និស្សិតប្រេស៊ីលប្រកាសលក់ព្រហ្មចារីម្ដងទៀតក្នុងតម្លៃ១,៥លានដុល្លារ!
និស្សិតស្រីប្រេស៊ីលម្នាក់ដែលបានធ្វើឲ្យកក្រើកបណ្ដាញផ្សព្វផ្សាយនៅទូទាំងពិភពលោកតាមរយៈការលក់ដេញថ្លៃព្រហ្មចារី របស់ខ្លួនកាលពីឆ្នាំ២០១២ កន្លងទៅ នៅពេលនេះនាងបានប្រកាសលក់ព្រហ្មចារីរបស់នាងជាថ្មីម្ដងទៀត។ ការប្រកាសនេះបានធ្វើឡើងបន្ទាប់ពីនាងអះអាងថា នាងនៅមានភាពបរិសុទ្ធនៅឡើយ។នាងCatarina Migliorini បានប្រកាសលក់ដេញថ្លៃព្រហ្មចារីជាសាធារណជាលើកទី២នៅលើ គេហទំព័រផ្ទាល់ខ្លួនដែលមានឈ្មោះថាVirginsWanted2.com ពោលគឺរយៈពេល១ឆ្នាំបន្ទាប់ពីនាងត្រូវបានដេញថ្លៃដោយជោគជ័យ ដោយសេដ្ឋីជប៉ុនម្នាក់ក្នុងតម្លៃ៧៨ម៉ឺនដុល្លារអាមេរិក កាលពីខែតុលាឆ្នាំ២០១២។
ជុំវិញហេតុផលនៃការប្រកាសលក់ព្រហ្មចារីជាលើកទី២ និស្សិតស្រីខាងលើបានបញ្ជាក់ថា សេដ្ឋីជប៉ុនដែលគេស្គាល់ឈ្មោះថា Natsu មិនគោរពទៅតាមកិច្ចសន្យាលើការដេញថ្លៃកាលពីឆ្នាំ២០១២នោះ ឡើយ ពោលគឺនាងត្រូវបានផ្ដល់ប្រាក់ត្រឹមតែ១០ម៉ឺនដុល្លារតែប៉ុណ្ណោះ។ ដូច្នេះ វាគ្មានហេតុផលណាមួយដែលនាងត្រូវសម្រេចចិត្តលក់ព្រហ្មចារី ក្នុងតម្លៃដ៏ថោកនេះបានទេ ហើយថានេះគឺគ្រាន់តែជាការបោកប្រាស់មួយ ដែលធ្វើឲ្យនាងក្លាយជាជនរងគ្រោះនៅក្នុងករណីនេះ។
តាមការអះអាងរបស់នាង នេះអាចបញ្ជាក់ថា នាងនៅមានភាពបរិសុទ្ធនៅឡើយ ហើយការប្រកាសលក់ដេញថ្លៃនៅពេលនេះមានតម្លៃថ្លៃជាងលើកមុន គឺមានតម្លៃរហូតដល់១,៥លានដុល្លារអាមេរិកឯណោះ។ ទោះបីជាយ៉ាងណាក៏ដោយ មកទល់នឹងពេលនេះ គេមិនទាន់ដឹងនៅឡើយទេថា តើមានបុរសប៉ុន្មាននាក់ហ៊ានទិញព្រហ្មចារីរបស់នាង?
នាងMigliorini បានក្លាយជាផ្ទាំងស៊ីបរបស់បណ្ដាញសារព័ត៌មាននានានៅលើពិភពលោកលើ ការប្រកាសលក់ព្រហ្មចារីរបស់នាងកាលពីឆ្នាំ២០១២។ ការប្រកាសនេះបានធ្វើឲ្យនាងក្លាយទៅជាតារាល្បីម្នាក់រហូតត្រូវ បានជាប់ឈ្មោះនៅលើក្របទស្សនាវដ្ដីPlayboy ទៀតផង៕
ប្រភព៖ news.sabay.com.kh
