​នៅ​ក្នុង​​​បទ​សម្ភាសន៍​មួយ ​តារា​ចម្រៀង​តៃវ៉ាន់​សញ្ជាតិ​អាមេរិក​ Will Pan ​​បាន​អរគុណ​អ្នក​ចម្រៀង ​​និង​​​អ្នក​និពន្ធ​ចម្រៀង​ ​Coco Lee ចំពោះ​ការ​ជួយ​ជ្រោមជ្រែង​​​រូប​គេ​កន្លង​មក។ តើ​អ្នកណា​ទៅ​ដឹង​ថា ​នៅ​ពី​ក្រោយ​ភាព​ជោគជ័យ​បុរស​សង្ហារ​ Will Pan​ បាន​ឆ្លង​កាត់​ឧបសគ្គ​អ្វី​ខ្លះ ?

ក្រោយ​ពី​ប្រឡូក​ក្នុង​វិស័យ​សិល្បៈ​ជាង​១០​ឆ្នាំ​មក​​នេះ​​ Will Pan នៅ​តែ​បន្ត​ទទួល​បាន​ការ​គាំទ្រ​ខ្លាំង​ពី​​​ទស្សនិក​ជន។ ​ម្ចាស់​បទ​ “Duet Dance” ឬ “Dance For Two”​ ​បាន​បើក​បង្ហើប​ប្រាប់​ថា​ ​ផ្លូវ​ដើរ​លើ​​វិស័យ​សិល្បៈ​មិនមែន​ចេះ​តែ​រលូន​រហូត​ទេ។​ ទម្រាំ​មាន​ថ្ងៃនេះ​បាន​ឆ្លង​កាត់​ការ​លំបាក​ជា​ច្រើន​ព្រោះ​មាន​​អ្នក​ខ្លះ​និយាយ​ប្រាប់​ថា ​គេ​គ្មាន​គុណសម្បត្តិ​គ្រប់គ្រាន់​ក្នុង​ការ​ធ្វើ​ជា​តារាទេ។

 ​

Will Pan​ សម្ដែង​ជា​មួយ​ ​Sanrine Pinna​ ក្នុង​រឿង ​​”Endless Love”

​​Will Pan  ​បាន​ថ្លែង​អំណរ​គុណ​ដល់​ Coco Lee ដែល​តែងតែ​គាំទ្រ​​រហូត​មក ​ព្រម​ទាំង​ជួយ​ណែនាំ​​​រូប​​គេ​ដល់​​ផលិតកម្ម​ចម្រៀង​នានា​ទៀត​ផង។ ម្ចាស់​ពាន​រង្វាន់​ Golden Bell Awards ឆ្នាំ​២០១១​ ​រូប​នេះ​ បាន​បន្ថែម​ទៀត​ថា​ ​អ្នក​ចម្រៀង ​និង​អ្នក​និពន្ធ​សិង្ហបុរី​ Stefanie Sun ក៏ជា​មូលហេតុ​​​ចម្បង​នាំឱ្យ​គេ​ជោគជ័យ​នៅ​ថ្ងៃ​នេះ​ដែរ​ ព្រោះ​ Stefanie តែង​តែ​លើក​ទឹក​ចិត្ត​ឱ្យ​គេ​ព្យាយាម​សម្រេច​ក្តី​សុបិន​ជា​និច្ច​​ដែរ។

ជាមួយ​នឹង​ទេពកោសល្យ​សម្ដែង​ដ៏​ល្អ​ឆ្នាំ​មុន​នេះ​ Will Pan ​បាន​ឈ្នះ​ពាន​រង្វាន់​តួឯក​ប្រុស​ឆ្នើម​ប្រចាំ​ឆ្នាំ​២០១២​​ ​​លើ​ការ​សម្ដែង​រឿង​ភាគ ​”Endless Love” ​ដែល​ចាប់​ដៃ​គូ​ជាមួយ​តួឯក​ស្រី ​Sanrine Pinna។ នៅ​ក្នុង​រឿង​ភាគ​នោះ​ ​Will Pan ​​ទទួល​បាន​ការ​គាំទ្រ​ខ្លាំង​បំផុត​ពី​សំណាក់​​អ្នក​ទស្សនា៕​​​