ស្ដ្រីក្រីក្របាន បាត់បង់ជីវិតដោយ បន្សល់ទុកកូនស្រី ម្នាក់នៅក្នុងមន្ទីរពេទ្យ
ខេត្ដកំពង់ឆ្នាំង ៖ ស្ដ្រីក្រីក្រដ៏កំសត់ម្នាក់បានបាត់បង់ជីវិតទៅហើយ បើទោះ បីជាព្យាយាមជួយសង្គ្រោះពីសំណាក់គ្រូពេទ្យក៏ដោយ ក៏មិនអាចសង្គ្រោះ បានដែរហើយអ្វីដែលគួរឱ្យអាណោចអាធ័មទៀតនោះ គឺស្ដ្រីរូបនេះបានបន្សល់ ទុកកូនស្រីម្នាក់នៅមន្ទីរពេទ្យ ។ ម្ដាយដែលអភ័ព្វតាំងពីតូច រហូតដល់បាត់បង់ជីវិតបានបន្ដភាព ស្មុគស្មាញមកដល់កូនទៀតបន្ទាប់ពីនាងបានលាចាកលោកទៅហើយនោះ ។
ស្ដ្រីដ៏កំសត់នោះបានស្លាប់បន្ទាប់ពី សម្រាលបានកូនស្រីតែ៦ថ្ងៃប៉ុណ្ណោះធ្វើឱ្យប្រជាពលរដ្ឋដែលឃើញហេតុការណ៍ នេះសម្រក់ទឹកភ្នែកអាណិតអាសូដល់ អំពីជិវិតអភ័ព្វរបស់នាងដោយសារតែ កក្ដាជីវភាពដ៏ក្រីក្របានរុញឱ្យខ្សែជីវិត របស់នាងធ្លាក់ក្នុងរណ្ដៅមរណៈ ។ សាក សពរបស់នាងត្រូវបានក្រុមគ្រូពេទ្យយកទៅបូជានៅវត្ដខេមវ័ន្ដហៅវត្ដខ្សាម បន្ទាប់ពីរង់ចាំសាច់ញាតិមិនមាន ឃើញមកនោះ ។ ប៉ុន្ដែកូនស្រីរបស់នាង ត្រូវបានក្រុមគ្រូពេទ្យរក្សាទុកដើម្បីរង់ចាំក្រែងមានក្រុមគ្រួសារមករកដោយមានការថែទាំយ៉ាងយកចិត្ដទុកដាក់ពីគ្រូពេទ្យ ។
គួរបញ្ជាក់ថា ស្ដ្រីក្រីក្រម្នាក់នេះ គ្មានញាតិសន្ដាននិងប្ដីបានស្លាប់ចោលតាំងពីនាងមានផ្ទៃពោះ១ខែមកបានធ្វើ ដំណើរមកមន្ទីរពេទ្យបង្អែកស្រុកប្រតិបត្ដិ កំពង់ត្រឡាចដោយខ្លួនឯង បន្ទាប់ពីបានឈឺពោះជិតសម្រាកកូនហើយនាងក៏ សម្រាលបានកូនស្រី១ ប៉ុន្ដែដោយ សារសុខភាពម្ដាយមានសភាពធ្ងន់ធ្ងរ ខុសប្រក្រតីគ្រូពេទ្យបានសម្រេចបញ្ជូន ស្ដ្រីដ៏កំសត់នេះមកមន្ទីរពេទ្យបង្អែក ខេត្ដកំពង់ឆ្នាំងដើម្បីជួយសង្គ្រោះ ។
