ភ្នំពេញ ៖ បុរសអាជីវករម្នាក់ ត្រូវបាន កម្លាំងនគរបាល ការិយាល័យប្រឆាំងការ ជួញដូរមនុស្ស និងការពារអនីតិជន រាជធានីភ្នំពេញ អញ្ជើញមកសួរនាំ ហើយឃាត់ ខ្លួនកាលពីល្ងាចថ្ងៃទី០៤ ខែមីនា ឆ្នាំ២០១៤  ដោយជាប់ពាក់ព័ន្ធ នឹងការរួមភេទជាមួយ ក្មេងប្រុស មិនទាន់គ្រប់អាយុកាលពីចុងឆ្នាំ ២០១៣ កន្លងទៅ ។
នាយការិយាល័យ ប្រឆាំងការជួញដូរ មនុស្ស និងការពារអនីតិជនរាជធានីភ្នំពេញ  លោក កែវ ធា បានឱ្យដឹងថា ជនសង្ស័យ សោម សុភ័ក្ដ្រ ហៅ ឡាយ វណ្ណាត អាយុ ៣០ឆ្នាំ រស់នៅផ្ទះជួល ភូមិថ្មគោល សង្កាត់ ចោមចៅ ខណ្ឌពោធិ៍សែនជ័យ មុខរបរលក់ ដូរ នៅតាមផ្លូវលេខ ២០០៤ សង្កាត់កាកាប ត្រូវបានកម្លាំងនគរបាលជំនាញរបស់លោក អញ្ជើញយកមកសួរនាំ តាមដីការបស់ព្រះ រាជអាជ្ញារង ឯក ឆេងហួត ពីបទ រួមភេទ ជាមួយក្មេងប្រុស អាយុ ១៣ឆ្នាំ ហើយ ក្រោយពីការសួរនាំ សមត្ថកិច្ចបានឃាត់ខ្លួន ដើម្បីកសាងសំណុំរឿងបញ្ជូនទៅកាន់តុលា ការ ។
លោក កែវ ធា បានបន្ដទៀតថា ការ ឃាត់ខ្លួនជនសង្ស័យរូបនេះ ដោយយោង ទៅតាមពាក្យបណ្ដឹង របស់សាច់ញាតិក្មេង ប្រុសរងគ្រោះ ដែលបានប្ដឹងចោទប្រកាន់ ជនសង្ស័យរូបនេះថា បានរួមភេទជាមួយ កាលពីថ្ងៃទី២៥ ខែតុលា ឆ្នាំ២០១៣ ស្ថិត នៅក្នុងបន្ទប់ជួលលេខ ៥អឺដឺ ផ្លូវកា៥ សង្កាត់ទួលសង្កែ ខណ្ឌឫស្សីកែវ ។
មន្ដ្រីនគរបាលបានបញ្ជាក់ថា ក្មេងប្រុស រងគ្រោះ ឈ្មោះ គ.វ.ស អាយុ ១៣ឆ្នាំ ។ បច្ចុប្បន្នជនសង្ស័យរូបនេះ ស្ថិតក្រោមការ សួរនាំបន្ដទៀត នៅការិយាល័យប្រឆាំងការ ជួញដូរមនុស្ស និងការពារអនីតិជន ដើម្ប ីកសាងសំណុំរឿងបញ្ជូនទៅកាន់តុលាការ ៕