ពលរដ្ឋបាត់ដីបន្តស្វែង រកអន្តរាគមន៍ពី នាយករដ្ឋមន្ត្រី
ភ្នំពេញៈ អ្នកភូមិ អូរអណ្ដូង ចំនួន ១៣ គ្រួសារ
ដែលមានជម្លោះដីធ្លីដ៏រ៉ាំរ៉ៃ ជាមួយក្រុមហ៊ុន សូគីម៉ិច
កំពុងស្វះស្វែងរកកិច្ចអន្តរាគមន៍ជាថ្មីទៀត
ពីលោកនាយករដ្ឋមន្ត្រី ហ៊ុន សែន ជួយដោះស្រាយ
ខណៈភាគីក្រុមហ៊ុនកំពុងបន្តបូមខ្សាច់កប់ពន្លិចដីចម្ការ
និងកសិដ្ឋានពួកគាត់ទំហំជាង ២១ ហិកតា។
ក្រុមអ្នកភូមិបាននិយាយថា កាលពីចុងខែ កុម្ភៈ ឆ្នាំ ២០១៤ លោក គួច ចំរើន អភិបាលខណ្ឌ មានជ័យ បានចេញលិខិតជូនដំណឹងដល់ពួកគាត់ចំនួន ១៣ គ្រួសារឲ្យរុះរើកសិដ្ឋានចិញ្ចឹម ត្រី មាន់ ទា ជ្រូក និង គោ ចេញពីតំបន់ភូមិ អូរអណ្ដូង សង្កាត់ ព្រែកប្រា ជាបន្ទាន់ នឹងបានព្រមានចាត់វិធានការរដ្ឋបាលប្រឆាំងនឹងពួកគាត់ក្នុងករណី ដែលពួកគាត់មិនអនុវត្តតាមសេចក្ដីជូនដំណឹងនេះ ដោយអះអាងថា ទីតាំងដីដែលពួកគាត់កំពុងកាន់កាប់និងប្រើប្រាស់អស់រយៈពេលជាង ១០ឆ្នាំ មកហើយនោះ ជាកម្មសិទ្ធិស្របច្បាប់របស់ក្រុមហ៊ុន សូគីម៉ិច ដែលផ្ដល់ឲ្យដោយរដ្ឋាភិបាលកាលពីអំឡុងឆ្នាំ ២០១០។
លោក ឆាយ សុធា តំណាងពលរដ្ឋទាំង ១៣ គ្រួសារ បានប្រាប់ ភ្នំពេញ ប៉ុស្តិ៍ ថា ក្រោយពីទទួលបានសេចក្ដីជូនដំណឹងនេះ ពួកគាត់ទាំង ១៣ គ្រួសារ បាននាំគ្នាធ្វើញត្តិដាក់ជូនលោកនាយករដ្ឋមន្ត្រី សូមឲ្យជួយអន្តរាគមន៍ដោះស្រាយដល់ពួកគាត់ ដែលជាប្រជាពលរដ្ឋរងគ្រោះ។ ប៉ុន្តែខណៈពួកគាត់កំពុងរង់ចាំការផ្ដល់ព័ត៌មានពីមន្ត្រី ខុទ្ទការល័យនាយករដ្ឋមន្ត្រី ស្រាប់តែនៅថ្ងៃ ទី០៣ ខែ មីនា នេះ ក្រុមហ៊ុន សូគីម៉ិច បានធ្វើការបូមខ្សាច់កប់ពន្លិចដីចម្ការនិងកសិដ្ឋានចិញ្ចឹម ត្រី មាន់ ទា ជ្រូក និង គោ របស់ពួកគាត់។ ក្នុងអំឡុងពេលនោះពួកគាត់ទាំង ១៣ គ្រួសារ បាននាំគ្នាធ្វើការតវ៉ា ទាមទារឲ្យក្រុមហ៊ុនបញ្ឈប់ការបូមខ្សាច់ ដើម្បីរង់ចាំធ្វើការដោះស្រាយតាមផ្លូវច្បាប់។
