ក្មេងស្រីខ្វិនដៃ ជើងធ្លាក់ចូល បង្គន់នៅសាលា រៀនលង់ស្លាប់
ខេត្ដបាត់ដំបង ៖ ក្មេងស្រីអាយុ១០ឆ្នាំ ខ្វិនដៃជើងបានធ្លាក់ចូលបង្គន់នៅក្នុង សាលារៀនលង់ទឹកក្នុងរណ្ដៅបង្គន់ស្លាប់ចម្ងាយពីផ្ទះប្រហែល៥០ម៉ែត្រពេល ឪពុកម្ដាយជាប់រវល់កាលពីវេលាម៉ោង៨និង២០នាទីព្រឹកថ្ងៃទី២២ ខែកក្កដា ឆ្នាំ២០១៣នៅចំណុចសាលារៀនរម៉ាំង (របស់សហគមន៍សាងសង់) ស្ថិតក្នុង ភូមិស្វាយជ្រំ ឃុំកំពង់ល្ពៅ ស្រុកសំឡូត ខេត្ដបាត់ដំបង ។
លោកកែវ ម៉ូស នាយប៉ុស្ដិ៍កំពង់ល្ពៅ បានឱ្យដឹងថា ក្មេងស្រីរងគ្រោះមាន ឈ្មោះណន វាសនា អាយុ១០ឆ្នាំ ខ្វិនដៃ ជើងមានទីលំនៅក្នុងភូមិកើតហេតុ។ លោកនាយប៉ុសិ៍្ដបានបន្ដថា ក្មេងរងគ្រោះ បានលង់ទឹកបង្គន់ធ្វើថ្មីគ្របថាសតែមិនទាន់ដាក់ចាននិងមិនទាន់ចាក់ដីលុប កៀនខាងនៅឡើយ ។
ឪពុកក្មេងស្រីរងគ្រោះបានប្រាប់ សមត្ថកិច្ចថា កូនស្រីឈ្មោះណន វាសនា បានខ្វិនដៃជើងយូរមកហើយៗថ្មីនេះកូន ស្រីបានចេះវារតោងតិចៗហើយនៅថ្ងៃ កើតហេតុដោយគាត់ជាឪពុកជាប់រវល់កាងារនឹកស្មានតែកូនស្រីដើរលេងផ្ទះ អ្នកជិតខាង ។ ប៉ុន្ដែដល់បាត់យូរពេក ទើបដើររកក៏ប្រទះឃើញកូនស្រីស្លាប់ នៅក្នុងរណ្ដៅបង្គន់បាត់ទៅហើយ ។
លោក កែវ ម៉ូស នាយប៉ុស្ដិ៍កំពង់ល្ពៅ បានសន្និដ្ឋានថា ជនរងគ្រោះអាចទៅ លេងលើបង្គន់រួចឱនក្បាលចូលហើយ ជាប់រើមិនរួចបន្ទាប់មកក៏ធ្លាក់ចូល ឈ្លក់ទឹកស្លាប់តែម្ដង ។
បច្ចុប្បន្នសពបានប្រគល់ជូនអាណា ព្យាបាលយកទៅធ្វើបុណ្យតាមប្រពៃណី ៕
- ប្រភពពីនគរវត្ត
