Omate ប្រកាសចេញ នាឡិកាទំនើបពិត TrueSmart ដែលមិនពឹង លើទូរស័ព្ទ
ក្រុមហ៊ុន Omate ទើបតែប្រកាសចេញនូវនាឡិកាទំនើបថ្មីដែលត្រូវបានពួកគេដាក់ឈ្មោះថា TrueSmart និងត្រូវបានរចនាឡើងជាមួយនឹងលក្ខណសម្បត្តិពិសេសដែលមិនចាំបាច់រំពឹងទៅលើទូរស័ព្ទទំនើបដើម្បីដំណើរការ មានន័យថា TrueSmart ពិតជាសាកសមជានាឡិកាទំនើបពិតៗដែលគេកំពុងត្រូវការ ឬយើងអាចនិយាយម្យ៉ាងទៀតថា ជាទូរស័ព្ទទំនើបសម្រាប់ពាក់នៅលើដៃ ។
លក្ខណសម្បត្តិបែបបច្ចេកទេសរបស់ TrueSmart ៖
- អេក្រង់ពណ៌ធម្មជាតិទំហំ 1.5-inch
- កម្រិតភាពច្បាស់ 240x240pixels
- កាមេរ៉ា 5MP
- CPU dual-core 1.3GHz MediaTek
- RAM 512GB
- អង្គផ្ទុកទិន្នន័យជាប់ម៉ាស៊ីន 4GB អាចបន្ថែម microSD card 32GB
- ប្រើ microSIM ដែលអាចដំណើរការជាមួយ 2G/3G ដោយខ្លួនឯង
- បំពាក់ដោយ Wi-Fi, Bluetooth និង GPS
- ប្រព័ន្ធប្រតិបត្តិការ Android 4.2.2 Jelly Bean
ក្រៅពីនេះ TrueSmart ត្រូវបានបំពាក់ដោយបច្ចេកវិទ្យាស្តង់ដារ IP67 waterproof និង dustproof ដែលធ្វើឲ្យនាឡិកាទំនើបមួយនេះ មិនជ្រាបទឹក និងធូលីផងដែរ ។ យ៉ាងណាមិញចំពោះតម្លៃរបស់ Omate TrueSmart មិនមានប្រភពណាមួយបានដឹងនៅឡើយទេ ហើយបើយោងទៅលើលក្ខណសម្បត្តិរបស់នាឡិកាទំនើបនេះ គេជឿថា វានឹងមិនមានតម្លៃទាបដូចជានាឡិកាទំនើបផ្សេងៗក្នុងពេលបច្ចុប្បន្នដែលដំណើរការដោយរំពឹងលើទូរស័ព្ទទំនើបនោះទេ ៕
