នាយប៉ុស្តិ៍នគរបាលរដ្ឋបាលស្រុកកំចាយមារត្រូវមន្ត្រីក្រោមឱវាទបាញ់សម្លាប់
នាយប៉ុស្តិ៍នគរបាលរដ្ឋបាលប្រចាំការនៅស្រុកកំចាយមារ
ខេត្តព្រៃវែង ម្នាក់
បានស្លាប់នៅទីស្នាក់ការប៉ូលិសនារំលងអាធ្រាត្រយប់ថ្ងៃទី២៨ មករា។
អធិការរងស្រុកបញ្ជាក់ថា ការស្លាប់នេះ
គឺជនដៃដល់ជាមន្ត្រីប៉ូលិសបម្រើការនៅអង្គភាពជាមួយគ្នាបានបាញ់
សម្លាប់
ខណៈដែលនាយប៉ុស្តិ៍ទៅហាមឃាត់ជនបង្កក្នុងទំនាស់ជាមួយមន្ត្រី
ប៉ូលិសនោះ។
នាយនគរបាលប៉ុស្តិ៍រដ្ឋបាលឃុំគ្រញូង ឈ្មោះ លោក ចាន់ សារ៉ាត់ ត្រូវគ្រាប់កាំភ្លើងចំនួន ៤គ្រាប់ ហើយបានស្លាប់ភ្លាមៗនៅនឹងកន្លែងកើតហេតុ។ ជនសង្ស័យជាអ្នកដៃដល់ក្នុងករណីបាញ់សម្លាប់នោះ ត្រូវសមត្ថកិច្ចបញ្ជាក់ថា ជាមន្ត្រីប៉ូលិសក្រោមឱវាទរបស់នាយនគរបាលប៉ុស្តិ៍រដ្ឋបាលឃុំនោះ។
អធិការរងស្រុកកំចាយមារ លោក អ៊ុយ នឿន មានប្រសាសន៍បញ្ជាក់នៅថ្ងៃទី២៩ មករា ថា ឃាតកដែលបាញ់សម្លាប់នាយប៉ុស្តិ៍គ្រញូង នៅនឹងកន្លែងកើតហេតុនោះ គឺលោក ផុន ប៊ុនធឿន អាយុ ៤៤ឆ្នាំ ហើយជាមន្ត្រីប៉ូលិសបម្រើការក្នុងអង្គភាពជាមួយជនរងគ្រោះតែម្ដង។ លោក អ៊ុយ នឿន បញ្ជាក់ថា នៅថ្ងៃកើតហេតុ គឺកាលពីយប់ថ្ងៃទី២៨ មករា វេលាម៉ោងប្រមាណជា ២រំលងអាធ្រាត្រ គ្រានោះ មន្ត្រីប៉ូលិសមានគ្នាប្រមាណ ៣នាក់ រួមទាំងនាយប៉ុស្តិ៍ផង បន្ទាប់ពីត្រឡប់ចល័តតាមភូមិវិញ ស្រាប់តែមន្ត្រីប៉ូលិស ឈ្មោះ លោក ផុន ប៊ុនធឿន កើតមានទំនាស់គ្នាជាមួយមន្ត្រីក្នុងអង្គភាពមួយរូបផ្សេងទៀត។
លោកថា គ្រានោះនាយប៉ុស្តិ៍បានហាមអ្នកទាំង២ ឲ្យឈប់បង្កទំនាស់គ្នា។ បញ្ហានេះ ធ្វើឲ្យ លោក ផុន ប៊ុនធឿន ជាជនដៃដល់ខឹងសម្បា ហើយស្ទុះទៅទាញកាំភ្លើងបាញ់នាយប៉ុស្តិ៍ឲ្យស្លាប់នៅកន្លែងតែ ម្ដង៖ «មន្ត្រីហ្នឹងទៅចល័តជាមួយមេប៉ុស្តិ៍ទាំងអស់គ្នាហ្នឹង ដល់ត្រឡប់មកវិញដូចថា