ផ្តល់សិទ្ទិដោយ៖dap-news.com

កណ្តាល ៖ គ្រោះថ្នាក់ចរាចរណ៍មួយ រវាងម៉ូតូបុកជាមួយម៉ូតូ កាលពីវេលាម៉ោង ២២និង ៥០នាទីថ្ងៃទី ២៥ ខែមេសា  ឆ្នាំ ២០១៤ តាមបណ្តោយ ផ្លូវលេខ២ ខាងជើងខារ៉ាអូខេ មហាអង្គរ ក្នុងភូមិដើមគ សង្កាត់ដើម មៀន ក្រុងតាខ្មៅ បណ្តាលឲ្យស្លាប់ម្នាក់ពេលបញ្ជូនទៅមន្ទីរពេទ្យ។

នគរបាលមូលដ្ឋានបានឲ្យដឹងថា មុនពេលកើតហេតុ មានម៉ូតូ ម៉ាកសង់កូរ៉េ សេ១០០ ពណ៌ត្រួយចេក ពាក់ ស្លាកលេខ ចាស់ ធ  ៦៤៤០ បើកបរ  ដោយឈ្មោះ ជ្រឹង ចាន់      ភេទប្រុស អាយុ៥១ឆ្នាំ ភូមិកោះថ្មី ឃុំព្រែកតាឌួង ស្រុកកោះធំ ខេត្តកណ្តាល បើកក្នុង ទិសដៅបញ្ច្រាស់ ផ្លាកសញ្ញាហាមឃាត់ ពីត្បូងទៅជើង រួចបត់ឆ្វេង ខណៈនោះ បានបុកជាមួយ  ម៉ូតូម៉ាក ស្មាក់១១០ ពណ៌ខ្មៅ ពាក់ ស្លាកលេខ ភ្នំពេញ1BU-3384  អ្នកបើកដោយឈ្មោះបែល គឹមហាក់ ភេទ ប្រុស អាយុ១៧ឆ្នាំ ភូមិទួលរកា សង្កាត់ចាក់អង្រែក្រោម ខណ្ឌមានជ័យ រាជធានីភ្នំពេញ រងរបួសស្រាល ។

ប្រភពព័ត៌មានបានបន្តថា ក្រោយជួបគ្រោះថ្នាក់ចរាចរនេះ កម្លាំងបានបញ្ជូនម្ចាស់ម៉ូតូសង់កូរ៉េ ដែលរង របួសធ្ងន់ទៅមន្ទីរពេទ ប៉ុន្តែដោយសារស្ថានភាពធ្អន់ ជនរងគ្រោះក៏បានស្លាប់នៅក្នុងមន្ទីរពេទ្យពេលជិតភ្លឺ តែម្តង ។

បច្ចុប្បន្នម៉ូតូរបស់ជនរងគ្រោះទាំងពីរគ្រឿង ត្រូវសមត្ថកិច្ចរក្សាទុក ដើម្បីរង់ចាំធ្ចើការ ដោះស្រាយគ្នាពេល ក្រោយ ៕