ទំនាស់រឿងថ្លឹងរថយន្ត ម្ចាស់រថយន្តគំរាមយកឡានបិទផ្លូវលេខ១១
កំពង់ចាម: ម្ចាស់ឡានដឹកស្រូវបានជំទាស់នឹងក្រុមជញ្ជីងចល័តដែលចាប់រថយន្តរបស់គាត់លើផ្លូវជាតិលេខ១១ ភូមិទួលទ្រា ឃុំជប់ ស្រុកត្បូងឃ្មុំ ហើយតម្រូវឲ្យបង់ប្រាក់ពិន័យជាងប្រាំមួយលានរៀល។ គាត់ទាមទារឳ្យខាងសមត្ថកិច្ចថ្លឹងម្តងទៀត ទើបយល់ព្រមបង់ប្រាក់ពិន័យនោះឳ្យ។ប៉ុន្តែអ្នកគ្រប់គ្រងជញ្ជីងចល័តមិនអនុញ្ញាតតាមការទាមទារនោះឡើយ មកដល់ល្ងាចថ្ងៃទី ៣ ខែធ្នូ ឆ្នាំ២០១៣នេះ។ ចំណែកភាគីម្ចាស់រថយន្ត និង ជាម្ចាស់ស្រូវបានគំរាមយករថយន្តបិទផ្លូវជាតិលេខ ១១ បើសិនជានៅមិនព្រមយករថយន្តទៅថ្លឹងនៅស្ថានីយ៍ឡើងវិញម្តងទៀត។
អ្នកស្រី សាំង ដាលីន ជាម្ចាស់រថយន្ត និង ជាឈ្មួញស្រូវបាននិយាយប្រាប់អ្នកសារព័ត៌មាននៅកន្លែងសមត្ថកិច្ចឃាត់ចាប់រថយន្តថា រថយន្តលេខកំពង់ចាម 3A-2735 ដែលសមត្ថកិច្ចបានឃាត់កាលពីព្រឹកថ្ងៃទី ២ ខែធ្នូ ឆ្នាំ២០១៣ ដែលមានសម្បករថយន្តទទេទម្ងន់ ១៥ តោន និង ៣៦០ គីឡូក្រាម និង ផ្ទុកស្រូវទម្ងន់ ២៣ តោន និង ៥៦០ គីឡូក្រាមសរុបជាង ៣៩តោន។ ទម្ងន់ទាំងអស់នេះខ្លួនបានថ្លឹងចេញពីឃ្លាំងស្រូវឈ្មោះ អ៊ឺម អៀម ហៅ វុធនៅភូមិគោកដូង ឃុំកំពង់ថ្កូវ ស្រុកក្រឡាញ់ ខេត្តសៀមរាប ដើម្បីយកទៅលក់ឳ្យឈ្មួញវៀតណាមតាមព្រំដែនខេត្តព្រៃវែង។
ប៉ុន្តែពេលខាងក្រុមជញ្ជីងចល័តថ្លឹងបែរជាថា មានទម្ងន់ ៤៥ តោន គឺលើសទម្ងន់កំណត់ ដប់តោនហើយតម្រូវឲ្យបង់ពិន័យ ៦.១៣០.០០០ រៀល។ តាមការអនុគ្រោះកន្លងមកសមត្ថកិច្ចបានប្រកាសថា បើផ្ទុកលើសកម្រិតកំណត់ក្រោម ប្រាំតោន មិនពិន័យទេអនុញ្ញាតឳ្យទៅ។ តែពេលនេះលើសដល់ ដប់ តោនត្រូវតែបង់ពិន័យ។
ម្ចាស់រថយន្តដឹកស្រូវបានឳ្យដឹងទៀតថា ខ្លួនមិនជំទាស់ចំពោះការពិន័យទេតែសុំឳ្យសមត្ថកិច្ចជួយនាំយកទៅថ្លឹងនៅស្ថានីយ៍ថ្នល់ទទឹង ជប់ដែលនៅចម្ងាយប្រហែល ពីរ គីឡូម៉ែត្រពីកន្លែងចាប់ឃាត់ខាងលើម្តងទៀតឳ្យបានឃើញជាក់ស្តែងថាពិតជាលើសមែន។ ការឃាត់ចាប់ថ្លឹងកាលពីព្រឹកថ្ងៃទី ២ ធ្នូ ថាលើស ដប់ តោននោះ គឺខ្លួនមិនបានឃើញទេកំពុងជាប់រវល់ទិញស្រូវនៅខេត្តសៀមរាបឯណោះ។តែបើសមត្ថកិច្ចមិនព្រមថ្លឹងឡើងវិញទេ ខ្លួននឹងប្រមូលឡានបិទផ្លូវជាតិលេខ ១១ ។
