ស្ទើរគ្រប់មជ្ឈដ្ឋាន គាំទ្រអាណាចក្រតារាឆ្នាំ២០១៣
កម្មវិធីអាណាចក្រតារាឆ្នាំ២០១៣ បានចុះទៅ ផ្សព្វផ្សាយ នៅតាមបណ្ដាខេត្ត-ក្រុងនានាដើម្បីឱ្យប្រជាជនខ្មែរគ្រប់ស្រទាប់វណ្ណៈបានបោះឆ្នោតគាំទ្រតារា ក្នុងដួងចិត្តរបស់ពួកគេ។ ប្រជាជននៅតាមបណ្ដាខេត្តនានាបានបង្ហាញចំណាប់អារម្មណ៍ និងពេញចិត្តគាំទ្រតារាផ្សេងៗគ្នានៅពេលកម្មវិធីអាណាចក្រតារាចុះទៅដល់ទីនោះ។
ដៃកំពុងតែចង្អុលទៅកាន់ឈ្មោះតារាសម្ដែងកញ្ញា ម៉ាកសែន សូនីតា ដើម្បីបង្ហាញពីការគាំទ្រតារារូបនេះ កញ្ញា បញ្ញា មកពីខេត្តកំពង់ចាម បានរៀបរាប់ថា នេះជាលើកទីមួយហើយដែលនាងបានចូលរួមកម្មវិធី អាណាចក្រតារា ដើម្បីគាំទ្រតារាជាទីស្រលាញ់របស់នាង។
កញ្ញានិយាយថា កម្មវិធីនេះពិតជាល្អខ្លាំងណាស់ ហើយនាងពេញចិត្តតារាទាំងអស់នេះ។ កញ្ញាកំពុងតែទន្ទឹងរង់ចាំមើលថា តើតារារូបណាខ្លះនឹងឈ្នះពានពីកម្មវិធី ប្រគល់ពាន ដ៏ធំប្រចាំឆ្នាំក្នុងប្រទេសកម្ពុជានាពេលខាងមុខ។
ងាកទៅរកយុវជន គឹម រស្មី មកពីខេត្តកំពង់ធំ វិញ ដំបូងឡើយលោកហាក់មិនចង់ចូលរួមគាំទ្រដល់មិត្តសិល្បករ សិល្បៈការិនីខ្មែរឡើយ ដោយលើកឡើងថា មិនបានផ្ដល់ភាពសុក្រឹតឡើយ។ ប៉ុន្តែនៅពេលបានដឹងពីព័ត៌មានលម្អិតពីកម្មវិធីអាណាចក្រតារា ច្បាស់ហើយធ្វើឱ្យយុវជនដដែលនេះប្រែចិត្តចាប់អារម្មណ៍ខ្លាំងលើកម្មវិធីនេះទៅវិញ។
យុវជនរូបនេះនិយាយថា ៖ “ដំបូងខ្ញុំគិតថាគ្មានប្រយោជន៍ទេ ហើយគិតថា ក៏គ្មានភាពសុក្រឹតដែរ។ ប៉ុន្តែនៅពេលបានដឹងថា មានគណៈកម្មការសុទ្ធតែមានបទពិសោធន៍ មានក្រុមហ៊ុនត្រួតពិនិត្យស្តង់ដារមកពីបរទេស ហើយលុយដែលបានមកពីការផ្ញើសារយកទៅជួយសិល្បករចាស់ៗ ទៀតធ្វើឱ្យខ្ញុំចង់គាំទ្រមែនទែន”។
ដោយឡែកអ្នកស្រី សរ ស្រីមុំ រស់នៅខេត្តសៀមរាប ឯណោះវិញ បញ្ជាក់ថា កម្មវិធីនេះពិតជាផ្ដល់សារសំខាន់ណាស់ដល់មិត្តសិល្បករ សិល្បការិនី ជាពិសេសវិស័យសិល្បៈរបស់ជាតិទាំងមូលតែម្ដងព្រោះបានជំរុញឱ្យតារាខ្មែរមានកម្រិតស្តង់ដារដូចនៅបរទេស។
អ្នកស្រីបានបញ្ជាក់ ៖ “ខ្ញុំធ្លាប់តែឃើញនៅបរទេសគេប្រគល់ពានដល់តារាគេមើលទៅអស្ចារ្យណាស់។ ខ្ញុំគិតថាតារាខ្មែរនឹងអស្ចារ្យដូចនៅបរទេសដូច្នេះដែរ នៅពេលមានកម្មវិធីអាណាចក្រតារា នេះ”។
ជាមួយគ្នានេះដែរយុវតី ស្រី សុខា ជាសិស្សថ្នាក់ទី១២នៃវិទ្យាល័យ នេតយ៉ង់ ខេត្តបាត់ដំបង បានបង្ហាញពីចំណាប់អារម្មណ៍ថា ការបង្កើតកម្មវិធីអាណាចក្រតារានេះឡើងបានធ្វើឱ្យសិស្សានុសិស្សបានស្គាល់តារាខ្មែរកាន់តែច្បាស់ និងតាមដានតារាទាំងនោះនៅតាមកញ្ចក់ទូរទស្សន៍ក៏ដូចជាក្នុងខ្សែភាពយន្តនានាដើម្បីវាយតម្លៃ និងបោះឆ្នោតគាំទ្រ។
