាំងជាអនុរដ្ឋលេខាធិការក្រសួងការបរទេស និងជាទីប្រឹក្សាផ្ទាល់របស់សម្តេចហ៊ុនសែន៕
លោក ស៊ុត ឌីណា ឯកអគ្គរាជទូតកម្ពុជា ប្រចាំកូរ៉េខាងត្បូង ( រូបថត៖ Facebook )
ក៏ប៉ុន្តែតាមរយៈទំព័រហ្វេ សប៊ុក លោក ស៊ុត ឌីណា ( Dina Suth ) ឯកអគ្គរាជទូតកម្ពុជា ប្រចាំប្រទេសកូរ៉េខាងត្បូង បាន Likes a Link រួមទាំង Shared រាល់អត្ថបទព័ត៌មានតាមអនឡាញ ដោយភ្ជាប់នឹងលិខិតរបស់លោក ហោ ណាំហុង រដ្ឋមន្ត្រីការបរទេស ដែលបានសរសេរទៅកាន់រូបលោក កាលពីថ្ងៃទី២១ ខែមេសា ឆ្នាំ២០១៤។
ជាមួយគ្នានោះ លោក ស៊ុត ឌីណា បានសរសេរក្នុងហ្វេសប៊ុក កាលពីថ្ងៃទី២៣មេសាថា "ខ្មុំកំពុងធ្វើលិខិតបំភ្លឺ"។
បន្ថែមលើពាក្យមួយឃ្លាដ៏ខ្លីនេះ លោក ស៊ុត ឌីណា ក៏បានសរសេរបន្ថែមថា "ដោយយោងលើការអត្ថាធិប្បាយលើលិខិតក្រសួងការបរទេស និងសហប្រតិបត្តិការអន្តរជាតិនេះ ខ្មុំ ស៊ុត ឌីណា ( បញ្ញាវន្ត ) ជាឯកអគ្គរាជទូត តែងតាំងថ្មី និងដែលកំពុងរង់ចាំការជូនសារតាំង លោកជំទាវ ប្រធានាធិបតី នាពេលខាងមុខ មានកិត្តិយស សូមធ្វើការការពារនូវឧត្តមគតិ និងមនសិការស្នេហាយុត្តិធម៌ ស្នេហាជាតិ ស្រឡាញ់សេចក្តីថ្លៃថ្នូរ និងជាពិសេសស្នេហាពលករ និងជនជាតិទូទៅ អោយបានជ្រាបថា៖ ១) មកទល់ថ្ងៃនេះ ខ្មុំបាទ មិនទាន់បានកោះប្រជុំការងារ ផ្ទៃក្នុងទូត និងពិនិត្យនិងប្រមូលត្រា គ្រប់ប្រភេទ មកគ្រប់គ្រងនៅឡើយទេ ( ព្រោះយល់ថា ចាំជូនសារតាំងផ្លូវការសិន )។ ២) ខ្មុំបានចូលបំរើការជាមន្ត្រីក្របខណ្ឌ័ការបរទេស ជាន់ខ្ពស់ តាំងឆ្នាំ២០០០ បន្ទាប់ពីការសិក្សាពីសាលាភូមិន្ទរដ្ឋបាល ទាំងមធ្យម និងឧត្តមផ្នែកការទូត។ មកទល់នឹងការទទួលបានការតែងតាំងជាទីប្រឹក្សាផ្ទាល់សម្តេចតេជោ ហ៊ុន សែន ( ឋានះ រដ្ឋលេខាធិការ ) និងជាអនុរដ្ឋលេខាធិការក្រសួងការបរទេស និងសហប្រតិបត្តិការអន្តរជាតិ ពេញមួយអណត្តិទី៤ កុំថាឡើយសាច់ញាតិ បងប្អូន សូម្បីតែប្រពន្ឋ កូន ក៏ខ្មុំមិនដែលយកអោយ ទៅស្គាល់កន្លែង និងការិយាល័យធ្វើការផង។ ( នេះជាចរិក ជាមេដឹកនាំរបស់ខ្មុំពីកំណើត។ល៕)។ ៣) ក្នុងឋានះ ជាឯកអគ្គរាជទូតម្នាក់ ខ្មុំស្នើសុំអ្នកបើកបរឯកជន សន្តិសុខផ្ទាល់ ជំនួយការផ្ទាល់ខ្លួន ដែលធ្លាប់បំរើតាំងពីខ្មុំនៅជាទីប្រឹក្សាផ្ទាល់សម្តេចតេជោ មិនបានផង។ តើខ្មុំមានមនុស្សណា មកប្រព្រឹត្តិរបៀបនេះ? ៤) មកដល់ទឹកដីនៃសាធារណរដ្ឋកូរ៉េភ្លាម គឺដំបូងបំផុតរបស់ខ្មុំនោះ គឺគោរពម្ចាស់ទឹកដី មុនចាប់ផ្តើមការងារជាតិ។ បន្ទាប់ពីនេះភ្លាម គឺការចាប់ផ្តើមចុះទៅជួបពលករ និស្សិត ព្រះសង្ឃ និងនារីខ្មែររៀបការជាមួយជនជាតិកូរ៉េ ដោយពាំនាំនូវបណ្តាំដ៏កាត់ថ្លៃមិនបានរបស់ព្រះមហាក្សត្រ សម្តេចប្រធាន សម្តេចតេជោ ហ៊ុន សែន នាយករដ្ឋមន្ត្រី និងពីឯកឧត្តមឧបនាយករដ្ឋមន្ត្រី ហោ ណាំហុង អោយបំរើពលរដ្ឋ ដោយអំពើល្អ និងដើម្បីស្វែងយល់ពីទុក្ខលំបាក និងការឈឺចាប់នានា ពិសេសបញ្ហាឈឺចាប់ជាមួយមន្ត្រីទូតនានាកន្លងមក"។
លោក ស៊ុត ឌីណា បានបញ្ជាក់បន្តថា "ជាការឆ្លើយតបភ្លាមៗ គឺខ្មុំបានប្រកាសជាសាធារណៈ សុំអោយបញ្ឃប់ការបង់ប្រាក់ ឬផ្តល់កម្រៃ ដល់ការស្នើសុំបញ្ជាក់លើឯកសារ លិខិតផ្សេងៗ និងសុំពន្យារលិខិតឆ្លងដែន។ល។ និង។ល។ ចំណាត់ការនេះ វាអាចធ្វើអោយប៉ះពាល់ដល់មន្ត្រីមួយចំនួន"។
លោក ស៊ុត ឌីណា បានសរសេរបញ្ជាក់ថា "សំណួរ សួរខ្លួនឯងថា តើខ្មុំត្រូវបំរើប្រជជន ឬការពារអំពើមិនល្អរបស់មន្ត្រីទូតម្នាក់ ឬពីរនាក់??? សំណូមពរ សូមអោយថ្នាក់ដឹកនាំ ផ្តល់យុត្តិធម៌ដល់ភាពស្អាតស្អំ និងអត្តចរិកថ្លៃថ្នូររបស់ខ្មុំឡើងវិញ"។
ការបញ្ជាក់ការពារ ខ្លួនខាងលើរបស់លោក ស៊ុត ឌីណា ត្រូវបានធ្វើឡើងភ្លាមៗ បន្ទាប់ពីលោក ហោ ណាំហុង រដ្ឋមន្ត្រីការបរទេស បានសរសេរលិខិតមួយច្បាប់ ចុះថ្ងៃទី២១ ខែមេសា ឆ្នាំ២០១៤ ជូនលោក ស៊ុត ឌីណា ឯកអគ្គរាជទូតកម្ពុជា ប្រចាំប្រទេសកូរ៉េខាងត្បូង។
