ទើបតែអាយុ ១៥ឆ្នាំ ជឿសំដីប្រុសព្រានប្រគល់ខ្លួនប្រាណ ឲ្យរួមរ័ករហូតមានផ្ទៃពោះ
ក្មេងស្រីរងគ្រោះឈ្មោះ ឡ.ធ.រ អាយុ ១៥ឆ្នាំ រស់នៅភូមិ-ឃុំស្នោ ស្រុកព្រៃកប្បាស ខេត្ដតាកែវ បាននាំម្ដាយអាយុ ៥១ឆ្នាំ មកដាក់ពាក្យប្ដឹងឈ្មោះ ចក់ វណ្ណា អាយុ ២៥ឆ្នាំ រស់នៅផ្ទះក្បែរគ្នា ក្នុងភូមិ ឃុំខាងលើ ដោយចោទពីបទរំលោភ សេពសន្ថវៈ។ ក្មេងស្រីរងគ្រោះ បានឱ្យដឹងថា ក្នុងអំឡុងខែសីហា ឆ្នាំ២០១៣ ពេលដែលមើលទូរទស្សន៍ចប់ ប្រហែលម៉ោង ៨យប់ នាងក៏ទៅបន្ទប់ទឹក ខាងក្រោយផ្ទះប្រហែល ១០ម៉ែត្រ ហើយពេលចេញពីបន្ទប់ទឹកវិញ ក៏មានបុរសម្នាក់ចាប់កដៃជាប់ រួចទាញទៅក្រោយបន្ទប់ទឹក ដោយនិយាយខ្សឹបដាក់ត្រចៀកថា “បងស្រលាញ់អូនយូរហើយ”។
ពេលនោះនាងក៏ស្គាល់ បុរសនោះច្បាស់គឺឈ្មោះ វណ្ណា ដែលជាអ្នកជិតខាង ហើយពេលនោះឈ្មោះ វណ្ណា ក៏សុំនាងរួមភេទ ដោយធ្វើសកម្មភាពបបោស អង្អែល ប៉ុន្ដែនាងប្រាប់ថា ប្រយ័ត្នមានកូន តែពេលនោះឈ្មោះ វណ្ណា បានប្រាប់ថា បើមានកូន “បងទទួលខុសត្រូវ” ។ ដោយភ្លើងកាមតណ្ហា បានឆេះរោលរាល ពួកគេបានរួមរ័កយ៉ាងត្រេកត្រអាល ហើយឈ្មោះ ចក់ វណ្ណា បានបន្ដខ្សឹបដាក់ត្រចៀកនាងថា “កុំប្រាប់នរណាឱ្យសោះ បើមានកូនបងជាអ្នក ទទួលខុសត្រូវ&ddquo; ។ ដោយសារតែជឿ សំដីប្រុសព្រាន នាងបានបន្ដប្រគល់ខ្លួនឲ្យឈ្មោះ ចក់ វណ្ណា ជាញឹកញាប់ក្នុងរយៈពេល ២ឬ៣ ថ្ងៃម្ដង ដោយមិនខ្វល់អ្វីឡើយ ។
ច្រើនខែក្រោយមកទើបនាងដឹងថា មានកូន ហើយក៏សម្រេចចិត្ដប្រាប់ឈ្មោះ ចក់ វណ្ណា ឲ្យទទួលខុសត្រូវ តែពេលនោះឈ្មោះ ចក់ វណ្ណា ប្រាប់ថាមិនអីទេ ចាំគាត់រកលុយ ឱ្យយកកូនចេញ ។ ការទន្ទឹងរង់ចាំលុយ ដើម្បីយកកូនចេញ ចេះតែយូរទៅៗ រហូតពោះធំបែកការណ៍ ក៏ត្រូវម្ដាយសួរនាំ ហើយនាងបានប្រាប់តាមដំណើររឿង ទើបម្ដាយនាងទៅសួរនាំ ខាងឪពុកម្ដាយខាងប្រុស ប៉ុន្ដែឪពុកម្ដាយខាងប្រុស មិនទទួលស្គាល់ ទើបទាំង ២នាក់ម្ដាយកូន មកដាក់ពាក្យបណ្ដឹង នៅនគរបាលប៉ុស្ដិ៍តែម្ដង។ ក្នុងពាក្យបណ្ដឹងក្មេងស្រីអនីតិជន បានទារសំណងជំងឺចិត្ដ ១៣លានរៀល និងសុំឱ្យតុលាការផ្ដន្ទាទោស ជនល្មើសតាមច្បាប់៕