លោក នួន គឹមហេង ប្រធានត្រួតពិនិត្យយានយន្តដឹកជញ្ជួនលើសទម្ងន់កម្រិតកំណត់ថ្នល់កែងនិងជាអនុប្រធានមន្ទីរសាធារណការ និង ដឹកជញ្ជូនខេត្តកំពង់ចាមបានប្រាប់ CEN នៅរសៀលថ្ងៃទី ៣ ខែធ្នូ ឆ្នាំ២០១៣ថា “ យើងមិនអាចថ្លឹងរថយន្តដឹកស្រូវខាងលើម្តងទៀតទេ គឺសមត្ថកិច្ចបានទទួលបញ្ជាពីលោកអភិបាលខេត្តកំពង់ចាម តម្រូវឳ្យធ្វើបែបនេះហើយប៉ុន្មានថ្ងៃនេះបានអនុវត្តការពិន័យបានច្រើនគ្រឿង អត់មានបញ្ហាអ្វីទេ នៅតែរថយន្តមួយគ្រឿងនេះដែលមិនព្រមបង់ពិន័យ។ តែបើម្ចាស់ឡានហ៊ានបិទផ្លូវខាងលោកនឹងចាត់វិធានការតាមច្បាប់”៕
សមត្ថកិច្ចជាក្រុមជញ្ជីងចល័តលើកំណាត់ផ្លូវជាតិលេខ១១ចាប់ពិន័យរថយន្តដឹកស្រូវទៅលក់នៅព្រំដែនវៀតណាមថា ផ្ទុកលើសទម្ងន់ ដប់ តោនត្រូវពិន័យជាង ប្រាំមួយលានរៀល តែខាងម្ចាស់ឡានទាមទារឳ្យថ្លឹងម្តងទៀត
ប្រភពពី CEN
Read more: http://www.cambodiapage.info/?p=6664#ixzz2mTRVLMLA
កំពង់ចាម: ម្ចាស់ឡានដឹកស្រូវបានជំទាស់នឹងក្រុមជញ្ជីងចល័តដែលចាប់រថយន្តរបស់គាត់លើផ្លូវជាតិលេខ១១ ភូមិទួលទ្រា ឃុំជប់ ស្រុកត្បូងឃ្មុំ ហើយតម្រូវឲ្យបង់ប្រាក់ពិន័យជាងប្រាំមួយលានរៀល។ គាត់ទាមទារឳ្យខាងសមត្ថកិច្ចថ្លឹងម្តងទៀត ទើបយល់ព្រមបង់ប្រាក់ពិន័យនោះឳ្យ។ប៉ុន្តែអ្នកគ្រប់គ្រងជញ្ជីងចល័តមិនអនុញ្ញាតតាមការទាមទារនោះឡើយ មកដល់ល្ងាចថ្ងៃទី ៣ ខែធ្នូ ឆ្នាំ២០១៣នេះ។ ចំណែកភាគីម្ចាស់រថយន្ត និង ជាម្ចាស់ស្រូវបានគំរាមយករថយន្តបិទផ្លូវជាតិលេខ ១១ បើសិនជានៅមិនព្រមយករថយន្តទៅថ្លឹងនៅស្ថានីយ៍ឡើងវិញម្តងទៀត។
អ្នកស្រី សាំង ដាលីន ជាម្ចាស់រថយន្ត និង ជាឈ្មួញស្រូវបាននិយាយប្រាប់អ្នកសារព័ត៌មាននៅកន្លែងសមត្ថកិច្ចឃាត់ចាប់រថយន្តថា រថយន្តលេខកំពង់ចាម 3A-2735 ដែលសមត្ថកិច្ចបានឃាត់កាលពីព្រឹកថ្ងៃទី ២ ខែធ្នូ ឆ្នាំ២០១៣ ដែលមានសម្បករថយន្តទទេទម្ងន់ ១៥ តោន និង ៣៦០ គីឡូក្រាម និង ផ្ទុកស្រូវទម្ងន់ ២៣ តោន និង ៥៦០ គីឡូក្រាមសរុបជាង ៣៩តោន។ ទម្ងន់ទាំងអស់នេះខ្លួនបានថ្លឹងចេញពីឃ្លាំងស្រូវឈ្មោះ អ៊ឺម អៀម ហៅ វុធនៅភូមិគោកដូង ឃុំកំពង់ថ្កូវ ស្រុកក្រឡាញ់ ខេត្តសៀមរាប ដើម្បីយកទៅលក់ឳ្យឈ្មួញវៀតណាមតាមព្រំដែនខេត្តព្រៃវែង។
ប៉ុន្តែពេលខាងក្រុមជញ្ជីងចល័តថ្លឹងបែរជាថា មានទម្ងន់ ៤៥ តោន គឺលើសទម្ងន់កំណត់ ដប់តោនហើយតម្រូវឲ្យបង់ពិន័យ ៦.១៣០.០០០ រៀល។ តាមការអនុគ្រោះកន្លងមកសមត្ថកិច្ចបានប្រកាសថា បើផ្ទុកលើសកម្រិតកំណត់ក្រោម ប្រាំតោន មិនពិន័យទេអនុញ្ញាតឳ្យទៅ។ តែពេលនេះលើសដល់ ដប់ តោនត្រូវតែបង់ពិន័យ។
ម្ចាស់រថយន្តដឹកស្រូវបានឳ្យដឹងទៀតថា ខ្លួនមិនជំទាស់ចំពោះការពិន័យទេតែសុំឳ្យសមត្ថកិច្ចជួយនាំយកទៅថ្លឹងនៅស្ថានីយ៍ថ្នល់ទទឹង ជប់ដែលនៅចម្ងាយប្រហែល ពីរ គីឡូម៉ែត្រពីកន្លែងចាប់ឃាត់ខាងលើម្តងទៀតឳ្យបានឃើញជាក់ស្តែងថាពិតជាលើសមែន។ ការឃាត់ចាប់ថ្លឹងកាលពីព្រឹកថ្ងៃទី ២ ធ្នូ ថាលើស ដប់ តោននោះ គឺខ្លួនមិនបានឃើញទេកំពុងជាប់រវល់ទិញស្រូវនៅខេត្តសៀមរាបឯណោះ។តែបើសមត្ថកិច្ចមិនព្រមថ្លឹងឡើងវិញទេ ខ្លួននឹងប្រមូលឡានបិទផ្លូវជាតិលេខ ១១ ។
លោក នួន គឹមហេង ប្រធានត្រួតពិនិត្យយានយន្តដឹកជញ្ជួនលើសទម្ងន់កម្រិតកំណត់ថ្នល់កែងនិងជាអនុប្រធានមន្ទីរសាធារណការ និង ដឹកជញ្ជូនខេត្តកំពង់ចាមបានប្រាប់ CEN នៅរសៀលថ្ងៃទី ៣ ខែធ្នូ ឆ្នាំ២០១៣ថា “ យើងមិនអាចថ្លឹងរថយន្តដឹកស្រូវខាងលើម្តងទៀតទេ គឺសមត្ថកិច្ចបានទទួលបញ្ជាពីលោកអភិបាលខេត្តកំពង់ចាម តម្រូវឳ្យធ្វើបែបនេះហើយប៉ុន្មានថ្ងៃនេះបានអនុវត្តការពិន័យបានច្រើនគ្រឿង អត់មានបញ្ហាអ្វីទេ នៅតែរថយន្តមួយគ្រឿងនេះដែលមិនព្រមបង់ពិន័យ។ តែបើម្ចាស់ឡានហ៊ានបិទផ្លូវខាងលោកនឹងចាត់វិធានការតាមច្បាប់”៕
សមត្ថកិច្ចជាក្រុមជញ្ជីងចល័តលើកំណាត់ផ្លូវជាតិលេខ១១ចាប់ពិន័យរថយន្តដឹកស្រូវទៅលក់នៅព្រំដែនវៀតណាមថា ផ្ទុកលើសទម្ងន់ ដប់ តោនត្រូវពិន័យជាង ប្រាំមួយលានរៀល តែខាងម្ចាស់ឡានទាមទារឳ្យថ្លឹងម្តងទៀត
ប្រភពពី CEN
