បង្ខំកូនស្រីឱ្យទៅរៀបការមិនបានម្ដាយធ្វើជាគាំងបេះដូងនិងខ្យល់គ
ភ្នំពេញ
៖ ស្ដ្រីម្នាក់មានអាការៈខ្យល់គ និងគាំងបេះដូង
ប្រកាច់ចាប់មិនឈ្នះ ផ្អើលសមត្ថកិច្ច និងប្រជាពលរដ្ឋដែល
ចោមរោមមើលនៅទីនោះ ហើយត្រូវបាន
កូនស្រីដឹកទៅកាន់មន្ទីរពេទ្យភ្លាមៗផងដែរ
ក្រោយពីស្ដ្រីរូបនោះនិយាយជាមួយកូនស្រី ឱ្យទៅរៀបការ
តែនាងមិនព្រមធ្វើតាម ។ ប៉ុន្ដែគេសង្ស័យថា
ស្ដ្រីជាម្ដាយរូបនោះគឺធ្វើពុតទៅវិញដើម្បីឱ្យកូនស្រីព្រមទៅ
ស្រុកដើម្បីរៀបការ ។ ហេតុ ការណ៍នេះបានកើតឡើងកាលពីវេលា
ម៉ោង៣និង៣០នាទីរសៀល ថ្ងៃទី២៦ ខែមីនា ឆ្នាំ២០១៤ នៅស្នាក់ការប៉ុស្ដិ៍ នគរបាលរដ្ឋបាលកាកាប ឋិតក្នុងភូមិ តាងួន សង្កាត់កាកាប ខណ្ឌពោធិ៍សែនជ័យ រាជធានីភ្នំពេញ ។ស្ដ្រីដែលគេសង្ស័យថាធ្វើពុតជាគាំង បេះដូង និងខ្យល់គនោះមិនត្រូវបានស្គាល់ ឈ្មោះ ចំណែកកូនស្រីមានឈ្មោះ សុភី អាយុ១៩ឆ្នាំ មុខរបររត់តុគុយទាវក្នុងហាង មួយក្នុងភូមិត្រញំងល្វា សង្កាត់កាកាប ខណ្ឌពោធិ៍សែជ័យ មានស្រុកកំណើតនៅ ភូមិ-ឃុំទ្រាត ស្រុកគិរីវង់ ខេត្ដតាកែវ ។
តាមសម្ដីកូនស្រីដែលម្ដាយមកបង្ខំ ឱ្យទៅរៀបការបានរៀបរាប់ប្រាប់សមត្ថ កិច្ចថា រូបនាងនិងគូដណ្ដឹងបានភ្ជាប់ជា មួយគ្នារយៈពេលប្រមាណ២ឆ្នាំមកហើយ ហើយការដែលឈានដល់ការភ្ជាប់ពាក្យ នេះ នាងមិនស្រឡាញ់ ពេញចិត្ដចំពោះ គូដណ្ដឹងឡើយ គឺនាងធ្វើតាមការបង្ខំពី ឪពុកម្ដាយ សាច់ញាតិ ក្រុមគ្រួសារតែ ប៉ុណ្ណោះ ។
នាង សុភី បានរៀបរាប់ទៀតថា កាល ពីកន្លះខែមុន នាងបានសុំម្ដាយមកលេង ផ្ទះពូនៅភូមិត្រញំងល្វា សង្កាត់កាកាប ខណ្ឌពោធិ៍សែនជ័យ រាជធានីភ្នំពេញ ។ ពេលមកដល់ផ្ទះ នាងក៏បានសុំធ្វើការជា អ្នករត់តុនៅហាងលក់គុយទាវមួយ ។ នាង បន្ដថា ស្រាប់តែរហូតមកដល់ថ្ងៃនេះ (២៦មីនា)ម្ដាយរបស់នាងបាននាំបងស្រី តាមមករកនាងដល់កន្លែងធ្វើការ ហើយ បាននិយាយលួងលោម និងបង្ខំនាងឱ្យ ត្រឡប់ទៅផ្ទះវិញដើម្បីត្រៀមខ្លួនរៀបការ ជាមួយគូដណ្ដឹង បើនាងមិនព្រមទៅទេ គាត់នឹងត្រូវសងថ្លៃបណ្ណាការទៅខាងប្រុស មិនខាន ម្យ៉ាងទៀត គាត់កំពុងតែគ្មាន ប្រាក់ទៀតផង ។ ប៉ុន្ដែការនិយាយលួងលោម និងបង្ខំរបស់ម្ដាយ នាងបានបដិសេធមិនព្រមទៅតាមឡើយ ទើបធ្វើឱ្យម្ដាយ របស់នាងចាប់អូសទាញ ប្រតាយប្រតប់ ជាមួយនាងឱ្យទៅតាមគាត់ ហើយបានធ្វើ ឱ្យមានការភ្ញាក់ផ្អើលដល់ប្រជាពលរដ្ឋ និងសមត្ថកិច្ច និងបានហៅម្ដាយនិងកូនមក សាកសួរនៅប៉ុស្ដិ៍នគរបាលរដ្ឋបាលកាកាប តែម្ដង ។
នាង សុភី រៀបរាប់ទៀតថា នៅពេល សមត្ថកិច្ចសាកសួរដឹងរឿង សមត្ថកិច្ចបាន អប់រំ សម្របសម្រួលប្រាប់នាងឱ្យត្រឡប់ ទៅតាមទៅ តែនាងនៅតែមិនព្រម ។ លុះ បានមួយសន្ទុះ ស្រាប់តែម្ដាយរបស់នាង បានដោះក្រវឹល ចិញ្ចៀនឱ្យទៅបងស្រីរួច ហើយ ម្ដាយរបស់នាងក៏មានអាការៈប្រកាច់ ហាក់ដូចជាគាំងបេះដូង និងខ្យល់គលែង ដឹងខ្លួនតែម្ដង ។ ឃើញដូចនោះនាងក៏បាន ដឹកម្ដាយទៅកាន់មន្ទីរពេទ្យតែម្ដងទៅ ។
ប្រភពព័ត៌មានបានឱ្យដឹងថា លុះក្រោយមកនាងក៏យល់ព្រមទៅស្រុកកំណើតវិញ ដើម្បីត្រៀមរៀបការតាមក្រុមគ្រួសារ ដើម្បីកុំឱ្យសងថ្លៃបណ្ណាការទៅខាងប្រុស ៕
________________
ប្រភពពី/នគរវត្ត
