SIAM KUBOTA ពង្រីកអាជីវកម្មមកកាន់ប្រទេសកម្ពុជា និងឡាវ ដោយបើកក្រុមហ៊ុន ២ បន្ថែមទៀត និងផ្សព្វផ្សាយពាក្យស្លោក “ជម្រើសទី ១ ក្នុងចិត្តកសិករ (អាស៊ាន)” មុនការមកដល់នៃ សមាគមសេដ្ឋកិច្ចអាស៊ាន (AEC)
SIAM
KUBOTA ពង្រីកអាជីវកម្មមកកាន់ប្រទេសកម្ពុជា
និងឡាវ ដោយបើកក្រុមហ៊ុន ២ បន្ថែមទៀត និងផ្សព្វផ្សាយពាក្យស្លោក
“ជម្រើសទី ១ ក្នុងចិត្តកសិករ (អាស៊ាន)” មុនការមកដល់នៃ
សមាគមសេដ្ឋកិច្ចអាស៊ាន (AEC)
SIAM KUBOTA Corporation Co., Ltd. បានពង្រីកអាជីវកម្មរបស់ខ្លួនដោយបើកក្រុមហ៊ុនថ្មីបន្ថែមចំនួន
២ ទៀតនៅ កម្ពុជា និងឡាវ។ ដោយមានភាគហ៊ុន ១០០% ក្នុងក្រុមហ៊ុនទាំង ២ នេះ
SIAM
KUBOTA កំពុងពង្រីកអាជីវកម្មរបស់ខ្លួនទៅកាន់ទីផ្សារអន្តរជាតិ
មុនការមកដល់នៃ សមាគមសេដ្ឋកិច្ចអាស៊ាន ដោយរំពឹងទុកថានឹងទទួលបានបរិមាណលក់បន្ថែមនៅក្នុងប្រទេសទាំង ២ ចំនួន ៧ ពាន់លានបាត ត្រឹមឆ្នាំ ២០១៥។
.JPG)
លោក Hiroshi Kawakami ដែលជាអគ្គនាយកជាន់ខ្ពស់ របស់ក្រុមហ៊ុន
SIAM KUBOTA Corporation Co., Ltd. បានឲ្យដឹងថា "ឆ្នាំនេះ SIAM KUBOTA Corporation Co., Ltd. បង្កើតក្រុមហ៊ុននៅតំបន់អាស៊ាន
ដោយចំណាយទុនវិនិយោគច្រើនជាង ៦៨ លានបាត។ ក្រុមហ៊ុនទាំង ២ នេះគឺ KUBOTA
(CAMBODIA) Co., Ltd. នៅព្រះរាជាណាចក្រកម្ពុជា ដែលចំណាយទុនវិនិយោគប្រមាណ ៣៨ លានបាត និង
KUBOTA Lao Sole Co., Ltd. នៅសារធារណរដ្ឋប្រជាមានិតប្រជាជនឡាវ
ដោយប្រើទុនវិនិយោគប្រមាណ ៣០ លានបាត ដើម្បីត្រៀមខ្លួនសម្រាប់ការបង្កើត សមាគមសេដ្ឋកិច្ចអាស៊ាន
និងការពង្រីកអាជីវកម្មគ្រឿងចក្រកសិកម្មនៅក្នុងតំបន់”។
ក្រុមហ៊ុនទាំង ២ មានភារកិច្ចទទួលខុសត្រូវលើផ្នែកទីផ្សារ និងសេវាកម្មក្រោយពេលលក់
សម្រាប់ប្រជាជនក្នុងប្រទេសកម្ពុជា និងឡាវ។ SIAM KUBOTA បានបញ្ជូនគណៈគ្រប់គ្រងជាន់ខ្ពស់ជនជាតិថៃ
ដើម្បីត្រួតពិនិត្យ និងគ្រប់គ្រងប្រតិបត្តិការអន្តរជាតិ ដើម្បីធានាថា អាជីវកម្មនឹងដំណើរទៅតាមទិសដៅដែលបានកំណត់។
