នាង Shin Se Ha បង្អួតសម្រស់ថ្មី មានភាព ទាក់ទាញ ច្រើនបំផុត តាមប្រព័ន្ធអនឡាញ
កូរ៉េខាងត្បូង ៖ តាមប្រភពព័ត៌មាន ពីគេហទំព័រកម្សាន្ត កាលពីថ្ងៃទី១៨ ខែសីហា ឆ្នាំ ២០១៣ កន្លងទៅ បានចុះផ្សាយថា នាង Shin Se Ha ជាតារាម៉ូដែលកូរ៉េខាងត្បូង បានធ្វើឲ្យមានភាពភ្ញាក់ផ្អើល យ៉ាងខ្លាំងដល់ទស្សនិកជន ជាមួយរូបភាព បង្អួតសម្រស់ថ្មី របស់នាងក្នុងកម្មវិធី ប្រណាំងរថយន្ត និងរូបភាព ក្នុងស្ទូឌីយោ។
ចាប់តាំងពីដើមឆ្នាំនេះ នាង Shin Se Ha បានចូលរួមក្នុងព្រឹត្តិការណ៍ ប្រណាំងរថយន្ត កម្មវិធី auto shows និងពិធីតាំងពិព័រណ៌ ដោយទទួលបាននូវការចាប់អារម្មណ៍ និងពេញនិយមពីអតិថិជន ដែលមកចូលរួមក្នុងការតាំងពិព័រណ៌។រូបភាពរបស់នាង Shin Se Ha ដែលគេហទំព័រកម្សាន្ត យកមកចុះផ្សាយនេះ គឺជារូបភាពទាក់ទាញ ប្រជាប្រិយភាពច្រើនបំផុត តាមប្រព័ន្ធអនឡាញ។
នាង Shin Se Ha តារាម៉ូដែលវ័យក្មេង សាច់សខ្ចីរូបនេះ កើតនៅថ្ងៃទី ២០ ខែមករា ឆ្នាំ ១៩៩០ ក្នុងទីក្រុងសេអ៊ូល ប្រទេសកូរ៉េខាងត្បូង មានកម្ពស់១.៧២ ម៉ែត្រ និងទម្ងន់ ៥០ គ.ក្រ៕