គេមានទំនាស់ពាក្យសម្ដីបន្តិចបន្តួចនៅកន្លែងប៉ុស្តិ៍។ ទំនាស់បន្តិចបន្តួចហ្នឹងហើយ មេប៉ុស្តិ៍ហ្នឹងក៏បាននិយាយថា អញមេអាឯង ក៏និយាយអាឯងមិនស្ដាប់ ប៉ុណ្ណឹង។ ដល់នេះថា បើអាឯងមិនស្ដាប់ទេ អញតេទូរស័ព្ទរាយការណ៍ជូនអធិការ ដល់អ៊ីចឹង មេប៉ុស្តិ៍ហ្នឹងក៏បានយកទូរស័ព្ទហ្នឹងតេរាយការណ៍មកអធិការហ្នឹង និយាយបានពីរបីម៉ាត់ ស្រាប់តែជនសង្ស័យក៏បានបាញ់តែម្ដង»។
តែយ៉ាងណា ប្រជាពលរដ្ឋនៅភូមិក្បែរខាងរបស់ប៉ុស្តិ៍ប៉ូលិស លោក យឹម រុន ឲ្យដឹងថា នៅថ្ងៃកើតហេតុ ប៉ូលិសទាំង ៣នាក់ បានចេញទៅផឹកស៊ីនៅហាងខារ៉ាអូខេមួយកន្លែងនៅក្បែរប៉ុស្តិ៍ប៉ូលិស ពេលត្រឡប់មកវិញស្រវឹងស្រឿងៗ ក៏កើតរឿងឈ្លោះបាញ់សម្លាប់គ្នាយ៉ាងដូច្នេះ៖ «អ្នក ៣នាក់ហ្នឹង ទៅកន្លែងខារ៉ាអូខេ គេបែបទៅហូបចុកនៅហ្នឹង មកវិញ។ ម៉ោង ២ហ្នឹង មកវិញ ដល់មកវិញប្រកែកគ្នា ២នាក់ហ្នឹង ឈ្លោះគ្នា ដេត ហើយ ធឿន ហ្នឹង បាទ ដេត និង ធឿន ឈ្លោះគ្នា ហើយ ចាន់ រ៉ាត់ ហ្នឹង គេឃាត់។ គេថាកុំឈ្លោះគ្នាអីអ៊ីចឹង អ្នកធ្វើការ ដល់នេះទៅ ស្រាប់តែប្រតប់ប្រតាយគ្នា អា ២នាក់ហ្នឹងទៅទាញកាំភ្លើងទៅបាញ់រ៉ាត់តែម្ដង»។
ជនរងគ្រោះឈ្មោះ លោក ចាន់ សារ៉ាន់ អាយុ ៤៣ឆ្នាំ ជានាយប៉ុស្តិ៍នគរបាលឃុំគ្រញូង នៃស្រុកកំចាយមារ ខេត្តព្រៃវែង។ លោក ចាន់ សារ៉ាន់ ត្រូវគ្រាប់កាំភ្លើងចំនួន ៤គ្រាប់ គឺចំក្បាល ចំដើមទ្រូងខាងឆ្វេង ចំដៃឆ្វេង និងមួយគ្រាប់ទៀតត្រូវក្បាលជង្គង់ខាងឆ្វេង បណ្ដាលឲ្យនាយប៉ុស្តិ៍រូបនេះស្លាប់នៅនឹងកន្លែងក្នុងស្នាក់ការ ប៉ុស្តិ៍ប៉ូលិសតែម្ដង។
បច្ចុប្បន្ន សពរបស់ជនរងគ្រោះត្រូវបានសាច់ញាតិនៃសពនាំយកទៅធ្វើបុណ្យតាម ព្រះពុទ្ធសាសនា នៅភូមិកណ្ដាល នៃឃុំគ្រញូង ស្រុកកំចាយមារ ខេត្តព្រៃវែង។ រីឯជនសង្ស័យនៃការបាញ់សម្លាប់ជនរងគ្រោះភ្លាមនោះ ក៏បានរត់គេចខ្លួនបាត់។
