លោក រ៉ុង ឈុន៖ កម្មករនៅតែបន្តទាមទារប្រាក់ខែឲ្យបាន១៦០ដុល្លារ
ដោយឡែកចំពោះក្រុមបាតុករគណបក្សសង្គ្រោះជាតិកាលពីយប់ ថ្ងៃទី ៣១ ខែធ្នូ ឆ្នាំ២០១៣ បាននាំគ្នារាំច្រៀងយ៉ាងសប្បាយរីករាយ ដើម្បីអបអរសាទរពិធីឆ្លងឆ្នាំចាស់ផ្លាស់ចូលឆ្នាំថ្មី ឆ្នាំ២០១៤ នៅឯទីលានប្រជាធិបតេយ្យ បន្ទាប់ពីថ្នាក់ដឹកនាំគណបក្សសង្គ្រោះជាតិប្រកាសផ្អាកការដើរហែរ ក្បួនបាតុកម្មរយៈពេលមួយសប្តាហ៍។
តែយ៉ាងណាក៏ទាក់ទងនឹងការធ្វើបាតុកម្មកូដកម្មរបស់កម្មករ នៅថ្ងៃទី ០២ មករា ដែលមានការប្តូរទីតាំងធ្វើបាតុកម្មពីមុខក្រសួងការងារ ទៅមុខរោងចក្រវិញនោះ ត្រូវបានលោក កែម ឡី អ្នកតាមដានស្ថានការណ៍សង្គម បានលើកឡើងថា ការធ្វើបាតុកម្មកូដកម្មមិនមែនជាបច្ច័យល្អសម្រាប់សង្គមជាតិនោះទេ មិនថាតែធ្វើនៅទីតាំងណានោះទេ គឺអាចមានការប៉ះពាល់ ជាពិសេសរវាងក្រុមបាតុករ និងមន្ត្រីអាជ្ញាធរ។ ដូច្នេះដើម្បីដោះស្រាយគួរណាស់តែមានការរៀបចំយន្តការដោះស្រាយ ឲ្យបានជាក់លាក់។
គួរបញ្ជាក់ថា នៅថ្ងៃទី ០២ មករា ឆ្នាំ២០១៤ ជាថ្ងៃដែលក្រសួងការងារ បានស្នើអោយកម្មករតាមរោងចក្រវិលត្រឡប់ ចូលធ្វើការងារវិញ និងបានបង្គាប់អោយនិយោជកទាំងអស់ បើកដំណើរការសកម្មភាព រោងចក្រសារឡើងវិញផងដែរ។ ដោយឡែក កាលពីថ្ងៃទី៣១ ធ្នូ ក្រសួងការងារ ក៏បាននិរាករណ៍សេចក្តីប្រកាសចាស់ អំពីប្រាក់កំណត់ថ្លៃឈ្នួលអប្បបរមាកម្មករ ដោយសេចក្តីប្រកាសថ្មី បានបញ្ជាក់ថាប្រាក់ឈ្នួលអប្បបរមា ចំពោះកម្មករឡើងរហូតដល់ ១០០ដុល្លារ នៅឆ្នាំ២០១៤នេះ៕(ដោយៈសៅ វិសាល)
___________________
ប្រភពពី
វាយោ FM