យុវតី ស្រី សុខា សបញ្ជាក់ថា ពីមុនមិនដឹងថាគាំទ្រតារាម្នាក់តាមវិធីណាទេ ប៉ុន្តែដល់ពេលមានកម្មវិធីអាណាចក្រតារា ធ្វើឲ្យមនុស្សម្នាក់ៗបានគាំទ្រតារាជាទីស្រលាញ់របស់ពួកគេ។
មិនសូវជាខុសប៉ុន្មានពីមតិខាងលើលោក មាន វាសនា អ្នករស់នៅខេត្តបន្ទាយមានជ័យ ដែលប្រាប់ថាលោកពេញចិត្តពិធីការិនី ហ៊ិន ច័ន្ទនីរត្ន នៅក្នុងកម្មវិធីអាណាចក្រតារា និយាយថា កម្មវិធីមួយនេះពិតជាផ្ដល់អត្ថប្រយោជន៍ខ្ពស់សម្រាប់មុខមាត់ប្រទេសជាតិ។
លោកបញ្ជាក់ ៖ “លើកទីមួយហើយដែលខ្ញុំបានស្គាល់កម្មវិធីនេះ។ ខ្ញុំពេញចិត្តជាខ្លាំងចំពោះកម្មវិធីនេះ ហើយខ្ញុំសូមឱ្យប្រជាជនទាំងអស់បោះឆ្នោតគាំទ្រតារាឱ្យបានទាំងអស់គ្នាដើម្បីជួយលើកកម្ពស់ វិស័យសិល្បៈ របស់ជាតិយើងឱ្យដូចនៅបរទេស”។
រីឯលោក កា រស់នៅខេត្តព្រះសីហនុ និយាយទាំងអារម្មណ៍សប្បាយរីករាយថា លោកពេញចិត្តជាខ្លាំងចំពោះកម្មវិធីអាណាចក្រតារាដែលធ្វើឡើងក្នុងន័យដើម្បីផ្ដល់តម្លៃដល់មិត្តសិល្បករ សិល្ប ការិនីខ្មែរ។
លោកនិយាយថា ៖ “ខ្ញុំគិតថាទោះជាកម្មវិធីនេះមិនទាន់ជ្រាបខ្លាំងដល់មហាជនខ្មែរយ៉ាងណាក៏ដោយតែនេះជាមុខមាត់របស់ជាតិនៅពេលយើងមានកម្មវិធីប្រគល់ពានធំបែបនេះ”។
ទន្ទឹមនឹងនេះដែរ អ្នកស្រី ពេជ្រ វណ្ណី អាជីវករ នៅ ខេត្តកំពត បានលើកឡើងថា កម្មវិធីអាណាចក្រតារា គឺជាកម្មវិធីតំណាងឱ្យប្រទេសកម្ពុជាក្នុងការផ្ដល់ពានជូនដល់មិត្តសិល្បករ សិល្បការិនី ដូចជានៅតាមបណ្ដាប្រទេសមួយចំនួនលើពិភពលោកដូច្នេះដែរ។
អ្នកស្រីបាននិយាយថា៖ “ខ្ញុំគិតថា សិល្បករខ្មែរយើងពិតជាមានសំណាងណាស់ដែលមានកម្មវិធីបែបនេះព្រោះអាចផ្ដល់តម្លៃកាន់តែខ្ពស់ដល់ពួកគេ។ ខ្ញុំចង់ឱ្យតារាខ្មែរមានតម្លៃកាន់តែខ្ពស់តាមរយៈកម្មវិធីអាណាចក្រតារានេះ”។
កម្មវិធីអាណាចក្រតារាបានចុះទៅផ្សព្វផ្សាយនៅតាមបណ្ដាខេត្តនានាក្នុងន័យធ្វើឱ្យប្រជាជនខ្មែរគ្រប់ស្រទាប់វណ្ណៈបានគាំទ្រតារាសំណព្វចិត្តរបស់ខ្លួនកាលពីចុងខែឧសភាកន្លងទៅ។ ក្រុមការងារអាណាចក្រតារាពេលនេះកំពុងមានវត្តមាននៅសាកលវិទ្យាល័យឯកទេសនៃកម្ពុជា (CUS) ដែលជា ទីតាំងចុងក្រោយនៃយុទ្ធនាការចុះផ្សព្វផ្សាយកម្មវិធីអាណាចក្រតារាទាំង ៩រាជធានីខេត្តក្រុង។
តាមពិតទីតាំងចុងក្រោយនៃកម្មវិធី អាណាចក្រតារា ស្ថិតនៅក្រុងតាខ្មៅឯណោះទេ ប៉ុន្តែដោយសារចំថ្ងៃឃោសនាបោះឆ្នោតអាជ្ញាធរដែនដីចង់ឱ្យមានភាពស្ងប់ស្ងាត់គ្មានសំឡេងរំខាន។ ដូច្នេះហើយកម្មវិធីអាណាចក្រតារាមិនអាចធ្វើការផ្សព្វផ្សាយបានទេនៅក្នុងក្រុងនេះបានត្រឹមតែចែកខិត្តប័ណ្ណតែប៉ុណ្ណោះ ដោយបានមកបោះស្តង់នៅរាជធានីភ្នំពេញវិញ៕
ដើម្បីគាំទ្រតារាដែលប្រិយមិត្តពេញចិត្តសូមចូលទៅកាន់ anachakdara.com
ប្រភព : សប្បាយ