អធិការរងស្រុកកំចាយមារ ដាក់ការសន្និដ្ឋានថា ជនដៃដល់អាចរត់ទៅគេចខ្លួនតាមជាយដែននៅភាគខាងលិចប្រទេសកម្ពុជា ដើម្បីរកផ្លូវបន្តចេញទៅប្រទេសថៃ ព្រោះកន្លងមក ជនសង្ស័យធ្លាប់បានចេញចូលទៅប្រទេសថៃ ញឹកញាប់៕
ប្រភពពី វិទ្យុអាស៊ីសេរី
នាយនគរបាលប៉ុស្តិ៍រដ្ឋបាលឃុំគ្រញូង ឈ្មោះ លោក ចាន់ សារ៉ាត់ ត្រូវគ្រាប់កាំភ្លើងចំនួន ៤គ្រាប់ ហើយបានស្លាប់ភ្លាមៗនៅនឹងកន្លែងកើតហេតុ។ ជនសង្ស័យជាអ្នកដៃដល់ក្នុងករណីបាញ់សម្លាប់នោះ ត្រូវសមត្ថកិច្ចបញ្ជាក់ថា ជាមន្ត្រីប៉ូលិសក្រោមឱវាទរបស់នាយនគរបាលប៉ុស្តិ៍រដ្ឋបាលឃុំនោះ។
អធិការរងស្រុកកំចាយមារ លោក អ៊ុយ នឿន មានប្រសាសន៍បញ្ជាក់នៅថ្ងៃទី២៩ មករា ថា ឃាតកដែលបាញ់សម្លាប់នាយប៉ុស្តិ៍គ្រញូង នៅនឹងកន្លែងកើតហេតុនោះ គឺលោក ផុន ប៊ុនធឿន អាយុ ៤៤ឆ្នាំ ហើយជាមន្ត្រីប៉ូលិសបម្រើការក្នុងអង្គភាពជាមួយជនរងគ្រោះតែម្ដង។ លោក អ៊ុយ នឿន បញ្ជាក់ថា នៅថ្ងៃកើតហេតុ គឺកាលពីយប់ថ្ងៃទី២៨ មករា វេលាម៉ោងប្រមាណជា ២រំលងអាធ្រាត្រ គ្រានោះ មន្ត្រីប៉ូលិសមានគ្នាប្រមាណ ៣នាក់ រួមទាំងនាយប៉ុស្តិ៍ផង បន្ទាប់ពីត្រឡប់ចល័តតាមភូមិវិញ ស្រាប់តែមន្ត្រីប៉ូលិស ឈ្មោះ លោក ផុន ប៊ុនធឿន កើតមានទំនាស់គ្នាជាមួយមន្ត្រីក្នុងអង្គភាពមួយរូបផ្សេងទៀត។
លោកថា គ្រានោះនាយប៉ុស្តិ៍បានហាមអ្នកទាំង២ ឲ្យឈប់បង្កទំនាស់គ្នា។ បញ្ហានេះ ធ្វើឲ្យ លោក ផុន ប៊ុនធឿន ជាជនដៃដល់ខឹងសម្បា ហើយស្ទុះទៅទាញកាំភ្លើងបាញ់នាយប៉ុស្តិ៍ឲ្យស្លាប់នៅកន្លែងតែ ម្ដង៖ «មន្ត្រីហ្នឹងទៅចល័តជាមួយមេប៉ុស្តិ៍ទាំងអស់គ្នាហ្នឹង ដល់ត្រឡប់មកវិញដូចថា គេមានទំនាស់ពាក្យសម្ដីបន្តិចបន្តួចនៅកន្លែងប៉ុស្តិ៍។ ទំនាស់បន្តិចបន្តួចហ្នឹងហើយ មេប៉ុស្តិ៍ហ្នឹងក៏បាននិយាយថា អញមេអាឯង ក៏និយាយអាឯងមិនស្ដាប់ ប៉ុណ្ណឹង។ ដល់នេះថា បើអាឯងមិនស្ដាប់ទេ អញតេទូរស័ព្ទរាយការណ៍ជូនអធិការ ដល់អ៊ីចឹង មេប៉ុស្តិ៍ហ្នឹងក៏បានយកទូរស័ព្ទហ្នឹងតេរាយការណ៍មកអធិការហ្នឹង និយាយបានពីរបីម៉ាត់ ស្រាប់តែជនសង្ស័យក៏បានបាញ់តែម្ដង»។
