សង្គមស៊ីវិល១៣យាងព្រះមហាក្សត្រអន្តរាគមន៍ទៅរាជរដ្ឋាភិបាល ឱ្យបញ្ឈប់ប្រើហិង្សា
ការសុំ
ព្រះរាជអន្តរាគមន៍ពីព្រះមហាក្សត្រនេះ
បានធ្វើឡើងក្រោយពីអំពើហិង្សានៅផ្លូវវេងស្រេងកាលពីថ្ងៃទី៣
មករាដែលបានបណ្តាលឱ្យមនុស្ស ៥
នាក់បានស្លាប់បាត់បង់ជីវិតនិងជាង២០នាក់ទៀតបានរង
របួសដោយសារតែគ្រាប់កាំភ្លើង។
ក្នុងលិខិតចុះហត្ថលេខារួមគ្នា របស់តំណាងអង្គការទាំងនោះ
ចុះថ្ងៃទី៤ ខែមករា ឆ្នាំ២០១៤
និងដាក់ថ្វាយព្រះមហាក្សត្រកាលពីដើមសបា្តហ៏នេះ បានសរសេរថា
ព្រឹត្តិការណ៍រវាងកម្មករ កម្មការនី
និងកងកម្លាំងសម្ថកិច្វរបស់រាជរដ្ឋាភិបាល
បណ្តាលឱ្យប្រជាពលរដ្ឋជាច្រើននាក់ស្លាប់ និងរបួស ខណៈកម្មករទាំងនោះ
បាតុកម្មទាមទារដំឡើងប្រាក់ឈ្នួល១៦០ដុល្លារក្នុងមួយខែ។
លិខិតដដែលបន្តថា នៅពេលនេះ
ព្រះរាជតួនាទីរបស់ព្រះករុណាជីវិតតម្កល់លើត្បូងជាការចាំបាច់ណាស់
ក្នុងការអន្តរាគមន៍ទៅរដ្ឋាភិបាលបច្ចុប្បន្នឱ្យបញ្ឈប់ប្រើហិង្សាទៅលើ
ប្រជាពលរដ្ឋស្លូតត្រង់ទៅថ្ងៃក្រាយ។
លិខិតលើកឡើងថា
ព្រះរាជវត្តមានរបស់ព្រះមហាក្សត្រក្នុងការចេញព្រះភ័ក្ត្រអន្តរាគមន៍
ដើម្បីផ្សះផ្សារជាតិ និងឱ្យមានឯកភាពជាតិឡើងវិញ
ដូចដែលមានកំណត់នៅក្នុងរដ្ឋធម្មនុញ្ញនៃប្រទេសកម្ពុជា។
សូមបញ្ជាក់ថា នៅក្នុងលិខិតរបស់សង្គមស៊ីវិលទាំង១៣នៅថ្ងៃទី ៤
ខែមករានោះរួមមានៈ អង្គការសីលការ អង្គការយេនឌ័រ
និងអភិវឌ្ឍន៍ដើម្បីកម្ពុជា
សម្ព័ន្ធគណនេយ្យភាពសង្គមប្រចាំអាស៊ីបូព៌ានិងប៉ាស៊ីហ្វិក
វិទ្យាស្ថានខ្មែរសម្រាប់អភិវឌ្ឍន៍
និងមជ្ឈមណ្ឌលប្រជាពលរដ្ឋដើម្បីអភិវឌ្ឍនិងសន្តិភាព (PDP)
និងសម្ព័ន្ធដើម្បីសុចរិតភាពនិងគណនីយ្យភាពសង្គមជាដើម៕
ទិដ្ឋភាពនៃការប៉ះទង្គិចនៅសួនឧស្សាហកម្ម កាណាឌីយ៉ា រវាងសមត្ថកិច្ចចម្រុះនិងក្រុមកម្មករ កាលពីថ្ងៃទី៣មករា (រូបថត: ឯកសារ)
ប្រភពពី Free Press Magazine
