ចោរឆក់ កាបូបម្នាក់ត្រូវ ប្រជាពលរដ្ឋ ក្របួចបាន
រាជធានីភ្នំពេញ ៖ ចោរឆក់កាបូបម្នាក់ ត្រូវប្រជាពលរដ្ឋសហការជាមួយជនរងគ្រោះតាមប្រមាញ់ចាប់បាន រួចប្រគល់ឱ្យនគរបាលប៉ុស្តិ៍បឹងរាំងកាលពីវេលាម៉ោង៧ និង៣០នាទីយប់ថ្ងៃទី២៣ កក្កដា ២០១៣ ស្ថិតនៅលើកំណាត់ផ្លូវលេខ១៨០ ក្នុងភូមិទី៨ សង្កាត់បឹងរាំង ខណ្ឌដូនពេញ បន្ទាប់ពីធ្វើសកម្មភាពឆក់កាបូបស្ពាយរបស់នារីម្នាក់ ។
ជនសង្ស័យដែលឆក់កាបូបមិនបានសម្រេចនោះឈ្មោះញៀន ឈុនស៊ុនហួត អាយុ២០ឆ្នាំ មានទីលំនៅមិនពិតប្រាកដ ។ ចំណែកនារីរងគ្រោះឈ្មោះសាន្ត ថាលីន អាយុ២០ឆ្នាំ ជានិស្សិតសាកលវិទ្យាល័យភ្នំពេញ ស្នាក់នៅក្នុងសង្កាត់និរោធន៍ ខណ្ឌមានជ័យ រាជធានីភ្នំពេញ ។
បច្ចុប្បន្នជនសង្ស័យត្រូវបានឃាត់ខ្លួនបណ្តោះអាសន្ននៅអធិការដ្ឋាននគរបាលខណ្ឌដូនពេញ ដើម្បីកសាងសំណុំរឿងបញ្ជូនទៅសាលាដំបូងរាជធានីភ្នំពេញ ៕
