ស្រវឹងចូលផ្ទះខឹង ប្រពន្ធនិយាយច្រំដែល វាយនិងកាប់មួយពូថៅរបួសធ្ងន់
ខេត្ដបាត់ដំបង ៖ បុរសម្នាក់ជា កម្មករសំណង់ត្រូវសមត្ថកិច្ចនគរបាល ស្រុកឯកភ្នំឃាត់ខ្លួនភ្លាមៗបន្ទាប់ពី ស្រវឹងស្រាមកដល់ផ្ទះស្រែកឡូឡាហើយពេលប្រពន្ធស្ដីបន្ទោសខ្លាចខ្មាសអ្នកស្រុក ឯប្ដីខឹងនិយាយច្រំដែលក៏រករឿង វាយប្រពន្ធច៤ខ្នងពូថៅនិងកាប់មួយពូ ថៅចំកណ្ដាលខ្នងបណ្ដាលឱ្យរបួសធ្ងន់ បន្ទាប់មកជនរងគ្រោះឱបបីកូនតូចរត់ ចេញពីផ្ទះរកអ្នកស្រុកជួយ ។ រីឯបុរស សង្ស័យត្រូវសមត្ថកិច្ចនគរបាលការិយា ល័យព្រហ្មទណ្ឌកម្រិតស្រាលបញ្ជូនទៅ កាន់តុលាការនាពេលព្រឹកថ្ងៃទី២៧ ខែ កញ្ញា ឆ្នាំ២០១៣ចាត់ការតាមនីតិវិធី ។
ហេតុការណ៍នេះកើតឡើងកាលពី វេលាម៉ោ៨និង៤០នាទីយប់ថ្ងៃទី២៥ ខែកញ្ញា ឆ្នាំ២០១៣ នៅចំណុចសំបុក ចាបស្ថិតក្នុងក្រុមទី៨ ភូមិព្រែកតា ច្រែង ឃុំព្រែកនរិន្ទ ស្រុកឯកភ្នំ ខេតបាត់ដំបង ។
លោក សម សុផុន នាយរងផ្នែក ព្រហ្មទណ្ឌកម្រិតស្រាលបានឱ្យដឹងថា បុរសសង្ស័យដែលត្រូវសមត្ថកិច្ចឃាត់ខ្លួនមានឈ្មោះ ញឹម សុខន អាយុ២៨ឆ្នាំ របរកម្មករសំណង់ជាប្ដីជនរងគ្រោះ ។ វត្ថុតាងដែលដកហូតបានពូថៅដងឈើចំនួន១ ។ ចំណែកជនរងគ្រោះមាន ឈ្មោះ ជឹម សុខឡី ភេទស្រី អាយុ២៥ឆ្នាំ ជាប្រពន្ធអ្នកទាំង២នាក់មានទីលំនៅក្នុងភូមិកើតហេតុ ។
ឈ្មោះ ជឹម សុខឡី ជនរងគ្រោះបាន ប្រាប់សមត្ថកិច្ចថាម៉ោងប្រហែល៨យប់ថ្ងៃទី២៥ ខែកញ្ញា ឆ្នាំ២០១៣ ពេល ប្ដីត្រឡប់ពីធ្វើសំណង់វិញមានអាការ ស្រវឹងស្រា ។ ពេលដល់ផ្ទះភ្លាមស្រែក ឡូឡាហើយនាងបានស្ដីបន្ទោសកុំឱ្យ ឡូឡានាំឱ្យខ្មាសអ្នកស្រុក ។ ពេលនោះ ប្ដីខឹងក៏ទាញពូថៅដងឈើវាយក្បាលនាង១ខ្នងពូថៅហើយគំរាមមិនឱ្យស្រែក ពេលនោះនាងឈឺយំហើយកូនតូចអាយុ១ឆ្នាំក៏គេយំខ្លាំងដែរ ។ ភ្លាមនោះប្ដីក៏ វាយក្បាលខ្លួនចំនួន៣ខ្នងពូថៅទៀត ហើយសំឡុតឱ្យលួងកូនឱ្យឈប់យំដោយ កូនមិនបាត់យំប្ដីក៏បានកាប់នាងចំ កណ្ដាលខ្នង១ពូថៅថែមទៀតរួចគាត់ទៅមុជទឹកបាត់ ។ ឆ្លៀតឱកាសល្អនាងបានបី កូនទាំងឈឺចាប់ស្ទើររកកលដាច់ដង្ហើមចុះពីផ្ទះបានប៉ះនឹងពូថៅមុតចំជង្គង់ខាង ឆ្វេងមួយកន្លែងទៀតហើយរត់រកអ្នក ស្រុកជួយតែម្ដង ។
បុរសសង្ស័យឈ្មោះ ញឹម សុខន បាន សារភាពថា នៅម៉ោង៥ល្ងាចថ្ងៃទី២៥ ខែកញ្ញា ឆ្នាំ២០១៣ ចប់ការងារនៅភូមិ សួរអី ឃុំពាមឯក ស្រុកឯកភ្នំ គេបាន ទិញស្រាស២.៥លីត្រផឹកជុំមិត្ដភ័ក្ដិ ។ ពេលផឹករួចម៉ោង៦និង៣០នាទីគេក៏ បែកផ្លូវគ្នាទៅផ្ទះ ។ ពេលទៅដល់ផ្ទះ ប្រពន្ធស្ដីបន្ទោសរករឿងហើយនិយាយ ពាក្យច្រំដែលច្រើនដងពេកគេខឹងបាន ទាញពូថៅវាយក្បាលនាង១ខ្នងពូថៅ ហើយសំឡុតមិនឱ្យស្រែកតែនាងនៅតែស្រែកក៏យកពូថៅវាយក្បាលថែម២-៣ ខ្នងពូថៅទៀត ។ បន្ទាប់មកក៏កាប់នាងចំ ខ្នង១ពូថៅទៀតទើបនាងបីកូនទៅផ្ទះអ្នក ជិតខាងបាត់តែម្ដង ។
លោកសម សុផុន នាយរងផ្នែកព្រហ្ម ទណ្ឌកម្រិតស្រាលបានបញ្ជាក់ថា បុរស សង្ស័យឈ្មោះ ញឹម សុខន និងវត្ថុតាង ពូថៅដងឈើ១ត្រូវសមត្ថកិច្ចនគរបាល ការិយាល័យព្រហ្មទណ្ឌកម្រិតស្រាល កសាងសំណុំរឿងបញ្ជូនពីបទហិង្សាមាន អាវុធទៅកាន់តុលាកានាពេលព្រឹកថ្ងៃទី២៧ ខែកញ្ញា ឆ្នាំ២០១៣ ចាត់ការតាមនិតិវិធី ៕
___________________-
ប្រភពពីវត្តភ្នំ