តែយ៉ាងណា ប្រជាពលរដ្ឋនៅភូមិក្បែរខាងរបស់ប៉ុស្តិ៍ប៉ូលិស លោក យឹម រុន ឲ្យដឹងថា នៅថ្ងៃកើតហេតុ ប៉ូលិសទាំង ៣នាក់ បានចេញទៅផឹកស៊ីនៅហាងខារ៉ាអូខេមួយកន្លែងនៅក្បែរប៉ុស្តិ៍ប៉ូលិស ពេលត្រឡប់មកវិញស្រវឹងស្រឿងៗ ក៏កើតរឿងឈ្លោះបាញ់សម្លាប់គ្នាយ៉ាងដូច្នេះ៖ «អ្នក ៣នាក់ហ្នឹង ទៅកន្លែងខារ៉ាអូខេ គេបែបទៅហូបចុកនៅហ្នឹង មកវិញ។ ម៉ោង ២ហ្នឹង មកវិញ ដល់មកវិញប្រកែកគ្នា ២នាក់ហ្នឹង ឈ្លោះគ្នា ដេត ហើយ ធឿន ហ្នឹង បាទ ដេត និង ធឿន ឈ្លោះគ្នា ហើយ ចាន់ រ៉ាត់ ហ្នឹង គេឃាត់។ គេថាកុំឈ្លោះគ្នាអីអ៊ីចឹង អ្នកធ្វើការ ដល់នេះទៅ ស្រាប់តែប្រតប់ប្រតាយគ្នា អា ២នាក់ហ្នឹងទៅទាញកាំភ្លើងទៅបាញ់រ៉ាត់តែម្ដង»។
ជនរងគ្រោះឈ្មោះ លោក ចាន់ សារ៉ាន់ អាយុ ៤៣ឆ្នាំ ជានាយប៉ុស្តិ៍នគរបាលឃុំគ្រញូង នៃស្រុកកំចាយមារ ខេត្តព្រៃវែង។ លោក ចាន់ សារ៉ាន់ ត្រូវគ្រាប់កាំភ្លើងចំនួន ៤គ្រាប់ គឺចំក្បាល ចំដើមទ្រូងខាងឆ្វេង ចំដៃឆ្វេង និងមួយគ្រាប់ទៀតត្រូវក្បាលជង្គង់ខាងឆ្វេង បណ្ដាលឲ្យនាយប៉ុស្តិ៍រូបនេះស្លាប់នៅនឹងកន្លែងក្នុងស្នាក់ការ ប៉ុស្តិ៍ប៉ូលិសតែម្ដង។
បច្ចុប្បន្ន សពរបស់ជនរងគ្រោះត្រូវបានសាច់ញាតិនៃសពនាំយកទៅធ្វើបុណ្យតាម ព្រះពុទ្ធសាសនា នៅភូមិកណ្ដាល នៃឃុំគ្រញូង ស្រុកកំចាយមារ ខេត្តព្រៃវែង។ រីឯជនសង្ស័យនៃការបាញ់សម្លាប់ជនរងគ្រោះភ្លាមនោះ ក៏បានរត់គេចខ្លួនបាត់។
អធិការរងស្រុកកំចាយមារ ដាក់ការសន្និដ្ឋានថា ជនដៃដល់អាចរត់ទៅគេចខ្លួនតាមជាយដែននៅភាគខាងលិចប្រទេសកម្ពុជា ដើម្បីរកផ្លូវបន្តចេញទៅប្រទេសថៃ ព្រោះកន្លងមក ជនសង្ស័យធ្លាប់បានចេញចូលទៅប្រទេសថៃ ញឹកញាប់៕
ប្រភពពី វិទ្យុអាស៊ីសេរី
