វីឌីអូ៖ ស្ត្រីម្នាក់ បង្កជម្លោះ ព្រោះមិនចង់អោយ សន្តិសុខប៉ះពាល់ កាបូបតម្លៃ ២ម៉ឺនដុល្លារ របស់ខ្លួន
នារីវ័យក្មេងម្នាក់ បានបង្កអោយមានការវាយតប់គ្នាមួយ ជាមួយនឹងបុគ្គលិក ជាសន្តិសុខ ស្ថានីយរថភ្លើង ខ្សែ Changping នៃស្ថានីយ៍រថភ្លើងក្រុង ប៉េកាំង។
យោងទៅតាមប្រភពព័ត៌មាន ប៉េកាំង របស់ចិន បានឲ្យដឹងថា ខណៈពេលដែល មាននារីវ័យក្មេងម្នាក់ បានមកដល់ចំនុចត្រួតពិនិត្យនោះ សន្តិសុខបានប្រាប់ដល់នាងថា ត្រូវការត្រួតពិនិត្យកាបូបរបស់នាង តាមរយៈម៉ាស៊ីន X-ray ដើម្បីរកមើលរបស់ខុសច្បាប់។ ប៉ុន្តែនារីរូបនេះ បានធ្វើការបដិសេធ មិនព្រមអោយកាបូប ទៅសន្តិសុខ ពិនិត្យមើលឡើយ ដោយបានប្រើពាក្យខ្លាំងៗ មិនសមរម្យថា កាបូបរបស់នាង មានតម្លៃ ២ម៉ឺនដុល្លារអាមេរិក បើមានបញ្ហាអ្វី តើមានលុយសងទេ បានជាហ៊ានមកចង់ប៉ះពាល់បែបនេះ។ បន្ទាប់មក នាងបានប្រើពាក្យមើលងាយមួយចំនួន ទៅលើបុគ្គលិក ដែលមានជីវភាពក្រីក្រី ទាំងនោះ ដោយមានបុរសម្នាក់ ជាគូកន របស់នាង ចូលរួមក្នុងសកម្មភាព ដ៏អសីលធម៌នេះ ផងដែរ។ ប្រភពព័ត៌មាន បានបន្តឲ្យដឹងទៀតថា ក្រោយមក នាងបានស្រែកខ្លាំងៗថា នាងនឹងប្រាប់ប៉ារបស់នាង អោយសម្លាប់បុគ្គលិកនោះចោល ដោយគ្មានខ្លាចក្រែង អ្វីបន្តិចសោះឡើយ។ ក្នុងនោះដែរ នៅពេលដែលមានសន្តិសុខ មកកាន់តែច្រើន អំពើហឹង្សាក៏បានផ្ទុះឡើង ហើយប៉ូលីសម្នាក់ ក៏បានរងរបួសដៃផងដែរ។
សូមទស្សនាវីឌីអូឃ្លីបខាងក្រោម៖
តើប្រិយមិត្តយល់យ៉ាងណាដែរ?
