មេតុងទីន បោកលុយកូនយកទៅធ្វើផ្ទះសំណាក់ ហើយរត់គេចខ្លួនបាត់
ភ្នំពេញ: កូនតុងទីនជិត៤០០នាក់នៅផ្សារសេនជូរី បានចាញ់បោកមេតុងទីនម្នាក់ឈ្មោះមុត កុសល បើគិតជាលុយខ្មែរ ( រាប់ពាន់លានរៀល )ដែលបានរត់គេចខ្លួនបាត់។ការលេងតុងទីននេះអស់រយៈពេលជាង ៣ ឆ្នាំមកហើយមិនដែលមានបញ្ហាអ្វីឡើយ ទើបតែចុងឆ្នាំនេះទេកើតមានបញ្ហានេះឡើង។ កូនតុងទីនទាំងអស់បានចាប់ផ្តើមឆោរឡោពេញផ្សារពីរឿងមេបោកលុយរត់បាត់។ពួកគេបាននាំគ្នាមកប្តឹងសូមអោយលោក សុខ អ៊ែល ចៅសង្កាត់កាកាប ជួយអន្តរាគមន៍ដល់ពួកគេទាំងអស់គ្នា នៅព្រឹកថ្ងៃទី២ ខែធ្នូ ឆ្នាំ២០១៣។
ផ្អែកតាមការបំភ្លឺពីកូនតុងទីនដែលបានចាញ់បោកមេបាននិយាយថា កន្លងមកពូកគេបានលេងជាមួយមេខាងលើនេះជាង ៣ ឆ្នាំមកហើយគឺលេងចំនួន ៤ ក្បាល ( ក្បាល២០.០០០រៀលចំនួន ៣៥៣ នាក់, ទី២ ២០.០០០រៀលដែរចំនួន ២៥៣នាក់, ទី៣ ២០.០០០រៀលដែរចំនួន៣៥១នាក់ និង ទី៤ក្បាល ៥០ដុល្លារចំនួន ៦៣នាក់ )។ ក្បាល២០.០០០រៀលប្រមូលបានក្នុងមួយថ្ងៃជាង ៧លានរៀល។ នៅពេលនេះបើតាមដំណឹងមេបានយកលុយទាំងអស់នេះទៅធ្វើផ្ទះសំណាក់។
ក្រុមកូនតុងទីនបានបន្តថា ឥឡូវនេះមេតុងទីនខាងលើបានគេចខ្លួនបាត់ទាំងពីរនាក់ប្តីប្រពន្ធ ហើយទុកតែកូនស្រីម្នាក់ឲ្យនៅចាំផ្ទះ និងនៅកន្លែងលក់ក្នុងផ្សារ សេន ជូរី តែប៉ុណ្ណេះហើយពួកគេមានទីលំនៅភូមិបូរី 100 ខ្នង សង្កាត់ទឹកថ្លា ។ ឥឡូវនេះបើគ្មានដំណោះស្រាយទេនេះពួកគេនិងចាប់កូនស្រីមេតុងទីនជំនួសម៉ែឪយកមកប្រគល់ឲ្យប៉ូលិសទើបមេតុងទីនចេញមុខមកដោះស្រាយ៕
ចាញ់បោកមេតុងទីនម្នាក់ឈ្មោះមុត កុសល បើគិតជាលុយខ្មែរ រាប់ពាន់លានរៀល (រូបស្រ្តីអង្គុយពាក់អាវក្រហម)
កូនតុងទីនជិត៤០០នាក់នៅផ្សារសេនជូរី បានចាញ់បោកមេតុងទីនម្នាក់ឈ្មោះមុត កុសល បើគិតជាលុយខ្មែរ ( រាប់ពាន់លានរៀល )
កូនតុងទីនទាំងអស់បានចាប់ផ្តើមឆោរឡោពេញផ្សារពីរឿងមេបោកលុយ រត់បាត់។ពួកគេបាននាំគ្នាមកប្តឹងសូមអោយលោក សុខ អ៊ែល ចៅសង្កាត់កាកាប ជួយអន្តរាគមន៍ដល់ពួកគេទាំងអស់គ្នា នៅព្រឹកថ្ងៃទី២ ខែធ្នូ ឆ្នាំ២០១៣
ប្រភពពី CEN
