មហាចោរហែកគុករត់ពីខេត្តកំពង់ចាមត្រូវអស់លក្ខណនៅជាយដែនថៃ
បន្ទាយមានជ័យ៖ មហាចោរហែកគុកនៅខេត្តកំពង់ចាម ត្រូវបានសមត្ថកិច្ចនៃអធិការដ្ឋាននគរបាលក្រុងប៉ោយប៉ែត ខេត្តបន្ទាយមានជ័យ អនុវត្តន៏តាមដីកាលេខ៨៤៧ របស់ចៅក្រមស៊ីបសួរសាលាដំបូង ខេត្តកំពង់ចាមលោក សែត វិសិដ្ឋមុនី ។
លោក អ៊ុំ សុផល អធិការនគរបាលក្រុងប៉ោយប៉ែតបានឲ្យដឹងនៅថ្ងៃទី២២វិច្ឆិកាឆ្នាំ២០១៣នេះថា៖ បុរសដែលកម្លាំងនគរបាលរបស់លោកបានឃាត់ខ្លួននៅស្រុកសំពៅលួន ខេត្តបាត់ដំបងកាលពីថ្ងៃទី២១វិច្ឆិកា២០១៣នោះ មានឈ្មោះឡុង ប៊ុនថន ហៅ សុខ ឈាង ភេទប្រុសអាយុ៣៨ឆ្នាំជនជាតិខ្មែរ ដើមកំណើតនៅភូមិមាត់ឃ្មុងឃុំជីរោទី០២ ស្រុកត្បូងឃ្មុំ ខេត្តកំពង់ចាម បច្ចុប្បន្នរស់នៅភូមិគីឡូម៉ែត្រ៤សង្កាត់ផ្សារកណ្តាល ក្រុងប៉ោយប៉ែតខេត្តបន្ទាយមានជ័យ ។
លោកអធិការបានឲ្យដឹងទៀតថា៖ ជនខាងលើគឺបានប្រព្រឹត្តហែកគុកនៅខេត្តកំពង់ចាមកាលពីថ្ងៃទី០១ខែតុលាឆ្នាំ២០១២មកម្លេះហើយវាបានមកសម្ងំលាក់ខ្លួននៅជាយដែនខ្មែរថៃឯក្រុងប៉ោយប៉ែត ដើម្បីគេចវេសពីការឃុំខ្លួនរបស់តុលាការ ។ លោក អធិការដដែលបានឲ្យដឹងបន្តទៀតថា៖បន្ទាប់ពីបានចាប់ខ្លួន ឈ្មោះ ឡុង ប៊ុនថនហៅ សុខ ឈាង រួចមកយើងដកហូតបានភស្តុ័តាងរួមមាន៖ អាវុធធុនខ្លីមួយដើម គ្រាប់ចំនួន០៧គ្រាប់ទូរសព្ទ័ដៃចំនួន០២គ្រឿងនៅថ្ងៃទី២២ខែវិច្ឆិកាឆ្នាំ២០១៣នេះលោកនឹងប្រគល់ខ្លួនជនដែលបានប្រព្រឹត្តហែកគុករត់ខាងលើរួមនិងវត្ថុតាង ឲ្យទៅសមត្ថកិច្ចនគរបាល ខេត្តកំពង់ចាមដើម្បីចាត់ការបន្តទៅតាមនីតិវិធិនៃច្បាប់ ។
សូមបញ្ជាក់ផងដែរថា៖ នៅទឹកដីជាយដែនខ្មែរថៃនេះ ជនខិលខូចភាគច្រើនដែលបានរត់គេចពីការឃុំខ្លួន ហើយមកតាំងលំនៅដ្ឋាននៅទីនេះគឺបានអស់លក្ខណ័ជាច្រើនមកហើយ ជាក់ស្តែងជើងខ្លាំងហែកគុក ឈ្មោះ ឡុង ប៊ុន ថនហៅសុខឈាង នេះជាដើម គឺត្រូវបានសមត្ថកិច្ចក្រុងប៉ោយប៉ែតតាមប្រម៉ាញ់រហូតដល់ទីបញ្ចប់ចាប់បាននៅខេត្តបាត់ដំបង ។
______________________
ប្រភពព័ត៌មានពី៖ វាលឥន្ទ្រី
ប្រភពព័ត៌មានពី៖ វាលឥន្ទ្រី
