ចូលប្លន់ផ្ទះ ប្រជាពលរដ្ឋ យកគ្រឿងអលង្ការ អស់ជាច្រើនទាំងយប់
ខេត្តកំពង់ធំ ៖ ជនសង្ស័យចោរប្លន់៣នាក់ ប្រដាប់ដោយកាំភ្លើងអាកាមួយដើមបានចូលធ្វើសកម្មភាពភ្ជង់ប្លន់ផ្ទះប្រជាពលរដ្ឋយកគ្រឿងអលង្ការអស់ជាច្រើន កាលពីវេលាម៉ោង១០យប់ថ្ងៃទី១៦ កក្កដា ២០១៣ ស្ថិតក្នុងភូមិសំពៅលូន ឃុំចើងដើង ស្រុកបារាយណ៍ ។
ម្ចាស់ផ្ទះខាងលើត្រូវបានគេស្គាល់ឈ្មោះតូច ញីត ភេទប្រុស អាយុ៦៤ឆ្នាំ ហើយទ្រព្យសម្បត្តិដែលក្រុមចោរប្រមូលយកទៅនោះមានខ្សែកមាស១ខ្សែទម្ងន់១តម្លឹង ចិញ្ចៀនប្លាទីន២វង់ទម្ងន់២ជី ខ្សែដៃប្លាទីន១ខ្សែទម្ងន់២ជី ខ្សែកប្លាទីន២ខ្សែ ប្រាក់ដុល្លារ១០០ដុល្លារ លុយ៧០ម៉ឺនរៀល ទូរស័ព្ទ៣គ្រឿង និងកាំបិតផ្គាក២ ។
បន្ទាប់ពីធ្វើសកម្មភាពរួចក្រុមចោរបានរត់គេចខ្លួនបាត់ដោយសុវត្ថិភាព ហើយពេលនេះសមត្ថកិច្ចកំពុងដុតដៃជើងតាមវែកមុខសញ្ញាចោរប្លន់យកមកផ្តន្ទាទោសតាមផ្លូវច្បាប់។