លោក សុធា ដែលអះអាងថា ដីកសិដ្ឋានចិញ្ចឹម ត្រី ជ្រូក និង គោ របស់លោកទំហំ ៣,៥ ហិកតា ត្រូវបានក្រុមហ៊ុន សូគីម៉ិច បូមដីព័ទ្ធយកនោះ បានថ្លែងថា៖ «យើងខ្ញុំមិនបានទៅរុករានរំលោភយកដីរដ្ឋមកធ្វើជាកម្មសិទ្ធិ ផ្ទាល់ខ្លួននោះទេ។ ហេតុអ្វីបានជាមន្ត្រីពាក់ព័ន្ធមួយចំនួនឃុបឃិតគ្នា វាស់កាត់យកដីយើងខ្ញុំទៅឲ្យក្រុមហ៊ុនដោយគ្មានដំណោះស្រាយអ្វី ទាំងអស់យ៉ាងនេះ»។
បើតាមលិខិតចុះថ្ងៃ ទី១៨ ខែ កុម្ភៈ ឆ្នាំ ២០០៨ របស់លោក ជួប ស៊ីថា
[អតីត] ចៅសង្កាត់ ព្រែកប្រា ផ្ញើជូនលោកនាយករដ្ឋមន្ត្រី ហ៊ុន សែន
ករណីវិវាទដីធ្លីរបស់ប្រជាពលរដ្ឋទាំង ១៣ គ្រួសារខាងលើនេះ
បានកើតឡើងដោយសារអាជ្ញាធរថ្នាក់កណ្ដាលបានអនុវត្តមិនបានត្រឹម
ត្រូវតាមខ្លឹមសារនៃសេចក្ដីសម្រេចរបស់រដ្ឋាភិបាល ដែលកាលពីឆ្នាំ
២០០៧ បានបង្គាប់ឲ្យធ្វើការវាស់វែងបែងចែកដីទំហំ ៥៥,៤៣ ហិកតា
ស្ថិតក្នុងតំបន់ឃុំ វាលស្បូវ ស្រុក កៀនស្វាយ ខេត្ត កណ្ដាល និងភូមិ
តាងូវ សង្កាត់ និរោធ ខណ្ឌ មានជ័យ ឲ្យទៅក្រុមហ៊ុន ផាន អ៊ីម៉ិច និង
ក្រុមហ៊ុន សូគីម៉ិច ដើម្បីបញ្ចប់វិវាទរវាងក្រុមហ៊ុនទាំងពីរ។
លិខិតបានបន្តថា៖ «ប៉ុន្តែការវាស់វែង [នៅពេលនោះ]
បានរំលោភលើដែនរដ្ឋបាលសង្កាត់ ព្រែកប្រា យើងខ្ញុំ
ធ្វើឲ្យប៉ះពាល់ដល់ផលប្រយោជន៍ស្របច្បាប់របស់ប្រជាពលរដ្ឋយើងខ្ញុំ
ចំនួន ១៣ គ្រួសារនៅភូមិ អូរអណ្ដូង»។
អ្នកស្រី ស៊ុន សុគន្ធី តំណាងម្នាក់ទៀត បានថ្លែងថា៖ «ព្រោះតែគាត់ (ជួប ស៊ីថា) ការពារផលប្រយោជន៍ស្របច្បាប់របស់យើងខ្ញុំជាប្រជាពលរដ្ឋទើប បច្ចុប្បន្នគាត់ត្រូវបានគេបញ្ឃប់ពីតួនាទីជាចៅសង្កាត់»។
អ្នកស្រីបានឲ្យដឹងទៀតថា ក្នុងអំឡុងឆ្នាំ ២០១០ ពេលដែលក្រុមហ៊ុនបានព្យាយាមធ្វើប្លង់កម្មសិទ្ធិ «រំលោភយកដី» របស់ពួកអ្នកស្រី លោក ជួប ស៊ីថា ដែលកាលនោះនៅជាចៅសង្កាត់នៅឡើយ បានបដិសេធការបោះត្រាលើលិខិតស្នើសុំកាន់កាប់ដីរបស់ក្រុមហ៊ុន សូគីម៉ិច