Lady Gaga ចេញមុខ គាំទ្រច្បាប់រៀបការ ភេទដូចគ្នា
ក្នុងពិធីប្រគំតន្ត្រីមួយដើម្បីចូលរួម អបអរសាទរពិធីរៀបការរបស់ក្រុមស្រលាញ់ភេទដូចគ្នានៅទីក្រុងញីវយ៉ក តារាចម្រៀងល្បីល្បាញLady Gaga បាននិយាយយ៉ាងបើកជំហរពីជំហរដ៏មុតមាំរបស់នាងក្នុងការគាំទ្រច្បាប់ថ្មីនេះ។
ក្នុងវេទិកាប្រគំដន្ត្រីនៅពេលនេះតារាចម្រៀងខាងលើបាននិយាយថា ឆ្លងកាត់ជីវិតជាកុមារភាពនាងក៏ធ្លាប់មានអារម្មណ៍ដូចពេលនេះ គឺការផ្ដល់សិទ្ធិ និងក្តីស្រលាញ់ស្មើគ្នាៗ ដោយមិនរើសមុខ។ តែក្តីស្រមៃរបស់នាងនៅពេលនោះ ពិតជាមិនអាចទៅរួចឡើយ។ នាងបានផ្ដល់សុទិដ្ឋិនិយមថា ទោះបីជាយ៉ាងណាក៏ដោយ ពេលវេលាដែលនាងនិងក្រុមមនុស្សស្រលាញ់ភេទដូចគ្នាជាច្រើនទៀតទន្ទឹងរង់ចាំអស់កាលដ៏យូរគឺបានមកដល់ហើយ។
ស្ថិតនៅខាងមុខហ្វូងមនុស្សជាច្រើនរួមទាំងក្រុមមនុស្សស្រលាញ់ភេទដូចគ្នានៅក្នុងពិធីនេះ Gaga ក៏បានសម្ដែងការគោរពស្រលាញ់ និង ថ្លែងអរគុណទៅដល់តុលាការកំពូលរបស់អាមេរិក ដែលបានចេញសេចក្ដីសម្រេចអនុញ្ញាតឲ្យពួកគេមានសិទ្ធិពេញលេញក្នុងការទទួលបានមនុស្សជាទីស្រលាញ់របស់ពួកគេ។
វត្តមាននូវការគាំទ្ររបស់Gaga បានធ្វើឡើង ស្របពេលដែលមានមនុស្សម្នារាប់រយនាក់បាននាំគ្នាចេញមកចូលរួមអបអរសាទរពិធី រៀបអាពាហ៍ពិពាហ៍របស់គូស្នេហ៍ទី១ ដែលបានរៀបចំឡើងជាលើកដំបូងនៅខាងមុខសាលាក្រុង San Francisco រដ្ឋកាលីហ្វ័រញានេះផងដែរ៕
សូមទស្សនាវីដេអូដូខខាងក្រោម!
