ខឹងម្តាយស្តីបន្ទោស បន្តិចបន្តួចចងកសម្លាប់ខ្លួន
ខេត្តកំពង់ឆ្នាំង: យុវជនម្នាក់បានសម្រេចចិត្តធ្វើអត្តឃាត ដោយយកក្រមាចងកសម្លាប់ខ្លួន នឹងធ្នឹមផ្ទះដោយគ្រាន់តែម្តាយស្តីបន្ទោស បន្តិចបន្តួច រឿងដើរផឹកស៊ី មិនជួយធ្វើការងារ។ ករណីនេះ បានកើតឡើង កាលពីវេលាម៉ោងជាង៤រសៀល ថ្ងៃទី២៦ ខែកញ្ញា ឆ្នាំ២០១៣ នៅក្នុងភូមិត្រពាំង ឃុំត្រពាំងចាន់ ស្រុកបរិបូរណ៌ ខេត្តកំពង់ឆ្នាំង។
អត្តឃាតជននេះ មានឈ្មោះអ៊ុន សំអុល អាយុ៣០ឆ្នាំ មានទីលំនៅក្នុងភូមិឃុំកើតហេតុខាងលើ។
សមត្ថកិច្ចមូលដ្ឋាន បានអោយដឹងថា នៅក្នុងរយៈពេលប៉ុន្មានថ្ងៃនេះ ឈ្មោះអ៊ុន សំអុល បានដើរផឹកស៊ីជាប់រហូត មិនបានជួយធ្វើការ ឪពុកម្តាយទេ ហើយនៅក្នុងថ្ងៃកើតហេតុ ម្តាយបានស្តីបន្ទោសបន្តិចបន្តួច ក្នុងបំណងអប់រំកូនអោយល្អ ប៉ុន្តែកូនប្រុស បែរជាមានចិត្តខឹងចងក សម្លាប់ខ្លួនតែម្តង។
គេមិនបានដឹងថា អត្តឃាតជននេះ ចងកសម្លាប់ខ្លួន តាំងពីពេលណាមកទេ ប៉ុន្តែមានប្អូនស្រីម្នាក់ បានប្រទះឃើញសពមុនគេ នៅវេលាម៉ោងជាង ៤ រសៀល ទើបមានការផ្អើលឆោឡោតែម្តង៕
Read more: http://www.cambodiapage.info/?p=16872#ixzz2g4GynvW1
