ខឹងដៃគូនិយាយរឿង ជំពាក់ប្រាក់នៅកន្លែង ផឹកស៊ីកាប់របួសធ្ងន់
ខេត្ដបាត់ដំបង ៖ បុរសម្នាក់បានឈ្លោះវាយតប់គ្នា ព្រោះនិយាយរឿងជំពាក់ប្រាក់ក្នុងវង់ស៊ីផឹកស៊ីកស្ទុះចូលក្នុង ផ្ទះយកកាំបិតកាប់ដៃគូតាមផ្លូវបណ្ដាល ឱ្យរងរបួសធ្ងន់ ហើយជនរងគ្រោះត្រូវ អ្នកភូមិដឹកទៅកាន់មន្ទីរពេទ្យ ។ ចំណែក ជនសង្ស័យប្រជាពលរដ្ឋចាប់ប្រគល់ឱ្យសមត្ថកិច្ចកសាងសំណុំរឿងបញ្ជូនទៅស្នង ការដ្ឋានគរបាលខេត្ដនៅព្រឹកថ្ងៃទី២០ខែ កញ្ញា ឆ្នាំ២០១៣ ដើម្បីចាត់ការតាម ច្បាប់ ។
ហេតុការណ៍កាប់ចាក់គ្នានេះកើតឡើង កាលពីយប់ថ្ងៃទី១៨ខែកញ្ញាឆ្នាំ២០១៣ នៅចំណុចភូមិតាខោ ឃុំព្រះផុស ស្រុក គាស់ក្រឡ ខេត្ដបាត់ដំបង ។
លោកស៊ិន ថឹក អធិការងស្រុកគាស់ ក្រឡបានឱ្យដឹងថា បុរសរងគ្រោះឈ្មោះ សងសល់ អាយុ៣៣ ឆ្នាំរងរបួសជា ច្រើនកាំបិតកំពុងសម្រាកព្យាបាលនៅ មន្ទីរពេទ្យបង្អែកស្រុកមោងឫស្សី។ ចំណែកបុរសដៃដល់ឈ្មោះ ជា ម៉ន អាយុ២៨ឆ្នាំរស់នៅភូមិឃុំកើតហេតុជាមួយគ្នា ។
លោកស៊ិន ថឹក អធិការងស្រុកគាស់ ក្រឡបានឱ្យដឹងថា បុរសរងគ្រោះឈ្មោះ សងសល់ អាយុ៣៣ ឆ្នាំរងរបួសជា ច្រើនកាំបិតកំពុងសម្រាកព្យាបាលនៅ មន្ទីរពេទ្យបង្អែកស្រុកមោងឫស្សី។ ចំណែកបុរសដៃដល់ឈ្មោះ ជា ម៉ន អាយុ២៨ឆ្នាំរស់នៅភូមិឃុំកើតហេតុជាមួយគ្នា ។
សាក្សីដែលចូលរួមផឹកស៊ីជាមួយគ្នាបានប្រាប់សមត្ថកិច្ចថា មុនពេលកើត ហេតុពួកគេមានគ្នា៤នាក់នាំគ្នាផឹក ស្រាថ្នាពីតូបមួយទៅតូបមួយនៅក្នុងភូមិ តាំងពីក្បាលល្ងាចដល់ម៉ោងជាង៨យប់ ថ្ងៃទី១៨ខែកញ្ញា ឆ្នាំ២០១៣ដោយម្នាក់ៗ ស្រវឹងដាប ។ ពេលនោះឈ្មោះសង សល់ (ជនរងគ្រោះ)បាននិយាយពីរឿងឈ្មោះ ជា ម៉នជនដៃដល់ជំពាក់ប្រាក់មិនព្រម សងកាដែលនិយាយបែបនេះបណ្ដាលឱ្យកើតរឿងឈ្លោះប្រកែកគ្នាយ៉ាងតឹងសរសៃក ហើយឈានដល់ការវាយតប់គ្នាទៀតផង ប៉ុន្ដែត្រូវបានមិត្ដភក្ដិគេឃាត់បំបែកចេញ ពីគ្នា ។ បន្ទាប់មកជនរងគ្រោះដើរទៅជិត ដល់ផ្ទះរបស់គេហើយនោះ ស្រាប់តែ ជនសង្ស័យបានស្ទុះទៅយកកាំបិតខ្វែវ ចេញពីផ្ទះកាប់ទៅលើជនរងគ្រោះជា ច្រើនកាំបិតបណ្ដាលឱ្យរបួសធ្ងន់តែម្ដង។ ជនរងគ្រោះត្រូវក្រុមគ្រួសារនិងអ្នក ភូមិដឹកទៅសង្គ្រោះនៅឯមន្ទីរពេទ្យ ខណៈ ជនដៃដល់ត្រូវអ្នកភូមិចាប់ប្រគល់ឱ្យ សមត្ថកិច្ចចាត់ការតាមច្បាប់ ។
ជនសង្ស័យឈ្មោះជា ម៉នបានឆ្លើយ ថា គេព្រោះតែខឹងជនរងគ្រោះឈ្មោះ សងសល់និយាយដើមរឿងជំពាក់ប្រាក់ នៅចំពោះមុខមិត្ដភក្ដិកំពុងផឹកស៊ីនិងធ្វើឱ្យខ្មាសគេផងនិងស្រវឹងស្រាខ្លាំងផង ទប់កំហឹងមិនបានផងគេក៏យកកាំបិតកាប់ ជនរងគ្រោះតែម្ដងទៅ ។
លោកស៊ិន ថឹក អធិការងស្រុកគាស់ ក្រឡបានបញ្ជាក់ថា បុរសសង្ស័យឈ្មោះ ជា ម៉ន នគរបាលស្រុកគាស់ក្រឡបាន កសាងសំណុំរឿងបញ្ជូនទៅស្នងការដ្ឋាននគរបាលខេត្ដនៅព្រឹកថ្ងៃទី២០ខែកញ្ញា ឆ្នាំ២០១៣ដើម្បីចាត់ការតាមច្បាប ៕
_______________________
ប្រភពពីនគរវត្ត
