ខ្លាឃ្មុំផេនដាកើតកូនភ្លោះជាលើកដំបូងនៅប្រទេសចិន
សារព័ត៌មានបរទេសកាលពីថ្ងៃទី២៣ មិថុនា ២០១៣ ផ្សាយថា មជ្ឈមណ្ឌលអភិរក្ស និងស្រាវជ្រាវខ្លាឃ្មុំផេនដានៅតំបន់ស៊ីឈួន បានថ្លែងថា ខ្លាឃ្មុំផេនដាញី«ហាយស៊ី» កើតបានកូនភ្លោះជាលើកដំបូងនៅលើពិភពលោក កាលពីថ្ងៃទី២២ មិថុនា ២០១៣ ។
បុគ្គលិកនៅក្នុងមជ្ឈមណ្ឌលនោះឱ្យដឹងថា ខ្លាឃ្មុំផេនដាញីហាយស៊ីបានបង្កាត់ពូជជាមួយខ្លាឃ្មុំឈ្មោល«ប៉ាយយ៉ាង» និង«យីប៉ូ» កាលពីខែមីនា ២០១៣ ។
បុគ្គលិកនៅក្នុងមជ្ឈមណ្ឌលនោះឱ្យដឹងថា ខ្លាឃ្មុំផេនដាញីហាយស៊ីបានបង្កាត់ពូជជាមួយខ្លាឃ្មុំឈ្មោល«ប៉ាយយ៉ាង» និង«យីប៉ូ» កាលពីខែមីនា ២០១៣ ។
ជាធម្មតាខ្លាឃ្មុំមិនសូវបង្កាត់ពូជនៅពេលគេដាក់ចិញ្ចឹមនៅក្នុងឧទ្យានសត្វទេ។ បច្ចុប្បន្នខ្លាឃ្មុំផេនដាមានចំនួន១.៦០០ក្បាល ដោយភាគច្រើនស្ថិតនៅក្នុងតំបន់ស៊ីឈួន ប៉ុន្តែមានប្រហែល៣០០ក្បាល ស្ថិតនៅក្នុងឧទ្យានសត្វទូទាំងពិភពលោក ៕