និងបានធ្វើលិខិតមួយច្បាប់សុំអន្តរាគមន៍ទៅលោកនាយករដ្ឋមន្ត្រី ឲ្យជួយដោះស្រាយ នឹងផ្ដល់កម្មសិទ្ធិដល់ប្រជាពលរដ្ឋទាំង ១៣ គ្រួសារ។ អ្នកស្រី សុគន្ធី បានឲ្យដឹងទៀតថា ដីកសិដ្ឋានចិញ្ចឹម ត្រី និង ជ្រូក របស់អ្នកស្រីមានទំហំ ៣,២ ហិកតានោះ គឺអ្នកស្រីបានទិញនៅក្នុងឆ្នាំ ២០០០ ពីលោក អែម ហឿង អតីតមន្ត្រីធារាសាស្ត្រក្រុង ភ្នំពេញ ដែលបានកាន់កាប់និងប្រើប្រាស់តាំងពីឆ្នាំ ១៩៨៣ មក។
អ្នកស្រី សុគន្ធី បានបញ្ជាក់ថា ចាប់តាំងពីឆ្នាំ ២០០០ មកពួកគាត់បាននាំគ្នាបង្កបង្កើនផលស្រូវ និងចិញ្ចឹម ត្រី មាន់ ទា។ ក្រោយមកអ្នកស្រីបានចាក់ដីធ្វើជាកសិដ្ឋានចិញ្ចឹម ជ្រូក គោ ថែមទៀត ដោយមានការដាំស្មៅសម្រាប់ ជ្រូក គោ ស្ទើរគ្មានសេសសល់ដីបន្តិចណាឡើយ ហើយក៏មិនដែលមានបញ្ហាអ្វីដែរ។
អ្នកភូមិម្នាក់ទៀត អ្នកស្រី លន ពិសី ថ្លែងថា៖ «ព្រោះតែអាជ្ញាធររាជធានីភ្នំពេញ និងមន្ត្រីពាក់ព័ន្ធមួយចំនួន ឃុបឃិតគ្នាជាមួយក្រុមហ៊ុន ចុះអនុវត្តវាស់វែងដីធ្លី រំលោភលើសេចក្ដីសម្រេចរបស់រដ្ឋាភិបាល ទើបរហូតដល់ថ្ងៃនេះ យើងខ្ញុំទាំង ១៣ គ្រួសារនៅតែប្រឈមនឹងការបាត់បង់ដីធ្លីសម្រាប់បង្កបង្កើនផល និង ចិញ្ចឹមសត្វ»។ អ្នកស្រីបានអំពាវនាវសុំឲ្យលោកនាយករដ្ឋមន្ត្រី ជួយអន្តរាគមន៍ផ្ដល់ភាពយុត្តិធម៌សម្រាប់ពួកគាត់ ដែលកំពុងរងគ្រោះដោយការបូមខ្សាច់កប់ពន្លិចដីស្រែ និងកសិដ្ឋាន ពីសំណាក់ក្រុមហ៊ុន សូគីម៉ិច។
លោក សុខ គង់ ប្រធានក្រុមហ៊ុន សូគីម៉ិច មិនអាចទាក់ទងសុំការពន្យល់បានទេ កាលពីម្សិលមិញ។ ចំណែកលោក គួច ចំរើន អភិបាលខណ្ឌ មានជ័យ បានបដិសេធមិនធ្វើអត្ថាធិប្បាយលើបញ្ហានេះឡើយ៕
ប្រភពពី ភ្នំពេញ ប៉ុស្តិ៍