ក្នុងលិខិត ដែលគេផ្សព្វផ្សាយ នៅថ្ងៃទី២៣ ខែមេសា ឆ្នាំ២០១៤ លោក ហោ ណាំហុង បានណែនាំ និងព្រមានលោក ស៊ុត ឌីណា អំពីការគ្រប់គ្រងត្រា របស់ស្ថានទូត និងហាម មិនឲ្យសាច់ញាត្តិ ចូលលុកលាន់ការងាររបស់ស្ថានទូតឡើយ។
ក្នុងលិខិតផ្លូវការនោះ លោកប្រមុខការទូត ហោ ណាំហុង បានបញ្ជាក់ថា "ខ្ញុំសូមណែនាំ ឯកឧត្តម ដូចតទៅ៖ ១-ហាមដាច់ខាត មិនឲ្យបងប្អូន ឬនរណាផ្សេង ដែលមិនមែនជាមន្ត្រីការទូតជ្រៀតជ្រែក ក្នុងការងាររបស់ស្ថានទូតឡើយ។ ២-រាល់អវត្តមានរបស់ឯកឧត្តម ពីស្ថានទូត ចាំបាច់ត្រូវសុំការអនុញ្ញាតពីក្រសួងជាមុនសិន និងត្រូវប្រគល់ត្រាឲ្យទៅភារៈធារីស្តីទីគ្រប់គ្រង។ ៣-ហាមដាច់ខាត មិនឲ្យបងប្អូន ឬនរណាផ្សេង ដែលមិនមែនជាមន្ត្រីការទូត គ្រប់គ្រងត្រារបស់ស្ថានទូតឡើយ"។
លោក ហោ ណាំហុង បានគូសបញ្ជាក់ក្នុងលិខិត នៅចុងបញ្ចប់ថា "សូមឯកឧត្តម អនុវត្តការណែនាំនេះ ឲ្យបានម៉ឺងម៉ាត់បំផុត"។
សូមរម្លឹកថា លោក ស៊ុត ឌីណា ដែលជាអតីតអនុរដ្ឋលេខាធិការ នៃក្រសួងការបរទេស និងសហប្រតិបត្តិការអន្តរជាតិ ត្រូវបានព្រះមហាក្សត្រ ត្រាស់បង្គាប់តែងតាំងជាឯកអគ្គរាជទូតវិសាមញ្ញ និងពេញសមត្ថភាព នៃព្រះរាជាណាចក្រកម្ពុជា ប្រចាំសាធារណរដ្ឋកូរ៉េ កាលពីថ្ងៃទី១១ ខែវិច្ឆិកា ឆ្នាំ២០១៣។
លោក ស៊ុត ឌីណា ហៅ ម៉ៅ មឿងយ៉ាត ជាអតីតប្រធានរណសិរ្សប្រជាធិបតេយ្យនិស្សិតបញ្ញវ័ន្តខ្មែរ ដែលបានធ្លាប់បានរិះគន់ប្រឆាំងនឹងរាជរដ្ឋាភិបាល និងថ្ងៃ៧មករាដ៏ខ្លាំងក្លា។ លោក ធ្លាប់ប្រឡូកនយោបាយ ជាមួយសម្តេចក្រុមព្រះ នរោត្តម រណឫទ្ធិ ក្នុងការបោះឆ្នោតជាតិ ឆ្នាំ២០០៨។
ប៉ុន្តែក្រោយការបោះឆ្នោតឆ្នាំ២០០៨ លោក ស៊ុត ឌីណា បានចូលរួមនយោបាយ ជាមួយគណបក្សប្រជាជនកម្ពុជា ក្នុងអំឡុងខែកក្កដា ឆ្នាំ២០០៩។ ភ្លាមៗនោះ លោក ស៊ុត ឌីណា ត្រូវបានតែងតាំងជាអនុរដ្ឋលេខាធិការក្រសួងការបរទេស និងជាទីប្រឹក្សាផ្ទាល់របស់សម្តេចហ៊ុនសែន៕
លោក ស៊ុត ឌីណា ឯកអគ្គរាជទូតកម្ពុជា ប្រចាំកូរ៉េខាងត្បូង ( រូបថត៖ Facebook )
