Google ធ្លាប់បាន​សហការ​នឹង​ LG ក្នុង​ការ​ផលិត​ទូរស័ព្ទទំនើប ដោយឡែក​កាល​ពី​ខែមុន​ធ្លាប់មាន​ពាក្យចចាមអារ៉ាម​ថា​ក្រុមហ៊ុន​​ទាំង​ពីរ​បាន ​រួម​ដៃ​គ្នា​ទៀត​ក្នុង​ការ​ផលិត​នាឡិកាទំនើប​វិញ​ម្ដង គេ​ជឿ​ថា​នាឡិកា​នោះ​នឹង​ត្រូវ​បង្ហាញ​នៅ​ក្នុង​ព្រឹត្តិការណ៍ I/O របស់​ Google ដែល​នឹង​​ប្រព្រឹត្ត​ទៅ​ក្នុង​ខែមិថុនា ឆ្នាំ២០១៤ ។
នៅ​ខណៈ​ដែល​ក្រុមហ៊ុន​ទាំង​ពីរ​​មិន​ទាន់បាន​បញ្ចេញ​ជា​ផ្លូវការ​នូវ​ នាឡិកាទំនើប​នោះ​នៅឡើយ​ កាល​ពីថ្ងៃម្សិលមិញ​នេះ​ ប្រភពពីគណនី Twitter របស់ @evleaks បាន​អះអាង​ថា​មាន​ការ​លេចចេញ​នូវ​​លក្ខណសម្បត្តិបច្ចេកទេស​របស់​នាឡិកា​ ទំនើប​ដែល​ផលិត​ក្រោម​ការ​សហការ​របស់​ក្រុមហ៊ុន​ទាំង​ពីរខាង​លើ ។
លក្ខណសម្បត្តិបច្ចេកទេស​ទាំង​នោះ​មាន​ដូច​ខាងក្រោម៖

• អេក្រង់ទំហំ 1.65-inch
• បច្ចេកវិទ្យាអេក្រង់ IPS LCD
• កម្រិតភាពច្បាស់ 280 x 280 pixels
• RAM 512 MB
• អង្គផ្ទុកទិន្នន័យ​ទំហំ 4 GB

មក​ទល់​ពេល​នេះ​គ្មាន​ប្រភព​ណា​អាច​ដឹង​​ម្ចាស់ថានាឡិកា​នោះ​នឹងមាន​ ឈ្មោះ​ជា​ផ្លូវការ​ថា​​អ្វី​នោះ​ទេ​ ប៉ុន្តែ​ប្រភពខាង​លើ​រំពឹង​ថា​នឹងមាន​ឈ្មោះ Nexus Watch ។ សម្រាប់​ព័ត៌មាន​បន្ថែម​សូម​ប្រិយមិត្ត​រង់ចាំតាមដាន​ជា​មួយ​ពពក ៕
ខាង​ក្រោម​នេះ​ជា​រូប​គំរូ៖

ប្រភព