អ្នកភូមិបឹងកក់សម្រេចចិត្តផ្អាកការតវ៉ាមួយរយៈ
បន្ទាប់ពីបានតវ៉ាពេញមួយព្រឹកនៅពីមុខសាលារាជធានីភ្នំពេញ
អ្នកភូមិបឹងកក់ក៏បានរំសាយទៅវិញ
ហើយសម្រេចថានឹងផ្អាកការតវ៉ាមួយរយៈសិន។ អ្នកស្រី ទេព វន្នី
តំណាងអ្នកភូមិបឹងកក់បានប្រាប់វិទ្យុបារាំងអន្តរជាតិថា
ការតវ៉ាត្រូវផ្អាកមួយរយៈសិនពីព្រោះក្រុមអ្នកភូមិមានសភាពហេវហត់
អស់កម្លាំងបន្ទាប់ពីចេញតវ៉ាអស់ជាច្រើនថ្ងៃមក។
នៅថ្ងៃព្រហស្បតិ៍នេះ ការតវ៉ាមិនបានបិទផ្លូវនិងដុតកង់ឡានដូចកាលពីមុនទេ។ ក្រុមអ្នកភូមិបានឈរនៅអែបផ្លូវ ដោយដៃមានកាន់បដានិងផ្កាឈូក ព្រមទាំងនាំគ្នាគោះឆ្នាំងដើម្បីបន្លឺសំឡេងនៃភាពស្រេកឃ្លាន ដំណោះស្រាយរបស់ពួកគេ។
អ្នកស្រី ស៊ឹម សុភាព អតីតអ្នកភូមិបឹងកក់ ដែលឈរកាន់បដាទាមទាររកសំណងបន្ថែមបានអះអាងថា ការទាមទាររបស់ក្រុមអ្នកភូមិ គឺគ្មានអ្វីទាក់ទងនឹងគណបក្សសង្គ្រោះជាតិនោះទេ។ អ្នកស្រីបន្តថា ជំហរយ៉ាងរឹងមាំរបស់ក្រុមអ្នកភូមិគឺត្រូវការចរចាជាមួយលោកប៉ា សុជាតិវង្ស អភិបាលរាជធានីភ្នំពេញ និង ត្រូវការឲ្យលោក អភិបាល ចាត់វិធានការនិងកំណត់ពេលវេលាដោះស្រាយអោយបានច្បាស់លាស់។
សកម្មជនតវ៉ាដីធ្លីរូបនេះបាននិយាយយ៉ាងច្បាស់ថា អ្នកភូមិមិនចង់ ឲ្យមានវត្តមាន លោកសម រង្ស៊ី ប្រធានបក្សប្រឆាំងចូលរួមជាមួយទេពីព្រោះដើម្បីកុំឲ្យមានការភន្ត័ ច្រលំថាបាតុកម្មនេះទាក់ទងនឹងនយោបាយ។ យ៉ាងណាក៏ដោយ លោក ឡុង ឌីម៉ង់ អ្នកនាំពាក្យសាលារាជធានីភ្នំពេញ បានប្រាប់វិទ្យុបារាំងអន្តរជាតិថា ការតវ៉ារបស់ក្រុមអ្នកភូមិបឹងកក់ជាថ្មីម្តងទៀតនេះទំនងជាមានរឿង នយោបាយនៅពី ក្រោយ។
អ្នកនាំពាក្យរូបនេះ បានអះអាងថា មូលហេតុដែលអាជ្ញាធរចាត់ទុកថានេះជារឿងនយោបាយព្រោះកន្លងមក ក្រុមអ្នកភូមិធ្លាប់ចូលជួបដោះស្រាយរឿងដីធ្លីនេះរួចមកហើយ ហើយលោកអភិបាលរាជធានីភ្នំពេញក៏បានពន្យល់អស់ហើយអំពីដំណោះស្រាយលើ បញ្ហារបស់ពួកគាត់។
លោក ឡុង ឌីម៉ង់ កត់សម្គាល់ទៀតថា អ្នកភូមិដែលយល់ព្រមទទួលសំណងរួចហើយក៏បានមកចូលរួមក្នុងការតវ៉ានេះ ហើយបន្ទាប់ពីមានការសំរបសំរួលពីតំណាងរាស្ត្របក្សប្រឆាំង ក្រុមអ្នកភូមិកាលពីម្សិលម៉ិញបានយល់ព្រមរំសាយ។ សម្រាប់លោកអ្នក នាំពាក្យសាលារាជធានីភ្នំពេញ កាលណាវាជារឿងនយោបាយនោះបញ្ហាច្បាស់ជាពិបាកដោះស្រាយ ។
យ៉ាងណាក៏ដោយ លោកអះអាងថា បើទោះសាលារាជធានីភ្នំពេញមានការងារមមាញឹកផ្សេងទៀតត្រូវដោះស្រាយ ក៏អាជ្ញាធរមិនបោះបង់ចោលអ្នកភូមិទេ ហើយនឹងទទួលគ្រប់សំណូមទាំងអស់មកពិចារណា តែសូមឲ្យអ្នកភូមិជួយសហការ និង យោគយល់៕
