បើករថយន្តលឿនពេក បត់មិនទាន់ជ្រុល ទៅបុកកន្លែងប៉ះកង់ របួសធ្ងន់ម្នាក់
ភ្នំពេញ: បុរសម្នាក់បើករថយន្តហ្វរ៉េន័រលឿនដូចហោះបត់ស្តាំមិនទាន់ជ្រុលចង្កូតបុករះកន្លែងប៉ះកង់អូសម៉ូតូសង់ផ្ទប់ជាប់រងបង វិទ្យាស្ថាន អេសធីខ្លេម៉ិនស៍ រងរបួសបុរសម្នាក់។
ហេតុការណ៍នេះកើតឡើងកាលពីវេលាម៉ោងជិត១១យប់ ថ្ងៃទី២៩ ខែកញ្ញា ឆ្នាំ២០១៣ នៅចំណុចខាងមុខវិទ្យាស្ថានអេសធីខ្លេម៉ិនស៍ មានទីតាំងលេខ១០២ ផ្លូវលេខ៥៩៨ សង្កាត់បឹងកក់ទី២ ខណ្ឌទួលគោក។
បើតាមសម្តីអ្នកប៉ះកង់ឈ្មោះ ឈិន រិទ្ធា អាយុ៣០ឆ្នាំ ស្នាក់នៅផ្ទះលេខ១៦១ ភូមិទំនប់ សង្កាត់ភ្នំពេញថ្មី ខណ្ឌសែនសុខ បានប្រាប់ថា មុនកើតហេតុគាត់កំពុងប៉ះកង់ម៉ូតូ ហើយស្រាប់តែមានរថយន្តហ្វរ៉េន័រ បើកតាមផ្លូវលេខ១៩៨៦ ក្នុងទិសដៅពីកើតទៅលិចយ៉ាងលឿន ខណៈមកដល់កន្លែងកើតហេតុរថយន្តបានបត់ស្តាំដោយយកចង្កូតមិនទាន់ ក៏ជ្រុលបុកកន្លែងប៉ះកង់ អូសម៉ូតូសង់គៀបជាប់របងវិទ្យាស្ថាន បណ្តាលឲ្យអ្នករថយន្តរងរបួសធ្ងន់ដឹកទៅសង្គ្រោះនៅគ្លីនិកឃឹមរ៉ានី។
រីឯរថយន្តផ្ទុះពោងការពារសុវត្ថិភាពទាំង២ និងខូចខាតរថយន្តផ្នែកខាងមុខធ្លាក់កង់សារគួរខាងក្រោយ៕
Read more: http://www.cambodiapage.info/?p=17128#ixzz2gFZBYA3J
