យូរី បែកស្នេហ៍ពីរ ក្នុងពេលតែមួយ
ព័ត៌មានវដ្តស្នេហារបស់កញ្ញា យូរី ហាក់ដូចជាវិលចុះឡើងមិនទាន់រកឃើញភាពប្រាកដប្រជានៅឡើយ។ មុននេះបន្តិចល្បីថា នាងបានបង្កើតចំណងស្នេហ៍ជាមួយបុរសអ្នកជំនួញវ័យ៣០ឆ្នាំម្នាក់ ប៉ុន្តែក្រោយមកក៏បែកធ្លាយព័ត៌មានថ្មីថា នាង និងកំលោះសង្ហា អាន គុណកូឡា ក៏បានបង្កើតក្តីស្នេហ៍ថ្មីថ្លោងផងដែរ។ ព័ត៌មាននេះក៏លេចឮថា បុរសអ្នកជំនួញដែលបានបណ្តុះពន្លកស្នេហ៍ជាមួយនាងនោះ បានកើតក្តីក្តៅក្រហាយ ព្រោះដឹងថា មនុស្សដែលខ្លួនឡាញ់ទៅមានអ្នកថ្មី ក៏បានសម្រេចចិត្តទទួលយកឈ្មោះជាអ្នកចាញ់ និងបានដកខ្លួនទៅឆ្ងាយ មិនរវីរវល់ ឬក៏រករឿងកញ្ញា យូរី នោះទេ។
ដោយឡែកសម្រាប់ព័ត៌មានចំណងស្នេហ៍បរាជ័យជាមួយលោក អាន គុណកូឡា ដែលទំនងជាសាបសូន្យដូចអំបិលត្រូវទឹកទៀតនោះ ថ្មីៗនេះត្រូវបានអ្នកជិតដិតនឹងកញ្ញា យូរី ដែលជាក្រុមការងារក្នុងផលិតកម្ម សាន់ដេ មួយរូបបានបង្ហើបថា កញ្ញា យូរី ប្រហែលជានឹងត្រូវបែកស្នេហ៍ម្តងពីរក្នុងពេលតែមួយ ដូចពាក្យចាស់ពោលថា “ត្រីរស ក៏រួចន្សាយក៏រួច” នោះហើយ។ ពីព្រោះគេក៏បានដឹងពីទំនាក់ទំនងរវាងរូបនាងជាមួយលោក អាន គុណកូឡា ខ្លះៗដែរ គឺអ្នកទាំងពីរមានទំនាក់ំនងស៊ីជម្រៅ ប៉ុន្តែអ្វីដែលរឹតតែច្បាស់ជាងនេះទៅទៀតនោះគឺគេបានដឹងថាលោក អាន គុណកូឡា ក៏បានបាក់ចិត្តមកលើ យូរី មិនតិចដែរ។ ប៉ុន្តែនៅពេលគេទទួលបានព័ត៌មានបុរសអ្នកជំនួញក៏មានទំនាកទំនងជាអ្នកដែលខ្លួនស្រលាញ់ដែរនោះ លោក ក៏បានព្យាយាមដកខ្លួនបន្តិចៗម្តង រហូតដល់ដំណាក់កាលចុងក្រោយគេក៏បានចេញមុខបដិសេធថា ព័ត៌មានដែលបានកើតមានចំពោះរូបគេ និងកញ្ញា យូរី មិនមែនជាការពិតឡើយ គឺគ្រាន់តែជាការយល់ច្រឡំនៅពេលលោក និងនាងសម្តែងកាយវិកាខារ៉ាអូខេរួមគ្នាតែប៉ុណ្ណោះ។ ប្រភពដដែលនេះបន្តថា ការពិតទៅតារាវ័យក្មេងទាំងពីរដួងនេះក៏បានព្យាយាមផ្សះផ្សាគ្នាជាច្រើនលើកដែរ តែមិនដឹងប្រាកដថា បណ្តាលមកពីបញ្ហាអ្វីដែលជាឧបសគ្គមិនអាចដោះស្រាយបាន ក្រៅពីរឿងស្នេហាពីរបានកើតឡើងក្នុងពេលតែមួយនោះទេ។
ទោះយ៉ាងណាក្តីព័ត៌មានកញ្ញា យូរី បែកស្នេហ៍ពីរក្នុងពេលតែមួយនេះ កញ្ញានៅតែប្រកាន់គោលជំហរបដិសេធថា នាងគ្មានទំនាក់ទំទងស្នេហាជាមួយអ្នកណាទេ មិនថា បុរសអ្នកជំនួញ ឬក៏លោក អាន គុណកូឡា នោះទេ គឺនាងសូមបដិសេធដាច់ខាត ព្រោះព័ត៌មានទាំងនេះមិនមែនជាការពិតឡើយ៕ ប្រភព Pop7days
Resource From : khmerstation