ក្រុមអ្នកភូមិបាននិយាយថា កាលពីចុងខែ កុម្ភៈ ឆ្នាំ ២០១៤ លោក គួច ចំរើន អភិបាលខណ្ឌ មានជ័យ បានចេញលិខិតជូនដំណឹងដល់ពួកគាត់ចំនួន ១៣ គ្រួសារឲ្យរុះរើកសិដ្ឋានចិញ្ចឹម ត្រី មាន់ ទា ជ្រូក និង គោ ចេញពីតំបន់ភូមិ អូរអណ្ដូង សង្កាត់ ព្រែកប្រា ជាបន្ទាន់ នឹងបានព្រមានចាត់វិធានការរដ្ឋបាលប្រឆាំងនឹងពួកគាត់ក្នុងករណី ដែលពួកគាត់មិនអនុវត្តតាមសេចក្ដីជូនដំណឹងនេះ ដោយអះអាងថា ទីតាំងដីដែលពួកគាត់កំពុងកាន់កាប់និងប្រើប្រាស់អស់រយៈពេលជាង ១០ឆ្នាំ មកហើយនោះ ជាកម្មសិទ្ធិស្របច្បាប់របស់ក្រុមហ៊ុន សូគីម៉ិច ដែលផ្ដល់ឲ្យដោយរដ្ឋាភិបាលកាលពីអំឡុងឆ្នាំ ២០១០។
លោក ឆាយ សុធា តំណាងពលរដ្ឋទាំង ១៣ គ្រួសារ បានប្រាប់ ភ្នំពេញ ប៉ុស្តិ៍ ថា ក្រោយពីទទួលបានសេចក្ដីជូនដំណឹងនេះ ពួកគាត់ទាំង ១៣ គ្រួសារ បាននាំគ្នាធ្វើញត្តិដាក់ជូនលោកនាយករដ្ឋមន្ត្រី សូមឲ្យជួយអន្តរាគមន៍ដោះស្រាយដល់ពួកគាត់ ដែលជាប្រជាពលរដ្ឋរងគ្រោះ។ ប៉ុន្តែខណៈពួកគាត់កំពុងរង់ចាំការផ្ដល់ព័ត៌មានពីមន្ត្រី ខុទ្ទការល័យនាយករដ្ឋមន្ត្រី ស្រាប់តែនៅថ្ងៃ ទី០៣ ខែ មីនា នេះ ក្រុមហ៊ុន សូគីម៉ិច បានធ្វើការបូមខ្សាច់កប់ពន្លិចដីចម្ការនិងកសិដ្ឋានចិញ្ចឹម ត្រី មាន់ ទា ជ្រូក និង គោ របស់ពួកគាត់។ ក្នុងអំឡុងពេលនោះពួកគាត់ទាំង ១៣ គ្រួសារ បាននាំគ្នាធ្វើការតវ៉ា ទាមទារឲ្យក្រុមហ៊ុនបញ្ឈប់ការបូមខ្សាច់ ដើម្បីរង់ចាំធ្វើការដោះស្រាយតាមផ្លូវច្បាប់។
លោក សុធា ដែលអះអាងថា ដីកសិដ្ឋានចិញ្ចឹម ត្រី ជ្រូក និង គោ របស់លោកទំហំ ៣,៥ ហិកតា ត្រូវបានក្រុមហ៊ុន សូគីម៉ិច បូមដីព័ទ្ធយកនោះ បានថ្លែងថា៖ «យើងខ្ញុំមិនបានទៅរុករានរំលោភយកដីរដ្ឋមកធ្វើជាកម្មសិទ្ធិ ផ្ទាល់ខ្លួននោះទេ។ ហេតុអ្វីបានជាមន្ត្រីពាក់ព័ន្ធមួយចំនួនឃុបឃិតគ្នា វាស់កាត់យកដីយើងខ្ញុំទៅឲ្យក្រុមហ៊ុនដោយគ្មានដំណោះស្រាយអ្វី ទាំងអស់យ៉ាងនេះ»។
អ្នកស្រី ស៊ុន សុគន្ធី តំណាងម្នាក់ទៀត បានថ្លែងថា៖ «ព្រោះតែគាត់ (ជួប ស៊ីថា) ការពារផលប្រយោជន៍ស្របច្បាប់របស់យើងខ្ញុំជាប្រជាពលរដ្ឋទើប បច្ចុប្បន្នគាត់ត្រូវបានគេបញ្ឃប់ពីតួនាទីជាចៅសង្កាត់»។
