ភ្នំពេញ ៖ កម្លាំងនគរបាល ប៉ុស្ដិ៍ទឹកថ្លា ខណ្ឌសែនសុខ បានឃាត់ខ្លួនមុខសញ្ញាចែក ចាយថ្នាំញៀន ជាស្ដ្រីម្នាក់កាលពីវេលា ម៉ោង ១១ព្រឹក ថ្ងៃទី២៦ ខែកុម្ភៈ ឆ្នាំ ២០១៤ ដោយអនុវត្ដតាមដីកាបញ្ជាឱ្យ ចាប់ខ្លួន របស់ចៅក្រមសាលាដំបូង រាជ ធានីភ្នំពេញ ពីបទ ប្រើប្រាស់ និងជួញដូរថ្នាំ ញៀនខុសច្បាប់ នៅភូមិ ត្រពាំងឈូក សង្កាត់ទឹកថ្លា កាលពីថ្ងៃទី១៦ ខែធ្នូ ឆ្នាំ ២០១២ កន្លងទៅ ។
មន្ដ្រីនគរបាលមូលដ្ឋាន បាននិយាយថា ជនសង្ស័យរូបនេះ ឈ្មោះ ថាច់ ស្រីនីត ហៅ ត្រង៉ោល មុខរបរ បុគ្គលិកក្រុមហ៊ុន ឯកជន ស្នាក់នៅផ្ទះជួល សង្កាត់អូរឫស្សីទី២ ខណ្ឌ ៧មករា ។
មន្ដ្រីនគរបាលមូលដ្ឋាន បាននិយាយថា ក្រោយពីទទួលបានដីកា របស់ចៅក្រម សមត្ថកិច្ច បានធ្វើការ ស្រាវជ្រាវហើយឈាន ទៅដល់ការចាប់ខ្លួន ជនសង្ស័យរូបនេះតែ ម្ដង ដើម្បីកសាងសំណុំរឿង បញ្ជូនទៅ កាន់តុលាការ ៕