ស្ដ្រីដ៏អភ័ព្វនេះបានត្រូវបានគេស្គាល់ ថា ឈ្មោះនៅ យ៉ន អាយុ២៧ឆ្នាំ រស់នៅ ភូមិចក ឃុំជ្រេស ស្រុកកំពង់ត្រឡាច ខេត្ដកំពង់ឆ្នាំង ។ អ្វីដែលគួរឱ្យសង្វេគ នៅក្នុងមន្ទីរពេទ្យនោះក្រៅពីការមើល ថែរបស់គ្រូពេទ្យនិងអ្នកជំងឺដូចគ្នានោះ គេពុំឃើញមានសាច់ញាតិណាមក មើលថែស្ដ្រីកំសត់នេះទេចាប់តាំងពីថ្ងៃ សម្រាលកូនរហូតមកដល់ថ្ងៃទី១៣ ខែកក្កដា ឆ្នាំ២០១៣គឺមានរយៈពេល៥ ថ្ងៃមកហើយៗសុខភាពម្ដាយដែលជា ស្ដ្រីក្រីក្រគឺនៅតែមានសភាពមិនដឹងខ្លួននៅឡើយទោះបីគ្រូពេទ្យនៅតែបន្ដបញ្ចូល ខ្យល់អុកស៊ីហ្សែនឱ្យនាងក៏ដោយ ។ ប្រជាពលរដ្ឋដែលឃើញសភាពលំបាក វេទនាបែបនេះពួកគាត់បានជួយផ្គត់ផ្គង់ អាហារនិងទិញទឹកដោះគោឱ្យទារិកាបៅ ថែមទៀតផងទារិកាដែលទើបនឹងសម្រាល នោះ មានសុខភាពល្អតែគេនៅតែបារម្ភ ថា កូននេះអត់មានទឹកដោះបៅហើយ ថាតើទាំងម្ដាយនិងកូនទៅជាបែបណា បើម្ដាយស្ថិតក្នុងសភាពសង្គ្រោះបន្ទាន់ បែបនេះ ។
បើតាមប្រភពពីប្រជាពលរដ្ឋដែល ជាអ្នកនៅក្នុងស្រុកភូមិជាមួយគ្នានោះ បានឱ្យដឹងថា នាងនៅ យ៉ន នេះ អភ័ព្វតាំងពីក្មេងមកម្ល៉េះ នាងក្លាយជា ក្មេងកំព្រាតាំងពីតូចរហូតមកដោយ សារតែម្ដាយឪពុកស្លាប់ចោលគឺរស់នៅគ្មានទីពឹងនោះទេរហូតដល់ធំពេញវ័យ មានចំណងអាពាហ៍ពិពាហ៍ជាមួយបុរសក្នុងភូមិ ។ ក្រោយពីមានចំណងអាពាហ៌ ពិពាហ៌ហើយនោះនាងទទួលបានមរតកមួយគឺមានផ្ទៃពោះ ប៉ុន្ដែក្រោយពីបាន ចំណងដៃនេះហើយក្ដីស្រម៉ៃថានឹងសេចក្ដីសុខរបស់ស្ដ្រីអភ័ព្វនេះបានប្រែប្រួល អស់រលីងនៅពេលដែលកូនរបស់នាង មកចាប់កំណើតក្នុងផ្ទៃបានមួយខែ គឺប្ដី របស់នាងដែលត្រៀមក្លាយជាឪពុក របស់ក្មេងទៅហើយនោះបានស្លាប់ ចោលនាងទៅទៀតទុកឱ្យនាងរស់នៅ យ៉ាងលំបាកជាមួយនឹងកូនក្នុងផ្ទៃហើយ ពេលនេះនាងបានសម្រាលកូនរួចហើយតែស្ថានភាពសុខភាពរបស់ស្ដ្រីកំសត់ ស្ថិតក្នុងសភាពនៅសង្គ្រោះបន្ទាន់នៅ ឡើយ ។
ប្រជាពលរដ្ឋបាននិយាយថា តើជិវិត របស់កូនស្រីដែលម្ដាយស្លាប់ចោល នោះនឹងក្លាយទៅជាយ៉ាងណាបើម្ដាយ ស្លាប់តាំងពីតូចក្រូចឆ្មារបែបនេះ ៕
- ប្រភពពីនគរវត្ត