ហើយក្រុមហ៊ុនក៏បានជ្រើសរើសប្រជាជនមូលដ្ឋានដើម្បីបំពេញការងារក្នុងក្រុមហ៊ុនថ្មីផងដែរ។
KUBOTA (Cambodia) Co., Ltd. នឹងត្រូវគ្រប់គ្រងដោយលោក Weerapong Wirabutra
ចំណែកលោក Jirasak Sitthiwong គឺជាអគ្គនាយកគ្រប់គ្រង KUBOTA
Lao Sole Co., Ltd.។ SIAM KUBOTA នៅតែបន្តធ្វើជាមណ្ឌលកណ្តាលរបស់ក្រុមហ៊ុននៅតំបន់អាស៊ាន
ដើម្បីគ្រប់គ្រងលើការលក់ ការនាំចេញ និងការផលិត។
ក្រុមហ៊ុនបានចាត់ទុកផលិតផលរបស់ខ្លួនជាគ្រឿងចក្រកសិកម្មដែលមានគុណភាពខ្ពស់ រួមជាមួយនឹងសេវាកម្មក្រោយពេលលក់ដ៏ល្អឥតខ្ចោះសម្រាប់កសិករ
ខណៈកំពុងពង្រឹងតម្លៃស្លាកសញ្ញាជា “ជម្រើសទី១ ក្នុងចិត្តកសិករ
(អាស៊ាន)” នៅក្នុងតំបន់រួមមាន ប្រទេសថៃ កម្ពុជា ឡាវ និងមីយ៉ាន់ម៉ា។
សម្រាប់ការធ្វើចរាចរនៅលើទីផ្សារ ក្រុមហ៊ុនបានផ្តោតសំខាន់ទៅលើការពង្រីកបណ្តាញភ្នាក់ងារចែកចាយ
មណ្ឌលសេវាកម្មបច្ចេកទេស និងមណ្ឌលចែកចាយគ្រឿងបន្លាស់ ក៏ដូចជាបង្កើតការយល់ដឹងពីតម្រូវការគ្រឿងចក្រកសិកម្ម
ដើម្បីអភិវឌ្ឍវិស័យកសិកម្មក្នុងប្រទេសកម្ពុជា និងឡាវ តាមរយៈការផ្សព្វផ្សាយគ្រប់រូបភាព
និងទំនាក់ទំនងសាធារណៈ។ លើសពីនេះទៀត ក្រុមហ៊ុនផ្តោតលើការផ្ទេរចំណេះដឹងតាមរយៈកម្មវិធី
"Total Process Solution” សម្រាប់អតិថិជនឯកត្តជន និង អតិថិជនទិញទិន្នផលកសិកម្មតាមកិច្ចសន្យា។
SIAM KUBOTA ក៏បានចាត់ទុកគុណភាពផលិតផលតាមស្តង់ដាប្រទេសជប៉ុន និងសេវាកម្មល្អតាមស្តង់ដា
SIAM KUBOTA ជាកត្តាសំខាន់ផងដែរ ដើម្បីបំពេញបំណងរបស់អតិថិជនគ្រប់កម្រិត។
បន្ថែមពីលើនេះទៀត គុណភាពនៃការរស់នៅរបស់កសិករ និងប្រជាជននៅក្នុងប្រទេសដែលក្រុមហ៊ុនកំពុងដំណើរការអាជីវកម្មក៏ត្រូវបានយកចិត្តទុកដាក់ផងដែរ។
ការចូលរួមក្នុងសកម្មភាពសង្គម
(CSR) គឺជាយុទ្ធសាស្រ្តមួយក្នុងចំណោមយុទ្ធសាស្រ្តទីផ្សារ
ដែលធ្វើឲ្យក្រុមហ៊ុនមានលក្ខណៈខុសប្លែកពីក្រុមហ៊ុននានា។ នេះដោយសារថា
គ្មានក្រុមហ៊ុនគ្រឿងចក្រកសិកម្មណាផ្សេងដែលធ្លាប់បានចូលរួមក្នុងសកម្មភាពបែបនេះទេពីមុនមក។
