ឪពុកបង្កើតចាប់កូនស្រីអាយុ៥ឆ្នាំរំលោភបានសម្រេចបំណងត្រូវនគរបាលឃាត់
នគរបាលបានឱ្យដឹងថា ជនសង្ស័យបានចាប់កូនស្រីរំលោភកាលពីវេលា ម៉ោង៩ព្រឹក ថ្ងៃទី១ ខែមករា ឆ្នាំ២០១៤ នៅលើផ្ទះ ស្ថិតនៅក្នុងបរិវេណសិប្បកម្ម ឡឥដ្ឋយីហោខេងលាង ក្នុងភូមិឡឥដ្ឋ ឃុំព្រែកដំបង ស្រុកមុខកំពូល ខេត្ដកណ្ដាល ។
មន្ដ្រីនគរបាលយុត្ដិធម៌ស្រុកមុខ កំពូលបានឱ្យដឹងថា ជនសង្ស័យដែល ត្រូវបានឃាត់ខ្លួនឈ្មោះ ពេញ សុជាតិ អាយុ២៣ឆ្នាំ មុខរបរកម្មករឡឥដ្ឋមាន ទីលំនៅក្នុងភូមិ-ឃុំកើតហេតុខាងលើ ។ ចំណែកឯក្មេងស្រីរងគ្រោះត្រូវជាកូនស្រីបង្កើតរបស់ជនសង្ស័យឈ្មោះ ជ.ស.ម អាយុ៥ឆ្នាំ ។
ប្រភពដដែលបានបន្ដថា នៅថ្ងៃទី១ ខែមករា ឆ្នាំ២០១៤ មុនពេលកើតហេតុ ស្ដ្រីជាប្រពន្ធជនសង្ស័យមិនបាននៅផ្ទះ ទេ រវល់ទៅធ្វើការងារឱ្យគេហើយបាន ទុកកូនស្រី (ក្មេងរងគ្រោះ) ឱ្យនៅផ្ទះជា មួយឪពុក (ជនសង្ស័យ) ខណៈ ដែលស្ដ្រី ជាប្រពន្ធមិននៅផ្ទះជនសង្ស័យក៏បាន ហៅកូនស្រីឱ្យឡើងទៅលើផ្ទះជាមួយ ។ ពេលទៅដល់លើផ្ទះហើយនោះជន សង្ស័យក៏បានចាប់កូនស្រីរួចធ្វើសកម្មភាពរំលោភរហូតបានសម្រេចបំណង តែម្ដង ។
ប្រភពព័ត៌មានបន្ដថា ក្រោយពីធ្វើសកម្ម ភាពរំលោភទៅលើកូនស្រីហើយនោះ ជនសង្ស័យពុំបានរត់គេចខ្លួនទៅណានោះទេ គឺបានស្នាក់នៅផ្ទះជាធម្មតាធ្វើ ដូចជាអត់មានរឿងអ្វីកើតឡើងអីចឹង ។ រហូតដល់ថ្ងៃទី២ ខែមករា ឆ្នាំ២០១៤ ក្មេងស្រីរងគ្រោះមានការឈឺចាប់ខ្លាំង ពេកក៏និយាយប្រាប់ម្ដាយនិងបងជីដូន មួយហើយម្ដាយក្មេងស្រីរងគ្រោះបាននាំកូនស្រីទៅអង្គការមួយ ។ ពេលទៅដល់ មន្ដ្រីរបស់អង្គការក៏បាននាំក្មេងស្រីទៅឱ្យក្រុមគ្រូពេទ្យ ពិនិត្យ ហើយគ្រូពេទ្យ បានបញ្ជាក់ថា ក្មេងស្រីត្រូវបានគេ រំលោភប្រាកដមែន ។ បន្ទាប់ពីការ បញ្ជាក់របស់គ្រូពេទ្យហើយនោះមន្ដ្រី អង្គការក៏បាននាំម្ដាយក្មេងស្រីរងគ្រោះ ទៅដាក់ពាក្យបណ្ដឹងនៅប៉ុស្ដិ៍នគរបាល រដ្ឋបាលព្រែកដំបងនៅថ្ងៃទី៣ ខែមករា ឆ្នាំ២០១៤ ហើយសមត្ថកិច្ចនគរបាល មូលដ្ឋានក៏ចុះទៅឃាត់ខ្លួនជនសង្ស័យ ភ្លាមៗនៅផ្ទះនាំយកមកកាន់អធិការដ្ឋាននករបាលស្រុកមុខកំពូលដើម្បី ចាត់ការតាមច្បាប់ ។
ជនសង្ស័យបានសារភាពប្រាប់ សមត្ថកិច្ចនគរបាលថា រូបគេពិតជា បានធ្វើសកម្មភាពរំលោភទៅលើកូនស្រី ប្រាកដមែន ខណៈដែលស្ដ្រីជាប្រពន្ធមិននៅផ្ទះ ។
នៅថ្ងៃទី៤ ខែមករា ឆ្នាំ២០១៤ សមត្ថកិច្ចនគរបាលស្រុកមុខកំពូលបានបញ្ជូនខ្លួនជនសង្ស័យមកកាន់ ស្នងការដ្ឋាននគរបាលខេត្ដកណ្ដាលដើម្បីចាត់ការ តាមនីតិវិធី ៕
ប្រភពពីនគរវត្ត
