ហាមបងប្រុសកុំឲ្យ ឈ្លោះជាមួយប្រពន្ធ ខ្លាចខ្មាស់អ្នកជិតខាង ត្រូវ ២បុ័ងតោសន្លប់
ជនរងគ្រោះមានឈ្មោះ ឆោម ឃឿន ភេទប្រុស អាយុ ២១ឆ្នាំ ជាកម្មកររោងចក្រ ស្នាក់នៅភូមិកើតហេតុខាងលើ មានស្រុកកំណើត នៅភូមិក្រាំងស្តៅ ឃុំសឹង្ហ ស្រុកសំរោង ខេត្តតាកែវ ចំណែកជនបង្ក ជាបងប្រុសឈ្មោះ ឆោម សែម អាយុ ២៧ឆ្នាំ មុខរបរលក់ដូរ ស្នាក់នៅផ្ទះជួល កើតហេតុខាងលើ ។ មុនពេលកើតហេតុជនបង្ក ជាបងប្រុសខឹងប្រពន្ធ ស្តីបន្ទោសរឿងផឹកស៊ីបានឈ្លោះប្រកែកគ្នាខ្លាំងៗ ពេលនោះប្អូនបានចូលទៅឃាត់ ប្រាប់បងកុំឲ្យឈ្លោះគ្នា ស្រាប់តែបងប្រុសខឹង យកកាំបិតបុ័ងតោ កាប់ប្អូនប្រុសពីក្រោយចំនួន ២កាំបិត ចំក្បាលពីក្រោយកញ្ចឹងក ហូរឈាមជោកខ្លួន សន្លប់ស្តូកស្តឹង៕
ប្រភពព័ត៌មានពី៖ វត្តភ្នំ
