ស្រលាញ់ ងប់ងុលឪពុក ម្តាយបំបែក ចង កសម្លាប់ខ្លួន
ភ្នំពេញ ៖ យុវជនម្នាក់បានចង កនឹងខ្សែអង្រឹងជាប់ទៅនឹងមេដំបូលផ្ទះស្លាប់ដោយសារតែមានវិបត្តិស្នេហ៍ធ្ងន់ធ្ងរព្រោះនារីដែលខ្លួនស្រលាញ់ពេញបេះដូងត្រូវឳពុកម្តាយខាងស្រីបំបែកចេញពីខ្លួន។ ហេតុការណ៍នេះមានការភ្ញាក់ផ្អើលនៅវេលាម៉ោង១៦ និង ៣០នាទីល្ងាច ថ្ងៃទី២៤ ខែកក្កដា ឆ្នាំ ២០១៣ នៅផ្ទះរបស់ជនរងគ្រោះម្តុំផ្លូវរទេះភ្លើងភូមិទួលសង្កែសង្កាត់ទួលសង្កែ ខណ្ឌឫស្សីកែវ។ ក្រុមគ្រួសារជន រងគ្រោះបានឱ្យដឹងថា ជនរងគ្រោះឈ្មោះ មឿន រិទ្ធី អាយុ២៣ឆ្នាំ មានលំនៅផ្ទះកើតហេតុខាងលើ មុនពេលកើតហេតុពុំមានអ្នកណានៅផ្ទះទេ មានតែជនរងគ្រោះម្នាក់ឯង ស្រាប់តែ ពេលគាត់មកដល់ផ្ទះបើក ទ្វារស្រាប់តែឃើញកូនរបស់គាត់ចង កស្លាប់តែម្តង ហើយគាត់បានរាយការណ៍ប្រាប់សមត្ថកិច្ចដើម្បីពិនិត្យ។
ប្រភពដដែលបានបន្តទៀតថា កូនប្រុសរបស់គាត់បានស្រលាញ់នារីម្នាក់ ឈ្មោះ ក្ឌូក ដែលមានលំនៅដ្ឋានជិតគ្នាជាយូរមកហើយគឺស្រលាញ់ខ្លាំងទៀតផង ប៉ុន្តែត្រូវឳពុកម្តាយខាងស្រីគេមិនពេញចិត្តកូនរបស់គាត់ដោយសារតែគ្រួសារគាត់ក្រក្រីពេក ហើយក៏បានបំបែកនាង ក្ឌូកទៅណាបាត់រហូត ។ ក្រោយពេលដែលនាងក្ឌូកចែញបាត់ កូនប្រុសគាត់បានពិបាកចិត្តយ៉ាងខ្លាំង បាយមិននឹកទឹកក៏ស្រេក គិតតែសញ្ជប់សញ្ជឹង មិនរវល់ធ្វើអ្វីឡើយគឺស្រលាញ់ងប់ងុលតែម្តង។ ប្រភពដដែលបានបញ្ជាក់ទៀតថា គាត់មិននឹកស្មានថាការពិបាកចិត្តរបស់កូនប្រុសគាត់រហូតដល់ថ្នាក់ចង កសម្លាប់ខ្លួនបែបនោះទេ។
ក្រោយពីប៉ូលិសពិនិត្យរួចរាល់បាប្រគល់សពឱ្យទៅក្រុមគ្រួសារធ្វើបុណ្យតាមប្រពៃណី៕
ប្រភព កម្ពុជាថ្មី