អ្នកស្រីបានឲ្យដឹងទៀតថា ក្នុងអំឡុងឆ្នាំ ២០១០ ពេលដែលក្រុមហ៊ុនបានព្យាយាមធ្វើប្លង់កម្មសិទ្ធិ «រំលោភយកដី» របស់ពួកអ្នកស្រី លោក ជួប ស៊ីថា ដែលកាលនោះនៅជាចៅសង្កាត់នៅឡើយ បានបដិសេធការបោះត្រាលើលិខិតស្នើសុំកាន់កាប់ដីរបស់ក្រុមហ៊ុន សូគីម៉ិច និងបានធ្វើលិខិតមួយច្បាប់សុំអន្តរាគមន៍ទៅលោកនាយករដ្ឋមន្ត្រី ឲ្យជួយដោះស្រាយ នឹងផ្ដល់កម្មសិទ្ធិដល់ប្រជាពលរដ្ឋទាំង ១៣ គ្រួសារ។ អ្នកស្រី សុគន្ធី បានឲ្យដឹងទៀតថា ដីកសិដ្ឋានចិញ្ចឹម ត្រី និង ជ្រូក របស់អ្នកស្រីមានទំហំ ៣,២ ហិកតានោះ គឺអ្នកស្រីបានទិញនៅក្នុងឆ្នាំ ២០០០ ពីលោក អែម ហឿង អតីតមន្ត្រីធារាសាស្ត្រក្រុង ភ្នំពេញ ដែលបានកាន់កាប់និងប្រើប្រាស់តាំងពីឆ្នាំ ១៩៨៣ មក។
អ្នកស្រី សុគន្ធី បានបញ្ជាក់ថា ចាប់តាំងពីឆ្នាំ ២០០០ មកពួកគាត់បាននាំគ្នាបង្កបង្កើនផលស្រូវ និងចិញ្ចឹម ត្រី មាន់ ទា។ ក្រោយមកអ្នកស្រីបានចាក់ដីធ្វើជាកសិដ្ឋានចិញ្ចឹម ជ្រូក គោ ថែមទៀត ដោយមានការដាំស្មៅសម្រាប់ ជ្រូក គោ ស្ទើរគ្មានសេសសល់ដីបន្តិចណាឡើយ ហើយក៏មិនដែលមានបញ្ហាអ្វីដែរ។
អ្នកភូមិម្នាក់ទៀត អ្នកស្រី លន ពិសី ថ្លែងថា៖ «ព្រោះតែអាជ្ញាធររាជធានីភ្នំពេញ និងមន្ត្រីពាក់ព័ន្ធមួយចំនួន ឃុបឃិតគ្នាជាមួយក្រុមហ៊ុន ចុះអនុវត្តវាស់វែងដីធ្លី រំលោភលើសេចក្ដីសម្រេចរបស់រដ្ឋាភិបាល ទើបរហូតដល់ថ្ងៃនេះ យើងខ្ញុំទាំង ១៣ គ្រួសារនៅតែប្រឈមនឹងការបាត់បង់ដីធ្លីសម្រាប់បង្កបង្កើនផល និង ចិញ្ចឹមសត្វ»។ អ្នកស្រីបានអំពាវនាវសុំឲ្យលោកនាយករដ្ឋមន្ត្រី ជួយអន្តរាគមន៍ផ្ដល់ភាពយុត្តិធម៌សម្រាប់ពួកគាត់ ដែលកំពុងរងគ្រោះដោយការបូមខ្សាច់កប់ពន្លិចដីស្រែ និងកសិដ្ឋាន ពីសំណាក់ក្រុមហ៊ុន សូគីម៉ិច។
លោក សុខ គង់ ប្រធានក្រុមហ៊ុន សូគីម៉ិច មិនអាចទាក់ទងសុំការពន្យល់បានទេ កាលពីម្សិលមិញ។ ចំណែកលោក គួច ចំរើន អភិបាលខណ្ឌ មានជ័យ បានបដិសេធមិនធ្វើអត្ថាធិប្បាយលើបញ្ហានេះឡើយ៕
ប្រភពពី ភ្នំពេញ ប៉ុស្តិ៍