សូមបញ្ជាក់ថា ការតវ៉ាជាថ្មីម្តងទៀតរបស់សហគមន៍ដែលមានជម្លោះដីធ្លីនេះបានចាប់ផ្តើម តាំងពីថ្ងៃចន្ទ៍ ហើយមានការប៉ះទង្គិចគ្នាម្តងកាលពីថ្ងៃអង្គារដែលបណ្តាលអោយមនុស្ស យ៉ាងតិច៣នាក់រងរបួស និង មានការដុតកង់ឡាន បិទផ្លូវទៀតផង៕
ប្រភពពី វិទ្យុបារាំងអន្តរជាតិ
នៅថ្ងៃព្រហស្បតិ៍នេះ ការតវ៉ាមិនបានបិទផ្លូវនិងដុតកង់ឡានដូចកាលពីមុនទេ។ ក្រុមអ្នកភូមិបានឈរនៅអែបផ្លូវ ដោយដៃមានកាន់បដានិងផ្កាឈូក ព្រមទាំងនាំគ្នាគោះឆ្នាំងដើម្បីបន្លឺសំឡេងនៃភាពស្រេកឃ្លាន ដំណោះស្រាយរបស់ពួកគេ។
អ្នកស្រី ស៊ឹម សុភាព អតីតអ្នកភូមិបឹងកក់ ដែលឈរកាន់បដាទាមទាររកសំណងបន្ថែមបានអះអាងថា ការទាមទាររបស់ក្រុមអ្នកភូមិ គឺគ្មានអ្វីទាក់ទងនឹងគណបក្សសង្គ្រោះជាតិនោះទេ។ អ្នកស្រីបន្តថា ជំហរយ៉ាងរឹងមាំរបស់ក្រុមអ្នកភូមិគឺត្រូវការចរចាជាមួយលោកប៉ា សុជាតិវង្ស អភិបាលរាជធានីភ្នំពេញ និង ត្រូវការឲ្យលោក អភិបាល ចាត់វិធានការនិងកំណត់ពេលវេលាដោះស្រាយអោយបានច្បាស់លាស់។
សកម្មជនតវ៉ាដីធ្លីរូបនេះបាននិយាយយ៉ាងច្បាស់ថា អ្នកភូមិមិនចង់ ឲ្យមានវត្តមាន លោកសម រង្ស៊ី ប្រធានបក្សប្រឆាំងចូលរួមជាមួយទេពីព្រោះដើម្បីកុំឲ្យមានការភន្ត័ ច្រលំថាបាតុកម្មនេះទាក់ទងនឹងនយោបាយ។ យ៉ាងណាក៏ដោយ លោក ឡុង ឌីម៉ង់ អ្នកនាំពាក្យសាលារាជធានីភ្នំពេញ បានប្រាប់វិទ្យុបារាំងអន្តរជាតិថា ការតវ៉ារបស់ក្រុមអ្នកភូមិបឹងកក់ជាថ្មីម្តងទៀតនេះទំនងជាមានរឿង នយោបាយនៅពី ក្រោយ។
អ្នកនាំពាក្យរូបនេះ បានអះអាងថា មូលហេតុដែលអាជ្ញាធរចាត់ទុកថានេះជារឿងនយោបាយព្រោះកន្លងមក ក្រុមអ្នកភូមិធ្លាប់ចូលជួបដោះស្រាយរឿងដីធ្លីនេះរួចមកហើយ ហើយលោកអភិបាលរាជធានីភ្នំពេញក៏បានពន្យល់អស់ហើយអំពីដំណោះស្រាយលើ បញ្ហារបស់ពួកគាត់។
លោក ឡុង ឌីម៉ង់ កត់សម្គាល់ទៀតថា អ្នកភូមិដែលយល់ព្រមទទួលសំណងរួចហើយក៏បានមកចូលរួមក្នុងការតវ៉ានេះ ហើយបន្ទាប់ពីមានការសំរបសំរួលពីតំណាងរាស្ត្របក្សប្រឆាំង ក្រុមអ្នកភូមិកាលពីម្សិលម៉ិញបានយល់ព្រមរំសាយ។ សម្រាប់លោកអ្នក នាំពាក្យសាលារាជធានីភ្នំពេញ កាលណាវាជារឿងនយោបាយនោះបញ្ហាច្បាស់ជាពិបាកដោះស្រាយ ។
យ៉ាងណាក៏ដោយ លោកអះអាងថា បើទោះសាលារាជធានីភ្នំពេញមានការងារមមាញឹកផ្សេងទៀតត្រូវដោះស្រាយ ក៏អាជ្ញាធរមិនបោះបង់ចោលអ្នកភូមិទេ ហើយនឹងទទួលគ្រប់សំណូមទាំងអស់មកពិចារណា តែសូមឲ្យអ្នកភូមិជួយសហការ និង យោគយល់៕
សូមបញ្ជាក់ថា ការតវ៉ាជាថ្មីម្តងទៀតរបស់សហគមន៍ដែលមានជម្លោះដីធ្លីនេះបានចាប់ផ្តើម តាំងពីថ្ងៃចន្ទ៍ ហើយមានការប៉ះទង្គិចគ្នាម្តងកាលពីថ្ងៃអង្គារដែលបណ្តាលអោយមនុស្ស យ៉ាងតិច៣នាក់រងរបួស និង មានការដុតកង់ឡាន បិទផ្លូវទៀតផង៕
ប្រភពពី វិទ្យុបារាំងអន្តរជាតិ
