ក្មេងប្រុសម្នាក់ត្រូវ អ្នកបើកបរស្ទាវ បើកបុកហើយ កិនធ្លាយខូរស្លាប់
ខេត្ដកំពង់ចាម ៖ ក្មេងប្រុសអាយុ៥ឆ្នាំ ម្នាក់បានស្លាប់ភ្លាមៗយ៉ាងអាណោច អាធ័ម ដោយសាររថយន្ដបុកហើយកិន ក្បាលបែកធ្លាយខួរ នៅលើចិញ្ចើមផ្លូវ ជាតិលេខ៧ ហើយអ្នកបើកបររថយន្ដដែល មានចរិកក្មេងស្ទាវមិនបានឈប់រថយន្ដ ទទួលខុសត្រូវនោះទេ ថែមទាំងបន្ថែម ល្បឿនបើករត់ ប៉ុន្ដែត្រូវបាននគរបាល ប៉ុស្ដិ៍និងនគរបាលយាមស្ពានគីហ្ស៊ូណា ស្ទាប់ចាប់ខ្លួនបាន ។
ហេតុការណ៍នេះកើតឡើងនៅវេលា ម៉ោង៤និង១០នាទីរសៀល ថ្ងៃទី២៥ ខែ កញ្ញា ឆ្នាំ២០១៣ នៅលើកំណាត់ផ្លូវជាតិ លេខ៧ ត្រង់ចំណុចមុខវត្ដទន្លេបិទ ឋិត ក្នុងភូមិយាយស ឃុំទន្លេបិទ ស្រុកត្បូងឃ្មុំ។
មេប៉ុស្ដិ៍ទន្លេបិទ លោក ស៊ាង ហ៊ី បាន ឱ្យដឹងថា ក្មេងប្រុសរងគ្រោះមានឈ្មោះ ហ៊ាន សុវណ្ណារ៉ា អាយុ៥ឆ្នាំ រស់នៅកន្លែង កើតហេតុ មានម្ដាយឈ្មោះ យន ចន្នា អាយុ ៣០ឆ្នាំ នៅថ្ងៃកើតហេតុគាត់មិនបាននៅ ផ្ទះទេ រវល់ស៊ីឈ្នួលធ្វើចម្ការនៅខេត្ដ រតនគិរី ដោយទុកកូននៅជាមួយជីដូន ។
លោកបន្ដថា ជនបង្កមានឈ្មោះ អឿន សុខឡុង ភេទប្រុស អាយុ២៤ឆ្នាំ រស់នៅ ភូមិខ្លយ ឃុំមាន ស្រុកព្រៃឈរ ។ ជនបង្ក បើករថយន្ដម៉ាកសាំយ៉ុង ពណ៌លឿង ពាក់ ស្លាកលេខភ្នំពេញ 2X-3064 ។ មុនពេល កើតហេតុ រថយន្ដបង្កបើកក្នុងទិសដៅ ពីកើតទៅលិច ក្នុងល្បឿនលឿន លុះមក ដល់ចំណុចកើតហេតុបានរេចង្កូតកៀរ ជនរងគ្រោះដួលលើចិញ្ចើមផ្លូវ ហើយក៏ កិនបន្ថែមទៀតបណ្ដាលឱ្យបែកក្បាល ធ្លាយខួរស្លាប់ភ្លាមៗនៅកន្លែងកើត ហេតុ ហើយរថយន្ដមិនបានឈប់ទេ ដោយព្យាយាមបើករត់គេច ។
លោកបន្ដទៀតថា ពេលនោះលោក នៅជិតកន្លែងកើតហេតុ បន្ទាប់ពីឃើញ ហេតុការណ៍ក៏បានដេញតាមស្ទាក់ចាប់ និងទាក់ទងទៅនគរបាលគោលដៅស្ពាន ដើម្បីស្ទាក់រថយន្ដខាងលើ ពេលចាប់បាន អ្នកបើកបរព្យាយាមប្រកែកដោះសាថា គេមិនមែនជាអ្នកបើកបរទេ គេគឺជាព្រូ រថយន្ដប៉ុណ្ណោះ ទន្ទឹមនឹងមានសាក្សីជា ច្រើនបានឃើញ និងស្វាគមន៍ម្នាក់មួយ ដៃមួយជើងទៅហើយនោះ បន្ទាប់មកក៏ បានបញ្ជូនទាំងរថយន្ដនិងជនបង្កទៅ អធិការដ្ឋាននគរបាលដើម្បីចាត់ការបន្ដ។
ចំណែកអាណាព្យាបាល ក៏ដូចជាអ្នក ដែលបានឃើញ និងដឹងហេតុការណ៍នេះ បានសំណូមពរធ្វើយ៉ាងណា សមត្ថកិច្ច ជំនាញកុំឱ្យអ្នកបើកបររថយន្ដក្លាយជា ព្រូរថយន្ដឱ្យសោះ ៕
___________________
ប្រភពពីនគរវត្ត
Read more: http://www.cambodiapage.info/?p=16712#ixzz2fyB0FHMJ
