សមត្ថកិច្ច រារាំងប្រជាពលរដ្ឋ ដែលយកស្នាមមេ ដៃថ្វាយព្រះមហាក្សត្រ
សមត្ថកិច្ច ដែលការពារសន្តិសុខនៅក្បែរព្រះបរមរាជវាំង បានដាក់របាំងបិទផ្លូវនៅជិតតុលាការកំពូល ដើម្បីរារាំងប្រជាពលរដ្ឋដែលមានគម្រោងយកស្នាមមេដៃពលរដ្ឋ ជាង២៦ម៉ឺននាក់ ថ្វាយព្រះមហាក្សត្រនៅព្រឹកថ្ងៃសៅរ៍នេះ។
ពលរដ្ឋទូលញត្តិ រង់ចាំថ្វាយព្រះមហាក្សត្រនៅមុខវាលព្រះមេរុ (រូបថត សេង ម៉ូលីនី)
ប្រជាពលរដ្ឋ ប្រមាណ ២០០ ទៅ៣០០នាក់បានយកស្នាមមេដៃ ជាង២៦ម៉ឺន ដាក់ថ្វាយព្រះមហាក្សត្រ ដើម្បីសុំឲ្យព្រះអង្គពន្យារពេលប្រជុំសភាលើកដំបូង ដោយរង់ចាំការដោះស្រាយភាពមិនប្រក្រតីនៅពេលបោះឆ្នោតជាមុនសិន។ តែដំណើររបស់ប្រជាពលរដ្ឋនៅម៉ោងប្រមាណ១០ និង ៣០នាទីព្រឹកនេះ ត្រូវសមត្ថកិច្ចរារាំង។
នៅព្រឹកនេះ សមត្ថកិច្ចចាប់ផ្តើមដាក់របាំងបន្លាសួល នៅតំបន់ក្បែរព្រះបរមរាជវាំង ខណៈក្រុមអ្នកស្រលាញ់សន្តិភាពគ្រោងទៅបូងសួងនៅព្រះអង្គដងកើក្បែរវាំង ចំណែកប្រជាពលរដ្ឋរាប់រយនាក់យកស្នាមមេដៃទៅថ្វាយព្រះមហាក្សត្រ៕ប្រភព ពី វីអូឌី