ឧទាហរណ៍ជាក់ស្តែងនៃសកម្មភាពនានាដែល SIAM KUBOTA Corporation បានធ្វើកន្លងមករួមមាន
បានចូលរួមបណ្តុះបណ្តាលអ្នកបច្ចេកទេសគ្រឿងម៉ាស៊ីនកសិកម្មជាមួយគ្រឹះស្ថានអប់រំក្នុងមូលដ្ឋាន
បាននាំយកស្បៀងសង្រ្គោះបន្ទាន់ឧបត្ថម្ភដល់ជនរងគ្រោះដោយទឹកជំនន់ ផ្តល់អាវរងារដល់ប្រជាជនក្នុងតំបន់ដែលមានអាកាសធាតុត្រជាក់ខ្លាំង
និងលើកទឹកចិត្តឲ្យភ្នាក់ងារចែកចាយចូលរួមជាក្រុមដើម្បីបង្កើតជា “ក្លិបភ្នាក់ងារចែកចាយ
KUBOTA” នៅក្នុងប្រទេសនីមួយៗ ដើម្បីធ្វើសកម្មភាពបម្រើដល់សេវាសង្គមឲ្យបានខ្ជាប់ខ្ជួន។
នេះបើតាមប្រសាសន៍របស់លោក Hiroshi។
បច្ចុប្បន្ន អត្រានាំចេញរបស់ SIAM KUBOTA មានចំនួន ២០% នៃចំនួនការលក់សរុប។
ការលក់ក្នុងប្រទេសកម្ពុជា និងឡាវ មានចំនួន ៤០% និង ១៥% តាមលំដាប់។ មានកសិករជាង
៩.៤ លាននាក់នៅកម្ពុជា ប្រហាក់ប្រហែលនឹង ៦៥% នៃចំនួនប្រជាជនសរុប។ រាជរដ្ឋាភិបាលកម្ពុជាមានគោលនយោបាយបង្កើនតំបន់ធារាសាស្រ្ត។
ខណៈដែលប្រទេសឡាវ មានប្រជាជន ៤.៧ លាននាក់ជាកសិករ ឬប្រមាណ ៧៥% នៃចំនួនប្រជាជនសរុប។
រដ្ឋាភិបាលបានលើកទឹកចិត្តដល់កសិករឲ្យប្រើប្រាស់គ្រឿងចក្រកសិកម្ម ដើម្បីបង្កើនទំហំនៃការនាំចេញ។
ដំណាំអាទិភាពនៅក្នុងប្រទេសទាំង ២ នេះគឺ ដំណាំស្រូវ។
ដោយសារកត្តាដែលបានពណ៌នាខាងលើនេះហើយទើប
SIAM KUBOTA Corporation Co., Ltd. មានការជឿជាក់ថា គ្រឿងចក្រកសិកម្មនៅតំបន់អាស៊ាន នឹងបន្តរីកលូតលាស់ ជាពិសេសក្នុងប្រទេសកម្ពុជា និងឡាវ ដោយសារថា កសិករមានការយល់ដឹងពីសារសំខាន់ក្នុងការកាត់បន្ថយតម្លៃផលិតកម្ម និងបង្កើនផលិតភាព ក្នុងលក្ខខណ្ឌនៃបរិមាណ និងគុណភាព មុនការបង្កើត សមាគមសេដ្ឋកិច្ចអាស៊ាន មកដល់។ គ្រឿងចក្រកសិកម្ម គឺជាកត្តាដ៏សំខាន់ដែលអាចជួយពួកគាត់ឲ្យទៅដល់គោលដៅនោះ។ ហេតុនេះ SIAM
KUBOTA បង្កើតក្រុមហ៊ុនទាំង ២ នេះឡើង ដើម្បីបង្កើនការលក់ក្នុងប្រទេសកម្ពុជាឲ្យកើនដល់
៥ ពាន់លានបាត និងនៅប្រទេសឡាវឲ្យដល់ ២ ពាន់លានបាត នៅឆ្នាំ ២០១៥។
