តាមទាន់សង្សារ ឌុបស្រីផ្សេងឈ្លោះ គ្នាបែកផ្សែងរត់ទៅ លេបថ្នាំបញ្ចប់ជីវិត
រាជធានីភ្នំពញ ៖ ស្ត្រីវ័យក្មេងម្នាក់ បានប្រទះឃើញ សង្សាររបស់ខ្លួន ឌុបស្រីផ្សេង ក៏កើតជារឿងជម្លោះ ប្រកែកប្រណាំងគ្នា តាមរបៀបតាមទាន់ជាន់កែង ហើយសង្សារ បានទូរស័ព្ទសុំបែកគ្នា ធ្វើឲ្យនាងរងនូវក្តីអាម៉ាស់ ក៏បានសម្រេចចិត្ត លេបថ្នាំសម្លាប់ខ្លួន ដើម្បីបញ្ចប់ការឈឺចាប់ ប៉ុន្តែត្រូវសាច់ញាតិ ជួយសង្គ្រោះ បានទាន់ពេលវេលា ។
ស្ត្រីរងគ្រោះដែលគិតខ្លី មានឈ្មោះ សុ ភាក្ដី អាយុ ២៧ ឆ្នាំ រស់នៅភូមិព្រៃសាឡាង សង្កាត់កាកាប ខណ្ឌពោធិ៍សែនជ័យ រាជធានីភ្នំពេញ មានមុខរបរជា អ្នកអនាម័យនៅក្រុមហ៊ុនមួយ។ បើតាមការរៀបរាប់ របស់ប្អូនស្រីជនរងគ្រោះ បានឲ្យដឹងថា មុនពេលកើតហេតុ បងស្រីរបស់ខ្លួនបានយកថ្នាំ ប្រហែល ២៥ គ្រាប់មកលេបដើម្បីសម្លាប់ខ្លួន។ ក្នុងស្ថានភាពពិបាកទ្រាំដោយសារថ្នាំធ្វើទុក្ខ ស្ត្រីរងគ្រោះបានទូរស័ព្ទ ទៅប្អូនស្រី ។
នៅពេលប្អូនស្រី ទទួលបានដំណឹងនេះ បានប្រញាប់មកមើល ស្រាប់តែឃើញស្ត្រីរងគ្រោះ ដេកបែកពពុះមាត់ នាងក៍បានបញ្ជូនបងស្រី ទៅកាន់មន្ទីពេទ្យព្រះកុសុមៈ ដើម្បីជួយសង្គ្រោះ។ ពេលនោះស្ត្រីរងគ្រោះបានដឹងខ្លួន ហើយនិយាយរៀបរាប់ថា៖ នាងបានឃើញសង្សារ ឌុបស្រីផ្សេង ក៏កើតជារឿងទំនាស់ ហើយបុរសជាសង្សាបានទូរស័ព្ទមកសុំបែក ពេលនោះនាងតូចចិត្ត និងខ្មាស់គេជាខ្លាំង ក៍៏សម្រេចចិត្តលេបថ្នាំសម្លាប់ខ្លួន។ គ្រូពេទ្យបាននិយាយថា នេះសំណាងហើយ ដែលស្ត្រីរងគ្រោះ ត្រូវបានបញ្ជូនមកកាន់មន្ទីរពេទ្យទាន់ពេលវេលា កុំអីពិបាកសង្គ្រោះណាស់៕
___________________
ប្រភពពីវត្តភ្នំ
