រាជធានីភ្នំពេញ ៖  សពនារីវ័យក្មេង ២នាក់ ត្រូវបានគេប្រទះឃើញ មានសភាពហើមស្អុយនៅ ក្នុងព្រៃក្បែរអតីតបន្ទាយ ញឹក ប៊ុនឆៃ បង្កការភ្ញាក់ផ្អើល កាលពីវេលាម៉ោង៧ និង ៥៥នាទីព្រឹក ថ្ងៃទី២៤ កក្កដា ២០១៣ នៅភូមិក្រាំងអង្ក្រង សង្កាត់ក្រាំងធ្នង់ ខណ្ឌពោធិ៍សែនជ័យ ។

នារីទាំង២នាក់ ត្រូវបានគេស្គាល់ម្នាក់ឈ្មោះហ៊ុល សំណាង ហៅស្រីលក្ខណ៍ និងម្នាក់ទៀតឈ្មោះវន លក្ខិណា អាយុជិត២០ឆ្នាំ ជាសិស្សសាលាមេតូឌីសកម្ពុជា មានទីលំនៅភូមិជ្រេស សង្កាត់ភ្នំពេញថ្មី ខណ្ឌសែនសុខ ជាមួយគ្នា ។

បើតាមការឱ្យដឹងពីក្រុមគ្រួសារសពឈ្មោះវន លក្ខិណា ថា នារីរងគ្រោះបានបាត់ពីផ្ទះ៣ថ្ងៃមកហើយ ដោយជិះម៉ូតូម៉ាកស្គូពីពណ៌ក្រហម ស៊េរី២០១៣ ពាក់ស្លាកលេខភ្នំពេញ 1BQ-9043 ទៅសាលារៀនខាងលើ ហើយតាំងពីថ្ងៃនោះមកក៏បាត់រហូតមិនឃើញត្រឡប់មកផ្ទះវិញ។